سیمه ییز خبرونه
عمران خان په ټول هېواد کې د ( آزادۍ ) لاریونونو غوښتنه وکړه
د پاکستان پخواني لومړي وزیر عمران خان د یکشنبې پر ورځ په ټول هېواد کې د ( آزادۍ ) لاریونونو غوښتنه وکړه.
د کرکت د ډګر اتل او د پاکستان پخوانی لومړی وزیر د تېر کال په اپریل میاشت کې د فساد پر تور له واکه لرې او تېره اوونۍ پوځیانو بندي کړ؛ خو د جمعې پر ورځ له هغې وروسته خوشې شو، چې د سترې محکمې لخوا یې نیول غیر قانوني اعلان شول.
د فرانسې خبري سرچینې د څرګندونو له مخې؛ د عمران خان پر نیول کیدو غصه شويو، پلویانو یې لاریون وکړ؛ د لاریون پر مهال حکومتي ودانیو ته اور واچاول شو، سړکونه بند شول او د اردو ملکیتونو ته یې زیان ورساوه.
عمران خان د شنبې پر شپه په یوتیوب کې د خپرېه شوې وینا پر مهال ویلي.آزادي په اسانۍ نه راځي؛ تاسې یې باید ترلاسه کړئ او د هغې لپاره باید سرښندنه وښي.
هغه له پلویانو وغوښتل، چې د یکشنبې تر ماښامه د یو ساعت لپاره په ټول هېواد کې لاریونونه وکړي.
په ټول پاکستان کې له پېنځه ورځو ګډوډۍ وروسته؛ د یکشنبې سهار ارامه و؛ خو عمران خان ژمنه کړې، چې د چارشنبې پر ورځ به د بېړنیو ټاکنو لپاره کمپاین ته راوګرځي.
د پاکستان تحریک انصاف ګوند مشر له تېرو څو میاشتو راپدیخوا د پوځ پر وړاندې د مبارزې لړۍ روانه ساتلې.
د تېرې اوونۍ د سې شنبې پر ورځ د هغه نیول له هغې څو ساعته وروسته تر سره شول، چې پر لوړ پوړيو چارواکو تېر کال د وژنې ادعا راپورته کړه.
د فرانسې خبري آژانس څرګنده کړې؛ د پاکستان ځواکمن پوځ د خپل ۷۵ کلن تاریخ نږدې نیمایي کلونه نېغ پر نېغه واکمني چلولې او پر سیاسي سیستم یې واکمني روانه ساتلې ده.
هغه خبریالانو ته ویلي وه، چې د پوځ مشر یې په نیولو کې لاس درلود.
عمران خان په لاریونونو کې پر پوځي تاسیساتو له بریدونو څخه ځان ددې ته کړ؛ د خپل ګوند د غړيو ښکېلتیا یې رد کړه او د تاوتریخوالي په اړه یې د خپلواکې پلټنې غوښتنه وکړه.
پوځ د خان لخوا لګول شوي تورونه ردوي او په دې اړه یې د شنبې پر ورځ خبرداری ورکړ.
پولیسو او روغتونونو ویلي، چې تېره اوونۍ په ناکراریو کې لږ تر لږه نهه کسان مړه شوي دي.
د چارواکو د څرګندونو له مخې، په سلګونه پولیس افسران ټپیان شوي او په پنجاب او خیبر پښتونخوا صوبو کې له ۴۰۰۰ ډېر کسان نیول شوي دي.
د عمران خان یو وکیل ویلي، د مظاهرو له پیل راپدیخوا د تحریک انصاف لږ تر لږه لس لوړپوړي مشران نیول شوي وه.
د سې شنبې پر ورځ لومړي وزیر شهباز شریف خبرداری ورکړ؛ هغه کسان، چې د تاوتریخوالي په اسانه کولو، هڅولو او ترسره کولو کې ښکېل دي باید په ۷۲ ساعتونو کې ونیول شي.
هغه له خوشې کېدو وروسته لاهور ته د سفر پر مهال ویلي، هغه کسان، چې د دولت ضد چلند یې ښودلی و دې نیول شي او په ترهګرۍ ضد محکمو کې دې محاکمه شي.
د فرانسې خبري آژانس څرګنده کړې؛ د کورنیو چارو وزیر رانا ثناءالله ویلي؛ پولیس به عمران خان د اکتوبر په میاشت کې له انتخاباتو مخکې بیا ونیول شي.
د اسلامآباد های سترې محکمې حکم کړی، چې خان دې د دوشنبې تر ورځې له نیول کېدو خوندي وساتل شي.
سیمه ییز خبرونه
امریکا دې د بشري حقونو په اړه دوه ګوني سیاست ودروي – ترکیه
د رویټرز خبري آژانس د راپور له مخې؛ ترکیې د چارشنبې پر ورځ امریکا تورنه کړې، چې د بشري حقونو په اړه دوه ګونی سیاست پالي او وایي، چې واشنګټن د بشري حقونو کلنی راپور په غزه کې د اسرائیلو د بریدونو په غندلو کې پاتې راغلی دی.
د ترکیې د بهرنیو چارو وزارت په خبرپاڼه کې راغلي، چې د امریکا دې کلني راپور په غزه کې روان غیر انساني بریدونه په سمه توګه راځلولي ندي. دا راپور پر سیاسي انګیزو له بې طرفۍ او معقولیت څخه لرې چمتو شوی دی.
