تازه خبرونه
طالبانو د پاکستان وړاندیز نه دی منلی
طالبانو د پاکستان هغه وړاندیز چې اسلام آباد کې له زلمي خلیلزاد سره وګوري، نه دی منلی.
طالبانو ته نږدې سرچینو ویلي، دا وړاندیز له پاکستاني چاوراکو سره د خلیلزاد تر لیدنې وروسته طالبانو ته وشو؛ خو سرچینو ویلي چې طالبان نه غواړي د امریکا او دوی تر منځ خبرو کې وروسته له دې پاکستان، سعودي عربستان او متحده عربي امارات رول ولري. ویل کیږي چې د طالبانو او امریکا تر منځ د خبرو د اجنډا په تړاو اختلاف هم لا نه دی حل شوی.
د اریانا نیوز د رپوټ له مخې وېل کېږي چې څو ورځې زلمي خلیلزاد په اسلام آباد کې له لومړي وزیر عمران خان او نورو پاکستاني چارواکو سره د سولې په تړاو خبرې کوي؛ ښایي یوه موخه هم د طالبانو او واشنګټن تر منځ خبرو ته د زمینې برابرول وي. همدا شان ویل کیږي چې پاکستان له طالبانو غوښتي چې په اسلام آباد کې له زلمي خلیلزاد سره وګوري؛ خو طالبانو دا وړاندیز نه دی منلی او ویلي یې دي چې د خلیلزاد په حضور کې په اسلام آباد کې په هیڅ یوې ناسته کې ګډون نه کوي.
حسن حقیار سیاسي فعال په دې هکله وویل”خلیلزاد غواړي چې په پاکستان کې له طالبانو سره وګوري؛ خو طالبان غواړي چې په دې ناسته کې یوازي او او امریکایي لوري شتون ولري”
همدا شان طالبانو ته نږدې سرچینو ویلي چې امریکا له طالبانو غوښتي لومړی له افغان دولت سره د سولې هوکړې ته ورسیږي، وروسه به له افغانستان څخه د امریکایي ځواکونو په وتلو کار وشي؛ خو طالبان لومړی د امریکایي ځواکونو وتل غواړي او وروسته له افغان دولت سره د سولې هوکړه.
په دې هکله یو بل تن سید اکبر آغا د طالبانو پخوانی چارواکی آریانا نیوز ته وویل: “تر اوسه پورې هغه جنجال چې دی هغه حل شوی نه دی البته جنجال په دې دی چې طالبان غواړي چې د امریکایانو په وتلو باندې توافق راشي نو بیا به زمینه برابره شي د نورو خبرو ته”
بل خوا زلمي خلیلزاد خبرداری ورکړی چې که طالبان د سولې بهیر ته شا کړي، امریکا به له افغان دولت سره یو ځای له طالبانو سره وجنګیږي؛ خو اوس هم د دولت رول کم یادیږي.
د سولې عالي شورا د ویاند مرستیال اسدالله زایري په دې هکله وویل”دا خبرې اترې زیاتره د مذاکراتو په موخه تر سره کېږي تر دوی په یو ډول یو ډول قانع کړي تر څو له حکومت سره خبرو ته کېښني”
مخکې طالبانو هم ویلي و چې که زلمی خلیلزاد وغواړي د بهرنیو ځواکونو د وتلو له مسالې پرته په نورو مواردو لکه د طالبانو د زندانیانو په آزادېدو او له تور نوملړ څخه د طالبانو د مشرانو د نومونو په ویستو خبرې وکړي، طالبان به له امریکا سره خبرې وځنډوي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه