تازه خبرونه
لندن د افغانانو له ثبات او ښه راتلونکي ملاتړ کوي – ریچارډ لینډزی
هغه په خپل پیغام کې ټینګار کړی؛ بریټانیا د افغانستان د خلکو تر څنګ ولاړه ده او ورته د داسې راتلونکي د ملاتړ ژمنه کوي، چې پر ثبات، زیاتو فرصتونو او د دې هېواد د ټولو وګړو د انساني کرامت پر ساتنه ولاړ وي.
د افغانستان لپاره د بریټانیا ځانګړي استازي ریچارډ لینډزي د ایکس پاڼې له لارې په خپل خپور کړي پیغام کې د ۲۰۲۶ کال د رارسېدو په مناسبت د افغانستان خلکو ته مبارکي ویلې او ورته یې له سولې، امنیت او هیلو څخه د ډک کال هیله کړې ده.
هغه په خپل پیغام کې ټینګار کړی؛ بریټانیا د افغانستان د خلکو تر څنګ ولاړه ده او ورته د داسې راتلونکي د ملاتړ ژمنه کوي، چې پر ثبات، زیاتو فرصتونو او د دې هېواد د ټولو وګړو د انساني کرامت پر ساتنه ولاړ وي.
د بریټانیا ځانګړي استازي زیاته کړې؛ لندن د تلپاتې سولې د ټینګښت او د افغانستان د خلکو د ژوند د شرایطو د ښهوالي لپاره له هڅو ملاتړ کوي او هیله لري، چې نوی کال د دې هېواد لپاره د مثبتو بدلونونو پیل وګرځي.