ساینس او ټیکنالوژي
فیسبوک د افغان سرې میاشتې ټولنې مشر په خپل تور نوملړ کې نیولی
انټرسپټ خبري بنسټ څرګنده کړې، فیسبوک شرکت په دې وروستیو کې د افغان سرې میاشتې ټولنې مشر د خطرناکو اشخاصو په تور نوملړ کې نیولی دی.
یاد خبري بنسټ راپور ورکړی، چې د افغانستان اسلامي امارت پخوانی مذاکره کوونکی او د افغان سرې میاشتې ټولنې یا ARCS اوسنی مشر مطیع الحق خالص د اپریل په وروستیو کې د شرکت د سانسور په نوملړ کې راغلی دی.
هغه ډلې، ټولنې او افراد ډېر خطرناک ګڼل کیږي، چې له دې پلیټ فارم څخه نه یوازې د ځانګړیو شویو ترهګریزو ادعاوو او کرکجنو ډلو د هڅو لپاره آزادانه کار اخیستل کیږي، بلکې له دې لارې د مخدره توکو لېږدوونکیو او ډله ییزو وژونکيو اړیکو ته هم زمینه برابریږي.
فیسبوک دا هم ویلي، چې یوشمېر کسان کولی شي د هغو خلکو مخه ونیسي، چې د فیسبوګ له لارې نورو ته د ریان زیان رسولو هڅه کوي.
د امریکا تر ملاتړ لاندې حکومت له ړنګیدو او د امریکایی ځواکونو له وتلو وروسته، خالص د دغې مرستندویې ټولنې مشر ټاکل شوی، چې له ۱۹۳۴ زېږدیز کال راپدیخوا ملکي خلکو ته روغتیایي پاملرنه، خواړه او نورې بشري مرستې چمتو کوي.
هغه د اسلامي امارت سره د تړاو له کبله د تروریستانو او خطرناکو اشخاصو په نوملړ کې له راتلو وروسته د فیسبوک او انسټاګرام دوه میلیارد کاروونکي نور خالص له ستاینې، ملاتړ او استازیتوب څخه منع شوي دي.
د بشري حقونو د څار بنسټ د آسیایي برخې ملاتړی مدیر جان سیفټن دا پوښتنه کړې، چې تر کومه حده خلکو ته اجازه ورکول کیږي، چې د خالص په اړه په آزاده توګه خبرې وکړي. څوک یا کوم شی له خطر سره مخ کوي. هغه څنګه ‘خطرناک’ دی؟ هغه ۶۵ کلن دی. هغه ملیشه نلري. پلار يې د مجاهدينو قوماندان و، خو دلته ستونزه څه ده؟
سیفټن هغو ډلو ته اشاره کوي، چې په فعاله توګه د تاوتریخوالي د هڅولو او پراخولو لپاره دغه پلیټ فارم کاروي. په هند کې کرکه لرونکي خلک شته، چې په فیسبوک کې د مسلمانانو ضد زهرجن تاوتریخوالی خپروي، د هندو ملتپالو ډلو په برما کې کرکه لرونکې بودايي ډلې هم کرکه خپروي، چې دا یوه اصلي ستونزه ده.
د خالص آنلاین پوسټ کول، چې څنګه یې په افغانستان کې په یوه نوي روغتون کې د ویډیو بهیر پرې کړ، د ستونزې برخه نده.
دا په داسې حال کې ده، چې نه د امریکا خزانې او نه هم بهرنیو چارو وزارت د خالص او افغان سرې میاشتې نومونه نلري. یوازې انټرسپټ راپور ورکړی، چې د تروریزم ضد بندیزونو نوملو کې راغلی دی.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
ساینس او ټیکنالوژي
د شمالي کوریا څارګره سپوږمکۍ فعاله ده – هالنډي کارپوه
د هالنډ یوه فضايي کارپوه تائید کړې، چې د شمالي کوریا څارګره سپوږمکۍ ژوندۍ او فعاله ده.
د رویټرز د څرګندونو له مخې؛ دې کارپوه د شمالي کوریا د سپوږمکۍ په مدار کې د بدلونونو له موندلو وروسته ویلي، چې پیونګ یانګ دا وسیله بریالۍ څاري؛ د شمالي کوریا لومړنۍ څارګره سپوږمکۍ ژوندۍ ده، که څه هم د هغې وړتیاوې ناڅرګندې دي.
په هالنډ کې د ډلفټ ټکنالوژۍ پوهنتون د سپوږمکۍ کارپوه مارکو لانګبروک، لیکلي؛ خو اوس مونږ کولی شو پرېکنده ووایو، چې سپوږمکۍ ژوندۍ او فعاله ده.
لانګبروک د امریکا پر مشرۍ له ګډو فضایي عملیاتو مرکز څخه د معلوماتو پر حواله څرګنده کړې، چې سپوږمکۍ د فبرورۍ له نولسمې څخه تر څلیریشتمې پورې په مدار کې د ځای موندلو لپاره له ۳۸۸ کیلومټرو څخه ۴۹۷ کیلومټرو ته کښته او پورته شوې ده.
هغه وایي: دا هڅې ښیي، چې د مالیګیونګ یو څارګره سپوږمکۍ ویجاړه شوې نهده او شمالي کوریا خپله سپوږمکۍ څاري.
له دوه ناکامو هڅو وروسته شمالي کوریا بریالۍ شوه، چې په نومبر کې مالیګیونګ یو سپوږمکۍ مدار ته وتوغوي.
د پیونګ یانګ دولتي رسنیو ادعا کړې، چې سپوږمکۍ په سویلي کوریا، امریکا او نورو سیمو کې له حساسو نظامي او سیاسي موخو انځورونه اخیستي؛ خو د دې ادعا کوم انځور خپور شوی نهدی. له دې مخکې د دې سپوږمکۍ وړتیا د سیګنال د نه رسیدو له کبله تر پوښتنې لاندې راغلې وه.
-
لوبی5 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه1 day ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
نړۍ2 days ago
د آیسلینډ اورشېندنې یو ځل بیا سرراپورته کړ
-
تازه خبرونه2 days ago
په بدخشان کې د سرو زرو کان د نړېدو له کبله دوه کارګر مړه شوي
-
نړۍ1 day ago
شمالي کوریا یو بالسټیک توغندی وتوغاوه
-
تازه خبرونه5 hours ago
امریکا په افغانستان کې له هوايي بریدونو وروسته له پاکستان څخه د زغم غوښتنه وګړه
-
لوبی7 hours ago
د افغانستان کرکټ ملي لوبډله د ۲۰ اوریز لوبلړ ګټونکې شوه