تازه خبرونه
له افغانستان سره د سوداګریزو ستونزو د حل لپاره باید صادقانه ګامونه پورته شي – متقي
د بهرنیو چارو وزارت چارسمبالي د پاکستان د سوداګرۍ وزارت د مرستیال محمد خرم اغا پر مشرۍ له راغلي پلاوي سره په کتنه کې ویلي چې د دواړو هېوادونو ترمنځ د سوداګرۍ او ټرانزیټي ستونزو د حل لپاره باید صادقانه ګامونه پورته شي.
امیر خان متقي د پاکستان د سوداګرۍ وزارت له مرستیال محمد خرم اغا سره په کابل کې کتلي او د کابل او اسلامآباد ترمنځ یې د سوداګرۍ، ټرانزیټي او اقتصادي اړیکو پر پیاوړتیا او سوداګريزو ستونزو د حل لارې لټولو خبرېکړې دي.
د افغانستان د بهرنیو چارو وزارت وايي، پاکستاني پلاوي ژمنه کړې، چې د کابل او اسلامآباد سوداګریزې او ټرانزیټي ستونزو ته به د امکان تر بریده د حل لار ولټوي.
په دې کتنه کې امیرخان متقي ویلي، چې د سوداګریزو او ترانزیتي ستونزو د حل لپاره باید صادقانه ګامونه پورته شي.
د بهرنیو چارو وزارت د ویاند مرستیال ضیا احمد تکل ویلي، چې پاکستاني پلاوي د سوداګریزو ستونزو د حل ډاډ څرګند کړی دی.
د ضیا احمد تکل د څرګندونو له مخط؛ دواړو لورو د سوداګریزو او ترانزیتي اړیکو پر پراختیا او پیاوړتیا سربېره د ډیورنډ فرضي کرښې څخه د تېریدو لپاره مسافرو، ناروغانو او سوداګرو ته د اسانتیاوو د برابرېدو غوښتنه هم وشوه.
د پاکستان ازاد خبریال طاهر خان ویلي؛ د پاکستان د سوداګرۍ وزارت د مرستیال محمد خرم اغا پر مشرۍ پلاوی د سې شنبې پر ورځ کابل ته راغلی، چې د اسلامي امارت له چارواکو سره خبرې وکړي.
د سوداګرۍ او پانګونې خونې مسوولینو هم ویلي، چې افغان سوداګرو ته د ستونزو له پیداکولو وروسته افغان سوداګر اړ شول، چې خپله سوداګري او ټرانزیټ له پاکستان څخه نورو هېوادونو ته واړي او یوازې دېرش په سلو کې سوداګري او ترانزیتي چارې د پاکستان له لارې ترسره کوي.
د يادونې ده، چې پاکستان په څه کم يو کال کې څو ځلې د افغان سوداګرو پر مخ ټرانزيټي لارې تړلي او د دواړو هېوادونو ټرانزيټ او سوداګري يې له ستونزو سره مخ کړې ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