تازه خبرونه
سولې ته د رسیدو لپاره دې لنډمهاله حکومت جوړ شي ـ جمعیت ګوند
د افغانستان جمعیت اسلامي ګوند مرستیال احمد ضیا مسعود د سولې هوکړې لپاره د لنډ مهال حکومت د جوړېدو وړاندیزکړی دی.
د افغانستان جمیت اسلامي ګوند مرستیال پر افغانستان د پخواني شوروي د برغل د یوڅلوېښتمې کلیزې په مناسبت جوړې شوې ویلي؛ سولې ته د رسېدو لپاره دې لنډ مهاله اداره جوړه شي او د راتلونکي نظام په اړه باید لویه جرګه پرېکړه وکړي.
احمد ضیا مسعود زیاته کړې: راځۍ، چې د سولې خبرو پر میکانیزم خبرې وکړو. لومړی باید مونږ اوربند وکړو او بیا لنډمهاله حکومت جوړ کړو.
که څه هم د افغانستان حکومت دغه وړاندیز رد کړی؛ خو د جمعیت ګوند په دې باور دی، چې حکومت نشي کولی اوسنی وضعیت کنټرول کړي.
تمه ده، چې د افغانستان ترمنځ خبرې د جنورۍ پء پنځمه بیا پیل شي او د خبرو لپاره به په ګډه اجنډا تمرکز وکړي.
د جمهوي نظام او تېرو دوه لسیزو د لاسته راوړنو خوندیتوب هغه مسایل دي، چې تل افغان دولت د افغانانو تر منځ د سولې په خبرو کې سرې کرښې یادې کړې دي.
د مشرانو جرګې غړي محمد اکبري ویلي؛ په افغانستان کې د ثبات لپاره هره هڅه باید د اساسي قانون پر بنسټ رامنځته شي.
د حزب اسلامي مشر ګلبدین حکمتیار له دې محکې خبرداری ورکړی و، چې د حکومت او ټولو کورنیو لوریو په نه شتون کې به د سولې خبرې پایله ورنکړي.
د ۱۳۵۸ لمریز کال د مرغومي پر ۶ شوروي اتحاد د شوروي – افغانستان د دوستۍ د تړون پر پلمه پر افغانستان برید وکړ.
شورویانو د همدې ورځې پر سهار کابل ته په پراخه کچه پوځي الوتنې ترسره کړې، چې په کې د اټکل له ۲۸۰ ترانسپورتي الوتکې او د شاوخوا ۸۵۰۰ سرتېري په درې برخو کې راورسېدل.
د څو ورځو په بهیر کې شورویانو د کابل امنیت ټینګ کړ او د ارګ پر وړاندې یې حفیظ الله امین ته د وفادار افغان اردو مقاومت یې له مخې لرې کړ.
د ۱۹۷۹ کال دسمبر پر ۲۷ ببرک کارمل د پرچم ګوند په مشرۍ د خلکو ډیموکراتیک ګوند ځای ناستی او د افغانستان د نوي مشر په توګه وټاکل شو. په دې توګه د شوروي ځمکني ځواکونه له شمال څخه افغانستان ته ننوتل.
په هره توګه کله، چې شوروي ځواکونه د هېواد په لرې پرتو سیمو کې ځای پر ځای شول؛ نو د افغانانو له سخت مقاومت سره مخ شول.
د افغانستان د خلکو جهاد هغه مهال زور واخیست، چې شورویانو او د دوي حکومت د خلکو د عنعنوي ژوند او اسلام پر ضد جګړه ونښلوله.
جنګیالیو هر هغه وسلې وکارولې، چې دوی له روسانو څخه اخیستې وي یا د متحده ایالاتو لخوا ورکړ شوې وې؛ په ۱۹۸۷ کې د امریکا ستینګر توغندیو حالات بدل کړل او مجاهدینو په منظم ډول د شوروي الوتکې او چورلکې ویشتل پیل کړل وي.
دا مهال میخایل ګورباچوف په واک کې و او پرېکړه یې وکړه، چې اوس د وتلو او وخت دی او له کوم بري پرته په ۱۹۸۸ یې وتل پیل کړل او وروستي سرتېري یې په فبرورۍ کې ووتل.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه