تازه خبرونه
مونږ سولې ته د ګډو هڅو په هیله یو – عبدالله عبدالله
![](https://www.ariananews.af/wp-content/uploads/2020/09/Abdullah-1-1.jpg)
نن سې شنبه د تلې اتمه د ملي پخلاینې عالی شورا مشر عبدالله عبدالله د اسلام آباد په ستراتیژیکو مطالعاتو انستیتیوت کې د وینا پر مهال څرګنده کړه، چې افغانستان او پاکستان د افراطیت، تروریزم او کرونا ویروس له ګډ ګواښ سره مخ دي.
د ملي پخلاینې عالي شورا د خبرپاڼې له مخې؛ عبدالله عبدالله د افغان حکومت او طالبانو تر منځ د خبرو پیل یو تاریخي او ارزښتمنه شېبه بولي او زیاتوي، چې له دې شېبې څخه باید د جګړې د پای ته رسولو او په افغانستان کې دننه او بهر د تلپاتې او له درناوي ډکې سولې د خوندي کولو لپار ګټه واخلو.
ښاغلي عبدالله ټینګار کړی، چې افغانستان به په هېواد کې یوې ترهګرې ډلې ته هم اجازه ورنکړي، چې نورو هېوادونو ته ګواښ پېښ کړي.
عبدالله عبدالله وایي: اوس هغه وخت رارسیدلی، چې ملتونه مو پخپلو ستراتیژیکو غوراویو له سره کتنه وکړي؛ نوي لیدلوري وپېژني، د ګډو ستونزو او ګټو په اړه بحث وکړي او پوه شي، چې سوله په افغانستان ، سویلي او مرکزي آسیا د اړیکو لپاره مثبتې پایلې لرلی شي.
هغه دا هم ویلي: مونږ مسوولیت لرو، چې د یوې اجماع جوړولو لپاره ګډ کار وکړو او د سولې د پیاوړي کولو لپاره ګډې هڅې تنظیم کړو او په افغانستان کې جګړه د یوې عادلانه، جامع او له درناوي ډک سیاسي حل له لارې پای ته ورسوو. مونږ باید دا اصل هیر نکړو، چې نننی افغانستان د ۱۹۹۶ یا ۲۰۰۱ هېواد نه دی؛ افغانستان نن ځوان او ټولګډونه دی.
دغه راز په دې ناسته کې د پاکستان د بهرنیو چارو وزیر شاه محمود قریشي د سولې خبرو لپاره د خپل هېواد پر ملاتړ ټینګار څرګند کړ او څرګندوي، چې هیڅ راز پوځي حل نشته، بلکې په افغانستان کې د اوسني وضعیت د پای ته رسولو یوازنۍ لار او غوره لار سیاسي هوکړې ته رسیدل دي.
ښاغلي قریشي ویلي اسلام آباد د افغانستان خپلواکي، ملي حاکمیت او ځمکنۍ بشپړتیا ته درناوی لري او یوازې افغانان کولی شي د خپل هېواد پر راتلونکې پرېکړه وکړي.
د پاکستان د بهرنیو چارو وزیر ټینګار کړی، چې د سوداګرۍ او ټرانزیټ، مرکزي آسیا سره د سویلي آسیا د اړیکو او د سیمې د هېوادونو د پراختیا او اقتصادي ودې لپاره په افغانستان کې سوله د سیمې یوه اړتیا ده.
د پاکستان بهرنیو چارو وزیر ویلي، چې اسلام آباد ته د پخلاینې عالي شورا د مشر سفر د دواړو هېوادونو په اړیکو کې مهم پرمختګ دی او باید د اسلام آباد او کابل ترمنځ په اړیکو کې نوی فصل پرانيزي.
نوموړي دغه راز ویلي، چې لوی اکثریت په افغانستان کې سوله غواړي.
نوموړي دا هم ویلي، چې افغان ولسمشر محمد اشرف غني به هم ډېر ژر پاکستان ته سفر وکړي.
تازه خبرونه
د نظام په ساتنه او تینګښت کې د خلکو همکاري ډېره مهمه ده – رییس الوزراء
وموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
![](https://www.ariananews.af/wp-content/uploads/2024/06/222.jpg)
د افغانستان اسلامي امارت رییس الوزراء ملا محمد حسن اخوند په خپل اختر پیغام کې د هېواد له خلکو وغوښتل، چې له اسلامي نظام ملاتړ وکړي؛ ځکه د نظام په ساتنه او ټینګښت کې د خلکو ملاتړ اړین دی.
ملا محمد حسن اخوند ویلي: خلکو ته زما پیغام دا دی، چې له خپل اسلامي نظام څخه ټینګ ملاتړ وکړي، په ښو کارونو کې له مسوولینو سره همکاري وکړي، ځکه د نظام په ساتنه او ټینګښت کې د ولس همکاري ډېره اړینه ده.
نوموړي د اسلامي امارت له چارواکو هم وغوښتل، چې له خلکو دې خپله مرسته نه سپموي.
هغه له مسلمانانو په تېره بیا له حاجیانو وغوښتل، چې د فلسطین خلکو ته دعا وکړي او له فلسطینیانو سره پر پیوستون او مرستې یې هم ټینګار وکړ.
