Connect with us

لوبی

له آریانا تلویزیون سره د آزادو سیالیو د خپرولو هوکړه لیک لاسلیک شو

خپور شوی

د

د آریانا نړیوالې شبکې او د اچ اف سي ټولنې تر منځ د آزادې مبارزې د مسلکي سیالیو د خپرولو هوکړه لیک لاسلیک شو.

دغه سیالۍ به ډېر ژر د کابل په کوربتوب ترسره شي او په هرو دوه میاشتو کې به یو ځل له آریانا نړیوالې تلویزیوني شبکې او اوبپاڼې لخوا په ژوندۍ او قانوي بڼه تر پوښښ لاندې ونیول شي.

د آریانا نړیوال تلویزیون مشر خوشال آصفي ویلي؛ په پرلپسې توګه مونږ د فوتبال نړیوال جام سیالۍ په آریانا تلویزیون کې په ځانګړي او قانوني توګه خپرې کړي او مونږ د کرکت نړیوالې او سیمه ییزې سیالۍ مو په افغانستان کې خپرې کړي. دا ځل مو پرېکړه کړې، چې له اچ اف  سي ټولنې سره یو تړون لاسلیک کړو او هغه شمېر څېرې، چې په سیمه ییزه او ولایتي کچه هڅاند دي د آزادې مبارزې څېرې جوړې کړو.

لوبغاړي به له درې پړاوه ستړې کیدونکیو سیالیو له بشپړولو وروسته د لوبې اجازه تر لاسه کوي.

لوبغاړي به له درې پړاوه ستړې کیدونکیو سیالیو له بشپړولو وروسته له اچ اف سي څخه د لوبې اجازه تر لاسه کوي.

دا سیالۍ به په کال کې شپږ ځله وڅارل شي  او په هرو دوه میاشتو کې به یو ځل د ۶ سیالیو په ترسره کولو خپریږي.

د افغانستان د اچ اف سي ټولنې مشر نصرت الله آخندزاده ویلي؛ داسې څېرې شته، چې تر اوسه پېژندل شوې ندي او دوی هغه الماس ته ورته دي، چې پر ځمکه پراته دي؛ خو څوک نشته، چې پورته او پاک یې کړي او هغه خپل ارزښته وښیيي. د اچ اف سي او آریانا نړیوالې تلویزیوني شبکې موخه، همغه څېرې مونږ راوباسو.

دغه راز د سیالیو بله موخه د وړتیاوو لوړول او ځوانان هڅول دي، چې آزاده مبارزه وکړي.

د هېواد د آزادې مبارزې لوبغاړي هم د دغه هوکړه لیک لاسلیک کول د ودې او مورال لوړولو لپاره مثبت ګام ګڼي.

د آزادې مبارزې لوبغاړی احمد سهیل حسن زاده وایي، چې د دوی تړون د ځوانانو لپاره خورا ډېر ګټور اواغېزمن دی؛ ځکه د غوره وړتیا او استعداد لرونکي دي او د افغانستان په لرې پرتو ولایتونو کې ژوند کوي.

د آزادو سیالیو لوبغاړی قدرت الله بابکرخېل په دې اړه ویلي؛ دا سیالي له آریانا تلویزیون څخه په ژوندۍ بڼه خپریږي او د ځوانانو د ودې لپاره رښتیا هم ګټورې دي.

سپورتي لاسته راوړنې د خلکو په ځانګړي توګه د ځوانانو ترمنځ د خواخوږۍ او یووالي غوره زمینه برابروي.

آریانا نړیوال تلویزیون تل هڅه کړې، چې د سپورتي سیالیو د خپرولو له لارې د سپورت مینه والو زړونه خپل او خوښ وساتي.

لوبی

د آسیا جام په روزنیزو سیالیو کې د افغانستان او میانمار برخلیک ټاکونکې لوبه

دا لوبه به د سیمه‌ییز وخت له مخې؛ د غرمي پر ۳ بجو پیل شي او په ځانګړي ډول د آریانا ټلویزیون له لارې په افغانستان کې خپلو لیدونکو ته خپرېږي.

Published

on

د افغانستان فوټبال ملي لوبډله نن پنج‌شنبه د آسیا ملتونو د جام په روزنیزو(مقدماتي) سیالیو کې د میانمار د ملي لوبډلې سره مخامخ کېږي.

دا لوبه به د سیمه‌ییز وخت له مخې؛ د غرمي پر ۳ بجو پیل شي او په ځانګړي ډول د آریانا ټلویزیون له لارې په افغانستان کې خپلو لیدونکو ته خپرېږي.

د افغانستان لپاره دا لوبه ځانګړې ارزښت لري؛ ځکه ملي لوبغاړي هڅه کوي، چې په ځواکمنه بڼه لوبه وکړي، د سیمې په سیالیو کې خپل مقام پیاوړی کړي او د لوبډلې د پرمختګ بهیر روان وساتي.

