Connect with us

تازه خبرونه

غني او عبدالله د یوه پلاوي پر مشرۍ د بایډن لیدو ته روان شول

خپور شوی

د

(Last Updated On: چنګاښ ۳, ۱۴۰۰)

د ولسمشرۍ ماڼۍ د څرګندونو له مخې؛ ولسمشر محمداشرف غني په دوه ورځني رسمي سفر، تېر ماسخوتن د یوه لوړ پوړي حکومتي پلاوي په مشرۍ امریکا ولاړ.

ارګ وايي؛ دی به د سفر په بهیر کې د امریکا له ولسمشر جوبایډن، د هغه هېواد یو شمېر نورو لوړپوړیو دولتي چارواکو، د کانګرس او سنا غړیو او یو شمېر اغېزمنو شخصیتونو سره په بېلابېلو کتنو کې د دواړو هېوادونو ترمنځ د اړیکو د نوي څپرکي د دوام، ډيپلوماټیکو اړیکو د پياوړتیا، د افغان امنیتي او دفاعي ځواکونو د تمویل او تجهیز، د تروریزم ضد مبارزه او له افغانستان سره په اقتصادي او انکشافي برخو کې د امریکا د همکاریو په اړه بحث او خبرې وکړي.

له ولسمشر سره په دې سفر کې د لومړی مرستیال امرالله صالح، د ملي روغې جوړې عالي شورا مشر ډاکتر عبدالله عبدالله، د بهرنیو چارو وزیر محمد حنیف اتمر، د ملي امنیت سلاکار ډاکتر حمدالله محب، د عامه او ستراتیژيکو اړیکو ادارې مشر وحید عمر، د مذاکراتي پلاوي غړي عبدالمتین بېګ، ډاکتر حبیبه سرابي، فاطمه ګیلاني او د بشري حقونو خپلواک کمیسیون مشره شهرزاد اکبر په ګډون ۲۱ کسان ملتیا کوي.

د ملي پخلاینې عالی شورا د مشر عبدالله عبدالله دفتر په ډاګه کړې، چې عبدالله عبدالله به د بایډن، نورو امریکایي چارواکو او قانون جوړوونکیو سره وګوري؛ د اوسنيو او راتلونکيو اړیکو، ژمنتیاوو او د سولې پر اړوند مسلو به په پراخه کچه خبرې وکړي.

د افغانستان د بشري حقونو خپلواک کمیسیون هم ويلي، چې د افغانستان د بشري حقونو خپلواک کمیسیون مشرې د اشرف غني پر مشرۍ له پلاوي سره امریکا ته سفر کړی، چې په افغانستان کې به د بشري حقونو پر وضعیت وغږیږي.

د افغانستان د بشري حقونو خپلواک کمیسون زیاته کړې، چې نوموړې به هېواد ته د بشردوستانه مرستو او بشري حقونو د مدافعینو او مدني ټولنې پر ملاتړ خبرې وکړي.

د سپینې ماڼۍ ویاندې جین ساکي ویلي، چې د سپټمبر تر میاشتې به د ځواکونو د ویستلو وخت بدل نشي او د جمعې پر ورځ به د بایډن او غني ترمنځ خبرې په راتلونکي کې له افغان حکومت سره پر کار کولو او ژمنو راوڅرخي.

دا سفرله هغې وروسته تر سره کیږي، چې سپینې ماڼۍ وویل: ولسمشر جو بایډن به د روان کال د جون پر  ۲۵ په سپینه ماڼۍ کې د افغانستان ولسمشر اشرف غني او د ملي پخلاینې عالي شورا مشر ډاکټر عبدالله عبدالله ته ښه راغلاست ووایي.

تازه خبرونه

د فراه په ګلستان ولسوالۍ کې د یوې کورنۍ درې غړي وژل شوي

Published

on

(Last Updated On: غبرګولى ۷, ۱۴۰۳)

د فراه ولایت د ګلستان ولسوالۍ ولسوال عزیز احمد سرباز ويلي، چې د فراه د ګلستان ولسوالۍ په فیض‌آباد کلي کې د یوې ښځې په ګډون د یوې کورنۍ درې غړي ناڅرګندو کسانو وژلي دي.

هغه زیاته کړې، د دې پېښې په تړاو پېنځه شکمن کسان نیول شوي او تر لومړنیو څېړنو لاندې دي.

 تر اوسه د دې پېښې اصلي لامل معلوم شوی ندی.

Continue Reading

تازه خبرونه

مونږ د هېواد له کدرونو او شخصیتونو ملاتړ کوو – مولوي عبدالکبیر

Published

on

(Last Updated On: غبرګولى ۷, ۱۴۰۳)

د ریاست الوزراء سیاسي مرستیال ویلي، چې د اسلامي امارت پالیسي د هېواد د کدرونو او شخصیتونو درناوی او ملاتړ دی او هغوی ته د اسانتیاوو د برابرولو هڅې ترسره کیږي.

مولوي عبدالکبير دغه څرګندونې د يکشنبې پر ورځ (د غبرګولي شپږمه) په هېواد کې د بهر میشتو روغتيايي څانګوالو یا متخصصينو د ټولنې له استازو سره په کتنه کې کړې دي.

د ارګ د خبرپاڼې له مخې؛ د ریاست الوزراء سیاسي مرستیال متخصصین د هېواد ستره پانګه بولي او څرګندوي، چې افغانستان په هر ډول شرایطو کې متخصصینو ته اړتیا لري.

هغه زیاته کړې؛ د دې حقیقت له کبله، چې افغانان بې‌وزله او بې‌وسه دي؛ نو په‌کار ده، چې دولتي او خصوصي روغتیايي څانګې یې د تشخیص او درملنې په برخه کې له پاملرنې او مهربانۍ  کار واخلي.

