تازه خبرونه
لویدیځو هېوادونو افغانستان ته ناورین زېږوونکی زیان اړولی – د بریټانیا ملیبینډ
د بریټانیې د بهرنیو چارو پخواني وزیر او د ژغورنې نړیوالې کمېټې اوسنی اجرائیوي مشر ویلي؛ لویدیځ د لوږې پر تپل شوې پالیسۍ افغانستان او خپل شهرت ته پوره زیان رسولی دی.
هغه ګارډین ورځپاڼې ته څرګنده کړې: که مونږ غوښتل یو ناکام دولت رامنځته کړو؛ کولی مو شو، چې د اوس پر پرتله ډېر ګټور ترکیب ولرو.
ګارډین څرګنده کړې، چې میلیبینډ نه یوازې د بشري مرستو، بلکې د اقتصادي بیارغونې او د افغانستان د کنګل شوې شتمنۍ د آزادولو لپاره د بایډن او نړیوال بانک تر منځ ښه منځګړیتوب کړی دی.
هغه ګارډین ته ویلي؛ روان کړکچ دومره ژور دی، چې ملګرو ملتونو د سږکال لپاره د ۴ میلیارډ ډالرو غوښتنه به راروانه میاشت د ژمنې په کنفرانس کې رایاده شي او شونې ده، چې په راتلونکي کال کې ۱۰ میلیارد ډالرو ته لوړه شي.
ګارډین راپور ورکړی؛ د نړیوال بانک بورډ به د مارچ په میاشت کې د یو اعشاریه درې میلیارډ ډالرو د خوشې کولو لپاره غونډه وکړي، چې تر دې دمه یې له خوشې کولو څخه ډډه کړې ده.
ډیویډ ملیبینډ ویلي؛ لویدیځ طالبان ( اسلامي امارت نه، بلکې عام وګړي زیانمنوي او د لوږې رامنځته کولو سیاست رهبري کوي.
هغه ويلي؛ که غرب غواړي دا هېواد د ژمي په پاتې موده کې ژوندي پاتې شي؛ نو باید رامنځته شوې ستونزې ژر حل شي؛ ځکه د معاشونو د ورکولو لپاره پیسې نشته. ځینو وښوونکیو او د روغتونونو کارمندانو ته له اپریل راپدیخوا معاش ندی ورکړ شوی او دا حالت باید بدلون ومومي.
د نوموړي د څرګندونو له مخې؛ د امریکا بندیزونه سوداګریزې هڅې اغېزمنې کړي او ان سوداګر وېره لرئ، چې شتمنۍ یې زیانمنې نشي.
دغه راز د نغدو پیسو بحران هم شته او د بانکدارۍ سیسټم هیڅ راز ملاتړ نلري او هیڅوک نشي کولی د وارداتو لپاره پور یا پیسې ورکړي. سره له دې، چې له د افغانستان بانک څخه څانګوال وتلي؛ خو دا هر څه شونې ده، چې د طالبانو ( اسلامي امارت ) له رسمیت پېژندلو پرته تر سره شي.
نوموړي ټینګار کړی، چې په دې غمجنو شرایطو کې تاسې کولی شئ ډېرې مرستې ورکړئ؛ خو دا به بیخبنایي ستونزې حل نکړي. زه د یوې مرستندویه ادارې په ښه حالت کې نه یم؛ خو ویلی شم، چې یوازې بشري مرستې مه ورکوئ؛ اقتصاد او بیخبناوې پیاوړی کړئ.
همدارنګه اسلامي امارت له نړیوالې ټولنې او امریکا څخه د بندیزونو او اقتصادي فشارونو د پای ته رسولو غوښتنه کوي.
د اسلامي امارت د ویاند مرستیال انعا اللهسمنګاني ټینګار کړی، چې د بشري مرستو بهیر باید له سیاسي مسایلو سره و نه تړل شي او پر اسلامي امارت ترې د فشار په توګه کار واخیستل شي.
د تېر حکومت له نسکورېدو سره امریکا په افغانستان کې ۲۰ کلنه جګړه پای ته ورسوله، خپل سرتېري، ملکي وګړي او څه ناڅه افغان همکاران یې ووېستل او ډیپلوماټیکې اړیکې یې لومړی ودرولې او بیا یې د قطر له لارې پیلولو ته اړ شوه؛ خو د افغانستان بهرنۍ شتمنۍ یې کنګل او له دې هېواد سره یې د نړیوالو موسسو نغدي مرستې هم وځنډولې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو