Connect with us

سوداگري

له ۱۲ تنو ډېر مغزي جلغوزي اروپا ته صادر شوي

خپور شوی

د

Last Updated on: لړم ۹, ۱۴۰۱

د هرات سوداګرۍ او پانګونې خونې په لومړي ځل د مغزي جلغوزيو څه باندې دوولس ټنه اروپا ته صادر کړیدی.

یوه خصوصي شرکت د مغزي جلغوزیو شاوخوا ۱۲ ټنه له پروسس وروسته جرمني ته د  لیږلو لپاره چمتو کړي دي. که څه هم تر اوسه د صادروونکیو د صادراتو ستونزې په بشپړه توګه حل شوې نده؛ خو د هرات د سوداګرۍ او صنایعو خونې د صادراتو ریاست مسوولین وايي، چې د ۵۰۰ زره امریکايي دالرو پر ارزښت دا مغزي جلغوزي به د اسلام کلا له بندر څخه ایران ته او بیا ترکیې ته ولېږدول شي.

د هرات صادراتي شرکتونه د هېواد له بېلابېلو ولايتونو جلغوزي راټولوي او له پروسس وروسته يې د نړۍ بازارونو ته صادروي.

د هرات د سوداګرۍ او پانګونې خونې مرستیال سید مسعود سادات ویلي؛ د لویديځ زون د صادروونکیو اتحاديه هر کال شاوخوا د ٢٥٠ ميليون دالرو پر ازښت بېلابېل توکي آسيايي او اروپايي هېوادونو ته صادروي.

د هېواد د لویديځ زون د صادروونکیو ټولنې مرستیال محمود اکرمي وايي؛ هر کال د وچې او تازه میوې او حيواني محصولاتو په ګډون له پنځوسو ډېر بېلابېل توکي بهر ته صادريږي.

نوموړي ټینګار کړی، چې زیاتره صادرات د هېواد له لویدیځو سیمو څخه ترسره کېږي.

د هرات د صنایعو او سوداګرۍ رییس بشیر احمد سیرت وايي، چې بهرنيو هېوادونو ته د هېواد د لوړ کيفيت لرونکو توکو د صادراتو د زياتوالي لپاره هڅې روانې دي. د هېواد له لوېدیځو سیمو څخه ډېر توکي بهر ته صادرېږي؛ خو د دغه وضعیت د ښه کېدو لپاره نورو ډېرو هڅو ته اړتیا ده.

دا مهال شاوخوا ۱۲۰ شرکتونه د وچې او تازه میوې، د طبي بوټو، حیواني محصولاتو او جلغوزیو په صادراتو بوخت دي او په سلګونو کسان په دغو شرکتونو کې کار کوي.

سوداگري

د افغانستان او ازبکستان ترمنځ د اوسپنې‌پټلۍ له لارې د مالونو پر لېږدولو هوکړه وشوه

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

Published

on

 

د ازبکستان د اوسپنې‌پټلۍ ادارې ویلي، چې افغانستان او ازبکستان د اوسپنې‌پټلۍ په برخه کې د همکاریو پر پراختیا او د اوسپنې‌پټلۍ له لارې د مالونو د لېږدولو د کچې پر زیاتولو هوکړه کړې ده.

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

په دې غونډه کې دواړو لوریو د اوسپنې‌پټلۍ اړیکو پر پراختیا، له شته ظرفیتونو څخه پر اغېزمنې ګټې اخیستنې او د دواړو هېوادونو ترمنځ د مالونو د لېږدولو د کچې پر زیاتولو خبرې کړې دي.

په دې لیدنه کې ویل شوي، چې سږ کال د افغانستان او ازبکستان ترمنځ د مالونو دوه‌اړخیز لېږد زیاتېدا د پاملرنې وړ ده.

د شوې هوکړې له مخې؛ ټاکل شوې، چې د نایب‌آباد تم‌ځای په ټاکلي وخت کې پراخ شي او له حیرتان څخه مزارشریف ته د مالونو رېلي لېږد منظم شي.

ویل کیږي، چې دواړو لوریو د رېل‌ګاډو د ورځني تګ راتګ د شمېر پر زیاتولو او د اوسپنې‌پټلۍ په برخه کې د افغان کارکوونکو د مسلکي زده‌کړو او وړتیا لوړولو لپاره د زمینې پر برابرولو هم هوکړه شوې ده.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

سوداگري

تاجکستان له افغانستان سره پر پوله د ګډ بازار جوړولو غوښتنه وکړه

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

Published

on

 

د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.

د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.

دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.

Continue Reading
Advertisement

Trending

Copyright © 2026 Ariana News. All rights reserved!