ترکیې له واشنګټن وغوښتل، چې د بشري حقونو په اړه دوه ګونی سیاست ودروي.
دغه راز په دې راپور کې د سوریې له کردي ملیشې سره د امریکا اړیکو ته هم ګوته نیول شوې، چې انقره یې یوه ترهګر ډله ګڼي.
په غزه کې د روغتیايي چارواکو د څرګندونو له مخې؛ اسرائیلي ځواکونو له ۳۴ زره ډېر فلسطینیان وژلي، چې ډېر یې ملکيان او ماشومان دي. دا سیمه پر کنډواله بدله شوې او د خوراکي توکو سخت کمښت د قحطۍ وېره راپارولې ده.
اسرائیلو د اکټوبر پر اوومه د حماس د وسلهوالې ډلې د هغه برید په ځواب کې خپل هوایي او ځمکني بریدونه پیل کړل، چې د اسرائیلي ځواکونو د څرګندونو له مخې په کې ۱۲۰۰ کسان ووژل شول.
ترکیې په غزه کې د جګړې له کبله اسرائیل غندلی او د اوربند غوښتنه یې کړې ده.
ترکیې پر لویديځو هېوادونو هم نيوکه کړې، چې له اسرائيلو يې بشپړ ملاتړ کړی دی.
سیمه ییز خبرونه
د غزې په شمال کې د قحطۍ خطر ډېر دی
د بشري چارو لپاره د امریکا ځانګړي استازي د سې شنبې پر ورځ ویلي، چې اسرائیلو په وروستیو اوونیو کې غزې ته د مرستو رسولو لپاره د پام وړ ګامونه پورته کړي؛ خو د پام وړ کار پاتې دی، ځکه په دې سیمه کې د قحطۍ خطر ډېر دی.
د بشري چارو لپاره د امریکا ځانګړي استازي ډېوېډ سټېټرفیلډ خبریالانو ته ویلي، اسرائیلو په دې وروستیو دوه نیمو اوونیو کې د پام وړ ګامونه پورته کړي دي.
ډېوېډ سټېټرفیلډ څرګنده کړې: اوس هم د پام وړ کار پاتې دی، چې باید ترسره شي؛ خو پرمختګ شوی دی.
هغه ویلي، چې په ټوله غزه کې په جګړي توګه شمالي سیمې د قحطۍ له ډېر خطر سره مخ دي.
نوموړي ویلي، چې د فلسطین په کوچنۍ ګڼ میشته سیمه کې له اړو خلکو سره مرستې ته اوس ډېره اړتیا ده.
ملګرو ملتونو له اوږده وخت راپدیخوا په غزه کې د مرستې رسولو او د هغې د وېشلو په لار کې له خنډونو څخه اندېښنه ښودلې او څرګنده شوې، چې له تېرو شپږ میاشتو راپدیخوا د اسرائیلو لخوا د غزې د واکمنې اسلامي وسلهوالې ډلې حماس پر ضد هوايي او ځمکني بریدونه ترسره تر سره کیږي.
د اسرائیلو پوځي کمپاین د اکتوبر له میاشتې راپدیخوا، چې حماس د اسرائیلو په سویل کې جګړه پیل کړه، چې له کبله یې د بشري ناورین ترڅنګ د ۲ اعشاریه ۳ میلیون خلکو کورونه له ځمکې سره اوار شوي دي.
د ملګرو ملتونو د فلسطیني کډوالو ادارې (UNRWA) مشر فیلیپ لازاریني د سې شنبې پر ورځ ویلي، چې د اپریل پرپرتله غزې ته د تلونکو لاریو منځنی شمېر د ورځې ۳۱۶ ته لوړ شوی دی.
ویل کیږي، چې اوس کثافاتو راټولولو ته پاملرنه ډېره شوې او هڅه کیږي، چې په سویلي غزه کې د ناروغیو د خپریدو مخه ونیول شي.
سیمه ییز خبرونه
د ایران ولسمشر پر درې ورځني سفر پاکستان ته ولاړ
د ایران ولسمشر ابراهیم رییسي نن سهار ( دوشنبه د غویی درېیمه) د یوه لوړ پوړي سیاسي او اقتصادي پلاوي پر مشرۍ د پاکستان پلازمېنې اسلامآباد ته ورسېد.
د ایران اړوند رسنیو خبر ورکړی، چې دغه درې ورځنی سفر به د پاکستان له لوړ پوړو چارواکو سره د اقتصادي او سوداګریزو اړیکو پر پراختیا او پیاوړتیا، د دوه اړخیزو خبرو اترو او سیمهییزو سلامشورو په پام کې نیولو سره ترسره شي.
ټاکل شوې، چې د ایران ولسمشر به په دې سفر کې د دغه هېواد له ولسمشر اصف علي زرداري سره هم وګوري.
دغه راز د ایراني رسنیو د څرګندونو له مخې؛ پاکستان ته د ایران د ولسمشر د سفر پر مهال د دواړو هېوادونو ترمنځ د دواړو هېوادونو د مشرانو په حضور کې د سوداګرۍ، روغتیا، اقتصاد، امنیت او عدالت په برخو کې د اړدوند وزیرانو لهخوا د همکاریو یو شمېر سندونه لاسلیک شي.
دا سفر د پاکستان په بلوچستان ایالت کې د ایران له برید او د ایران په سیستان او بلوچستان ایالت کې د پاکستان له ځوابي بریدونو یوازې درې میاشتې وروسته رامنځته شوی دی.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه