نړۍ
له اوکراین وروسته به د پولنډ وار وي – د چیچنیا مشر
(Last Updated On: غبرګولى ۷, ۱۴۰۱)
په روسیه کې د چیچنیا مشر رمضان قدیروف پرون (جمعه د غبرګولي ۶) یوه ویډیو خپره کړه او ګواښ یې وکړ، چې له اوکراین وروسته به د پولنډ وار وي.
په ویډیو کې، د روسیې د ولسمشر ولادیمیر پوتین نږدې متحد ټینګار کوي، چې د اوکراین کار پای ته رسیدلی دی.
هغه زیاته کړې: که له اوکراین وروسته یو سپارښتنه وشي؛ نو مونږ به تاسې (پولنډ) ته په شپږ ثانیو کې وښیو، چې اصل مو څه دی.
پولنډ پر اوکراین د روسیې له پوځي یرغل وروسته کیف ته د وسلو په استولو کې مرسته کړې ده. د پولنډ ولسمشر اندري دودا هم څو ورځې وړاندې کیف ته تللی و.
روسيې په اوکراین کې خپل پوځي عملیات ځانګړي نومولي او د اوکراین بې وسلې کول او د نازیانو له مخې لرې کول یې ستره هیله ده.