د اسلامي امارت ویاند ذبیح الله مجاهد هم د ملا محمد حسن اخوند خبرې راخیستي، چې ویلي یې دي: هغه پر امنیتي ځواکونو او د امارت پر ټولو ادارو غږ کړی، چې خلکو ته ښه خدمات وړاندې کړي. نوموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
دغه راز په پخواني حکومت کې د ملي روغې جوړې عالي شورا رییس عبدالله عبدالله هم له خلکو غوښتي، چې د افغانستان د خلکو ملي ګټو، ملي یووالي، قومي، مذهبي او کلتوري تنوع ته دې درناوي او پاملرنه وکړي، چې د سولې او سولهییز ژوندانه زمینه برابره شي.
عبدالله عبدالله د اختر په مناسبت په خپل پیغام کې ویلي، چې د افغانستانآابادي او پرمختګ په یووالي، همکارۍ او د ټولو هېوادوالو لپاره د تعلیم او کار د مشروع حقونو په برابرولو کې نغښتی دی.
نوموړي په دغه پيغام کې د افغانستان له خلکو سره د نړيوالو ټولنو د مرستو د دوام غوښتنه کړې ده.
دې ته ورته نور خبرونه:
شتمن هېوادوال دې د خوراکي توکو بیې راټیټې او له بېوزلو سره مرسته وکړي – رییس الوزراء
اسلامي امارت امنیت خوندي کړی او د دښمنانو د شومو پلانونو مخه یې نیولې – ملا محمد حسن آخوند
تازه خبرونه
په غور ولایت کې سېلاب ځپلیو ته د ښارګوټي جوړولو کار پیل شو
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
![](https://www.ariananews.af/wp-content/uploads/2024/06/Baradar.jpg)
دغور ولايت په مرکز فيروز کوه ښار کې د ریاست الوزراء د اقتصادي مرستيال ملا عبدالغني برادر لهخوا د دې ولایت سېلاب ځپلیو ته د یوه ښارګوټي د جوړولو د بنسټ ډبره کېښودل شوه.
د غور ولایت امنیه قومندانۍ د خبرپاڼې له مخې؛ دغه ښارګوټي د استوګنې ۱۰۰۰ نمرې لري، چې ۲۰۰ کوره یې د اسلامي امارت لهخوا د وروستیو سیلابونو قربانیانو ته جوړیږي.
په خبرپاڼه کې راغلي، چې په دې ښارګوټي کې د سوداګرو او صرافانو پر همکارۍ د نورو کورونو د جوړولو هڅې هم روانې دي.
ملا برادر غور ولایت ته پخپل سفر کې له یو شمېر عالمانو او د دیني مدارسو له استادانو سره هم وکتل.
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
هغه زیاته کړې، چې اسلامي امارت له زیانمنو شویو خلکو سره د مرستې لپاره له ټولو شته امکاناتو کار اخیستی او اړوند وزارتونه او ادارې هم د مرستې لپاره هڅې کوي.
په غور کې سېلابونو لسګونه کسان مړه کړي او زرګونه کورنۍ زیانمن شوي دي.
ورته خبرونه:
په غور کې د سېلابونو له کبله سلګونه خلک بې ځایه شول
په غور کې د سېلابونو له کبله سلګونه خلک بې ځایه شول
تازه خبرونه
د دوحې په جوړېدونکې ناسته کې د اسلامي امارت استازي ګډون کوي
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
![](https://www.ariananews.af/wp-content/uploads/2024/01/Mujahid.png)
د افغانستان اسلامي امارت ویاند د یکشنبې پر ورځ اعلان وکړ، چې د افغانستان استازي به د ملګرو ملتونو پر ملاتړ د دوحې په راتلونکي کنفرانس کې ګډون وکړي.
د اسلامي امارت ویاند ذبیح الله مجاهد ویلي: د افغانستان اسلامي امارت استازي به دوحې په راتلونکې ناسته کې که جوړ شي؛ هلته به د افغانستان د خلکو او حکومت استازیتوب وکړي.
دبیح الله مجاهد زیاته کړې؛ دې ناستې ته تلونکی پلاوی به وروسته په ډاګه شي.
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
د ملګرو ملتونو عمومي منشي انټونیو ګوترش د څرګندونو له مخې؛ اسلامي امارت د دوحې کنفرانس په دوهیمه ناسته کې له ګډون هغه وخت ډډه وکړه، چې ملګرو ملتونو یې د افغانستان د یوازني رسمي استازي په توګه د ګډون غوښتنه رد کړه.
ویل کیږي، چې اسلامي امارت د افغانستان په اړه د دوحې درېیمې ناستې د اجنډا له کتنې وروسته په دې ناسته کې د ګډون پرېکړه کړې ده.
دې ته ورته نور خبرونه:
اسلامي امارت د دوحې په ناسته کې پر معنا داره ګډون ټینګار لري – متقي
د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر
-
لوبی4 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی3 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
سیمه ییز خبرونه4 days ago
په کویټ کې د اورلګیدنې له کبله ۴۹ کارګران مړه شوي
-
تازه خبرونه4 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
لوبی3 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه4 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
تازه خبرونه5 days ago
ایران ایر هوايي شرکت کابل ته خپلې الوتنې پيل کړې
-
لوبی2 days ago
حضرت الله ځاځي د مجیب الرحمن پر ځای په ۲۰ اوریز نړیوال جام کې لوبیږي