د ارګ د خبرپاڼې له مخې: دوی ویلي؛ بهر میشتي افغان متخصصین چمتو دي، چې بېرته خپل هېواد ته راستانه شي.

ویل کیږي، چې د رياست الوزراء سیاسي مرستیال د خپلو خبرو په پای کې د يادې ټولنې غړیو ته د اسانتیاوو د برابرولو تر څنګ ډاډ ورکړ، چې وړانديزونه به یې له اړوندو ادارو سره شريک کړي.

Continue Reading

تازه خبرونه

افغانستان دې د تحریک طالبان پاکستان مشران راوسپاري – محسن نقوي

Published

on

(Last Updated On: غبرګولى ۷, ۱۴۰۳)

د پاکستان کورنیو چارو وزیر محسن نقوي د افغانستان له اسلامي امارت غوښتي، چې د تحریک طالبان پاکستان مشران دې وروسپاري.

محسن نقوي د یکشنبې پر ورځ د لاهور په یوه خبري کنفرانس کې ویلي: هغه برید، چې پېنځه چینایي انجنیران او د هغوی پاکستاني ډریور په کې ووژل شول؛ په افغانستان کې پلان شوی او په پاکستان کې د شته اسانتیاوو پر مرسته ترسره شو.

هغه د نورو جزئیاتو له ورکولو پرته څرګنده کړې: “د TTP مشرانو دا برید د یوې ځانګړې پروژې په توګه طرحه کړی وه او د دښمن استخباراتي ادارو دوی ته د دې برید لپاره ډېرې پیسې ورکړې.”

نقوي له اسلامي امارت وغوښتل، چې د تحریک طالبان پاکستان د مشر نور ولي محسود، د پاکستان په ملاکنډ سیمه کې قومندان عظمت الله او د دې ډلې د نورو مشرانو ترڅنګ بختیار شاه، عبدالله او خان ​​لالا نومي دا درې کسان دې ونیسي.

هغه ويلي: ” مونږ له افغانستان سره ښې اړيکې غواړو؛ خو د دې لپاره مهمه ده، چې دغه وسلوال ونيول شي، محاکمه شي او يا هم مونږ ته وسپارل شي.”

د پاکستان او افغانستان اړیکې په وروستیو میاشتو کې ترینګلې شوې دي.

اسلام‌آباد وايي؛ کابل د هغو وسلوالو ډلو پر وړاندې، چې پاکستان په نښه کوي پوره کار نکوي.

نقوي وایي: ” پاکستان په دې اړه د افغانستان له چارسمبالي حکومت سره خبرې کړې او ټینګار یې کړی، چې هلته د فعالو ترهګرو پر ضد اقدام وکړي؛ خو تر اوسه مو کومه ښه پایله نده ترلاسه کړې.”

هغه ویلي، چې وسلوال د افغانستان د چارسمبالي حکومت له کمزورۍ ګټه پورته کوي.

د دې پوښتنې په ځواب کې، چې که افغان حکومت همکاري ونکړي؛ نو پاکستان به څه وکړي؟ محسن نقوي ويلي، چې “حکومت به یواړخیزه پرېکړه وکړي.”

د پاکستان کورنیو چارو وزیر دا څرګندونې کابو دوه اوونۍ وروسته له هغې کوي، چې د پاکستان پوځ ویاند احمد شریف ویلي؛ په افغانستان کې پر چینايي انجنیرانو برید پلان شوی و او ځانمرګی هم یو افغان و.

د پاکستان د ترهګرۍ پر وړاندې د مبارزې ملي ادارې همغږي کوونکي رای طاهر هم د دغه هېواد د کورنیو چارو له وزیر سره په رسنیز کنفرانس کې ویلي؛ بریدګر، چې اصلي نوم یې متقی او مستعار هغه یې تقي دی، د افغانستان وګړی دی.

د پاکستان امنیتي ځواکونو تر اوسه د دغه برید په تړاو ۱۱ شکمن کسان نیولي دي.

رای طاهر وايي، بریدګر له برید څلور میاشتې مخکې له افغانستان څخه پاکستان ته اوښتی و.

د نوموړي د څرګندونو له مخې؛ دغه ځانمرګی بریدګر د افغانستان په کونړ ولایت کې روزل شوی او یو له هغو څلورو وسلوالو څخه و، چې د ۲۰۲۳ کال په نومبر کې پاکستان ته دننه شوی و.

هغه ویلي، چې په ملاکنډ ضلع کې یو موټر پلورونکي د پاکستان تحریک طالبان (ټي ټي پي) له غړو سره مرسته کړې، چې له چاودېدونکیو توکو ډک موټر پاکستان ته راتېر کړي.

کله، چې نقوي وپوښتل شو، چې څنګه له چاودیدونکیو توکو ډک موټر پرته له دې، چې کشف شي د پاکستان دننه نږدې ۱۰۰۰ کیلومټره سفر وکړ؟ نقوي ویلي، چې امنیتي چارواکو موټر د پلټنو لپاره ودراوه؛ خو هیڅ شک پرې رامنځته نشو.

هغه دا هم ويلي، چې د موټر په چک کې د غفلت له کبله له چارواکو سره معامله شوې ده.

له دې مخکې د افغانستان دفاع وزارت د پاکستان هغه ادعاوې رد کړي، چې ګواکې پر چینايي انجنیرانو په برید کې افغانان لاس لري.

د ملي دفاع وزارت وياند عنايت الله خوارزمي ويلي، چې افغانان په دې ډول بريدونو کې لاس نلري او پر افغانستان تور لګول له حقيقته د ذهنونو اړولو يوه ناکامه هڅه ده.

Continue Reading

Trending

Copyright © 2022 Ariana News. All rights reserved!