د ملي لوبډلې  مسوولان وایي، چې لوبغاړي به له پاملرنې  سره لوبغالي ته رادننه شي؛ د خپلې لوبډلې پر جوړښت، دفاعي نظم او چټکو هڅو ښه پایه ترلاسه کړي.

دغه راز د میانمار ملي لوبډله هم پر لوړه جذبه لوبغالي ته ننوځي. دا لوبډله د چټکې لوبې او منظم جوړښت له کبله خپله پېژندنه لري او تمه ده، چې د دواړو لوبډلو ترمنځ چټکه او زړه‌راکښونکې سیالي ترسره شي.

دا لوبه د آسیا ملتونو د جام د روزنیزو سیالیو یوه برخه ده؛ سیالي، چې په قاره کې پایلوبې ته د رسېدونکو لوبډلو په ټاکلو کې اړین رول لري.

سپورټي کارپوهان وایي، چې په دې لوبه کې بریا کولی شي د افغانستان هیلي راتلونکو پړاوونو لپاره زیاتې کړي او د لوبډلې نړیوال مقام ته هم وده ورکړي.

Continue Reading

لوبی

په کوکپر نړیوالو سیالیو کې د وزلوبې ملي لوبډله درېیمه شوه

د افغانستان ملي لوبډلې په ګروپي پړاو کې غوره هڅې درلودې؛ په لومړۍ لوبه کې یې د هنګري لوبډلې ته ۱۴ پر صفر ماتې ورکړه، بیا یې روسیې ته ۵ پر صفر ماتې ورکړه او په درېیمه لوبه کې یې د منګولیا لوبډلې ته ۷ پر صفر ماتې ورکړه. په دې توګه د افغانستان لوبډلې له B  ګروپ څخه د ډېرو نمرو پر ترلاسه کولو نیمه پای لوبې ته لار وموندله.

Published

on

د افغانستان د وزلوبې ملي لوبډلې په قزاقستان کې د ۲۰۲۶ ز.کال په نړیوال جام کې درېیم مقام خپل کړ.

د افغانستان ملي لوبډلې په ګروپي پړاو کې غوره هڅې درلودې؛ په لومړۍ لوبه کې یې د هنګري لوبډلې ته ۱۴ پر صفر ماتې ورکړه، بیا یې روسیې ته ۵ پر صفر ماتې ورکړه او په درېیمه لوبه کې یې د منګولیا لوبډلې ته ۷ پر صفر ماتې ورکړه. په دې توګه د افغانستان لوبډلې له B  ګروپ څخه د ډېرو نمرو پر ترلاسه کولو نیمه پای لوبې ته لار وموندله.

په نیمه پای لوبه کې د افغانستان لوبډلې له خپلو اغېزمنو هڅو سره – سره د ازبکستان لوبډلې ته ۴ پر ۲ ماتې ورکړه.

په هر حال د درجه بندۍ په لوبه کې یو ځل بیا یې خپل واک وښود او د روسیې پر وړاندې یې ۶ پر صفر  پرېکنده بریا خپله او د سیالۍ د برونزو مډال یې ترلاسه کړ.

د وزلوبې ملي لوبډلې په نړۍ کې له درېیم مقام ګټلو وروسته د برونزو پر مډال سربېره د کوکپر نړیوال فډراسیون څخه د ۴۵۰۰۰۰۰ قزاقستانۍ تنګې ( شاوخوا ۵۹۰ زره افغانۍ) جایزه هم ترلاسه کړې ده.

Continue Reading

لوبی

د افغانستان د وزلوبې ملي لوبډلې مجارستان ته ۱۴ پر صفر ماتې ورکړه

د قزاقستان ترکستان ښار د وزلوبې د نړیوالو سیالیو کوربتوب لري.

Published

on

Last Updated on: کب ۲۷, ۱۴۰۴

د افغانستان د وزلوبې ملي لوبډلې په قزاقستان کې د ۲۰۲۶ ز.کال د وزلوبې نړیوالو سیالیو په لومړۍ لوبه کې د مجارستان پر وړاندې ۱۴ پر صفر بریا خپله کړه.

د قزاقستان ترکستان ښار د وزلوبې د نړیوالو سیالیو کوربتوب لري.

دا سیالۍ د مارچ پر پېنځلسمه پیل شوې او د ۲۰۲۶ ز.کال د مارچ تر یوویشتمې پورې به روانې وي.

د افغانستان، چین، قزاقستان، مجارستان، منګولیا، ازبکستان، روسیې، تاجکستان او ترکیې لوبډلې په دې سیالیو کې لوبه کوي.

Continue Reading
Advertisement

Trending

Copyright © 2025 Ariana News. All rights reserved!