تازه خبرونه
ملي شورا: عدلي او قضایی ارګانونه دې د پغمان د پېښې په عاملینو د اعدام حکم صادر کړي
ملی شورا د هېواد سياسي او امنيتي حالت داندېښني وړ وباله. د ملي شورا د دواړو خونو رئيسانو د پغمان پېښه په کلکه وغندلهاو له عدلي او قضاي ارګانونويي وغوښتل، چي د پغمان د پېښی عاملينو ته دشريعي حكم سره سم په علني توګه د اعدام جزا صادره كړي.
ملي شورا د اوړي تر ۴۵ ورځنۍ رخصتۍ وروسته د يكشنبي په ورځ (د وږي ۱۶) په رسمي توګه په كار پېل وكړ.
ملي شورا د دواړو خونو رئيسان وايي، چي دوی تر رخصتی وروسته په داسی حال کی په کار پېل وکړ چی هېواد د سختو سياسي، اقتصادي او امنيتي حالاتو له جدي ګواښ سره مخامخ دی.
دوی د پغمان د پېښي له امله د خواشيني په څرګندولو سره له عدلي او قضاي ارګانونو و غوښتل، چي په تېري كوونكو په عملي توګه د اعدام حكم صادر كړي.
څه باندي دوه اوونۍ مخکې د کابل په پغمان ولسوالۍ کې یو شمېر وسله والو د یوې کورنۍ غړي له موټره ښکته كړل او پر ښځو باندې یې جنسي تېری وکړ.
همداراز د مشرانو جرګي غړي نثار حارث او هدایت الله رهایي وايي، چي د ټاكنيزو ستونزو له امله هېواد له جدي بحران سره مخامخ دیاو خلك هېڅ د خوندي توب احساس نكوي.
دوی همداراز وايي، د هر ورځي په تېرېدو سره امنيتي او سياسي حالات كركېچن كېږي.
ولسي جرګه كي د غزني استازي پر غزني ورستی بريد په كلكه وغانده او د غزني امنیتی حالت یی د اندېښنې وړ وباله.
دوي وايي،چی که د غزني وضعیت ته پام ونشي ښای دغه ولايت له سقوط سره مخا مخ شي.
دا په داسی حال کی دی، چی تېره اوونۍ ۱۹ وسله والو د دوه چاودېدونكو ډك موټرو په وسيله د غزني به ولايت او امنيتي ادارو بريد وكړ، چي ډېر شمېر خلكو ته مالي او ځاني تاوان واړاوه.
په ولسی جرګه کی د غزني استازو په خبره د مالي او ځاني خساراتو تر څنګ د ملکي او امنیتی کسانو په ګډون په لسګونو کسان وژل شوي او درې سوه کسان ټپیان شوی دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه