تازه خبرونه
ملګرو ملتونو افغانستان ته د ۴.۴ میلیارډ ډالرو مرستې غوښتنه وکړه
ملګري ملتونه غواړي، چې د افغانستان له خلکو سره د مرستې لپاره څلور اعشاریه څلور میلیارډ ډالره مرسته راټوله کړي.
په بشري چارو کې د ملګرو ملتونو د سرمنشي مرستیال ويلي، چې افغانستان د نړۍ تر ټولو ناوړه بشري ناورین سره مخ دی.
د ملګرو ملتونو د بشردوستانه چارو مرستیال مارټین کریفیټس ویلي؛ نن مونږ له بسپنه ورکوونکیو هېوادونو غواړو، چې له بشري ناورین سره مخ خلکو ته د مرستې تر ټولو لویه بشري غوښتنه ومني. مونږ د افغانستان له خلکو سره د مرستې لپاره د ۴.۴ میلیارډ ډالرو غوښتنه کړې ده.
مارټین کریفیټس په هرو ۱۰ کې شپږ افغانان بشري مرستو ته اړتیا لري او د افغانستان د اقتصاد د رغولو او د اقتصادي سقوط د مخنیوي لپاره مرستې ته اړتیا ده.
هغه له سرپرست حکومت سره د سیاسي تعامل غوښتنه وکړه او ویې ویل، چې د افغانستان انزوا به د خلکو د ډېر کړاو لامل شي.
نوموړی وایي: مونږ غواړو، چې بندیزونه لرې شي. زه هیله لرم، چې د نړۍ ژمنې مشروطې نه وي. مونږ له سرپرست حکومت سره خبرې کوو. مونږ هیله من یوو، چې بدلون وګورو. مونږ به د ښوونې او روزنې په برخو کې له هر چا ملاتړ وکړو.
نوموړي دغه راز پر نړيوالې ټولنې غږ وکړ، چې له افغان حکومت سره سياسي تعامل وکړي او ويې ويل، چې د افغانستان انزوا به د افغانانو روان کړاو نور هم ډېر کړي.
د آلمان د بهرنیو چارو وزیر له افغان لنډمهاله حکومت څخه غوښتي، چې د نورو زیاتو نړیوالو مرستو د برابرولو لپاره پخپلو ژمنو عمل وکړي.
د آلمان د بهرنیو چارو وزیر ریکلف بیوټین څرګنده کړې: راځئ نړۍ ته بلنه ورکړو، چې له مونږ سره یوځای شي او په ورته وخت کې باید دا هم هیر نکړو، چې چارسمبالی حکومت باید خپل مسوولیتونه تر سره کړي؛ د خپلو خلکو ساتنه وکړي او له بشري ټولنو سره مرسته وکړي، چې د یو سالم او اغېزمن میکانیزم له لارې خپلې دندې ترسره کړي.
دا په داسې حال کې ده، چې بریټانیا له دې مخکې هم له افغانستان سره د ۳۷۴ میلیونه ډالرو مرستې ژمنه کړې ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