Connect with us

تازه خبرونه

ملي امنیت په کابل ښار کې له زر کیلو ګرام زیات چاودېدونکي توکي کشف کړي دي

خپور شوی

د

(Last Updated On: لړم ۳, ۱۴۰۱)

363د لومړي ځل لپاره د ملي امنیت ریاست منسوبینو کابل ښار کې له زر کیلو ګرام زیات چاودېدونکي توکي کشف کړي دي، چې که چېرې چاودنه ورکړل شوې وای، زهر لرونکي او وژونکي ګازونه به یې خپاره کړي وای.
په افغانستان کې په وروستیو میاشتو کې د ناامنیو او تاوتریخوالي پېښو زور اخیستی او د افغانستان د ملي امنیت ریاست ویاند حسیب صدیقي وایي:
د هلمند د سنګین د ولسوالۍ د جګړې، د پکتیکا د ارګون د ولسوالۍ د چاودنې او د کابل پر نړیوال هوایي ډګر د وروستي برید تر شا حقاني شبکه ښکېله ده، چې د پاکستان د استخباراتي ادارې په امر یې عمل کړی دی.
د ارګون د ولسوالۍ په بازار کې شوې چاودنې سلګونو کسانو ته مرګ ژوبله واړوله.
ملي امنیت همدارنګه وايي، دا چاودنه د شمالي وزیرستان په مرکز میرانشاه کې پلان شوې وه او د چاودېدونکو توکو د لېږد موټر د کیان او ځدران ولسوالیو له لارې پکتیا ته راغلی وو، چې وروسته د ارګون په ولسوالې کې چاودنه ورکړل شوه.
په همدې حال کې د ملي امنیت ریاست زیاتوي، داسې مواد یې کشف او نیولي، چې تر اوسه د افغانستان په جګړو کې ترې استفاده نه ده شوې.
د افغانستان د ملي امنیت ریاست په شمالي وزیرستان کې د پاکستاني پوځ د عملیاتو په اړه بل نظر لري.
د افغانستان د ملي امنیت ویاند حسیب صدیقي همداراز وایي، دا عملیات رښتیني او ګټور نه وو، بلکې سیمه کې یې ناامنیو ته لمن وهلې ده.
د ملي امنیت ریاست زیاتوي، په وروستۍ میاشت کې له درې سوو زیات کسان په بېلابېلو تورونو نیول شوي، او په همدې میاشت کې د افغانستان په بېلابېلو ښارونو کې د ۲۵ ځانمرګو بریدونو مخنیوی شوی او یوه اندازه سپکې او درنې وسلې هم تر لاسه شوې دي.

Advertisement

تازه خبرونه

چين مولوي عبدالکبیر ته په ټرانس – هیماليا ناسته کې د ګډون بلنه ورکړه

Published

on

(Last Updated On: غویی ۲۷, ۱۴۰۳)

په کابل کې د چین سفیر ژاو شینګ د چارشنبې پر ورځ (  د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.

په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.

ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.

د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمه‌ییزو مسایلو، ثبات او پرمختګ په برخه کې فعال رول ولوبوي.

نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.

Continue Reading

تازه خبرونه

د تورخم لار لنډمهاله تړل کیږي

Published

on

(Last Updated On: غویی ۲۷, ۱۴۰۳)

د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.

عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.

هغه زياته کړې، چې دغه سوداګريزه لار به ٢٤ ساعته پرانيستې وي او د بار‌وړونکیو موټرو تګ راتګ او د سوداګريزو توکو لېږد رالېږد به روان وي.

حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.

Continue Reading

تازه خبرونه

د سولې په چارو کې د ملګرو ملتونو د عمومي منشي مرستیال کابل ته راغلی

Published

on

(Last Updated On: غویی ۲۶, ۱۴۰۳)

د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.

د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.

د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا  به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.

په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.

هغه  زیاته کړې، چې لاکروا به د مې تر اووه‌لسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.

د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.

تر اوسه اسلامي امارت په دې اړه جزئیات ندي ورکړي.

د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.

دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.

Continue Reading

Trending

Copyright © 2022 Ariana News. All rights reserved!