تازه خبرونه
ناټو له افغانستان څخه د بهرنیو ځواکونو د وتلو له خطرونو خبرداری ورکړ
د ناټو عمومي منشي ینس سټولټنبرګ نن (پنجشنبه د سلواغې ۱۶) ویلي، چې د دې ټولنې غړي به په افغانستان کې د خپل شتون په اړه ګډه پرېکړه وکړي.
سټولټنبرګ د بلجیم له لومړي وزیر الګساندر ډی کرو سره په ګډه خبري ناسته کې څرګنده کړې: که مونږ یې د پرېښودو پرېکړه وکړو، مونږ به د سولې بهیر ته د زیان رسولو خطر پر ځان منلی وي؛ مونږ به هغه لاسته راوړنې، چې له نړیوال تروریزم سره مو په مبارزه کې تر لاسه کړي پر لوی لاس له زیان سره مخ او افغانستان د نړیوالو ترهګرو لپاره پر خوندي ځای بدل کړی وي.
د ناټو عمومي منشي زیاته کړې، چې په افغانستان کې د بهرنیو ځواکونو د وتلو یا ساتلو پرېکړه د دې ټولنې لپاره ستونزمنه شوې ده.
د ناټو سرمنشي ویلي؛ په افغانستان کې د بهرنیو ځواکونو د پاتې کېدو او یا وتو پرېکړه به دوی ته ستونزمنه وي؛ ځکه په باور یې که بهرني ځواکونه له افغانستان ووځي، د تېرو کلونو لاسته راوړنې به له لاسه ووځي او د سولې بهیر به هم له خطر سره مخ شي.
د ناټو سرمنشي ینس سټولټنبرګ وایي: که د پاتې کېدو لپاره پرېکړه وکړو، په ډاډ سره به مونږ په افغانستان کې سختو پوځي عملیاتو ته دوام ورکړو او د ناټو ځواکونو پر وړاندې د تاوتریخوالي خطر ډېروو.
د امریکا د کانګریس د سپارښتنې له مخې د افغانستان د مطالعه نومې ډلې یو راپور کانګریس ته چمتو کړی، چې په راغلي؛ امریکا باید طالبانو ته بریالیتوب دوه لاسي وړاندې نکړي.
په دې راپور کې ټینګار شوی، چې امریکا باید د خپلو ځواکونو د ویستو خبره د سولې په خبرو کې له پرمختګ او د طالبانو لخوا د تاوتریخوالي له کمي سره غوټه کړي.
د امریکا د بهرنیو چارو وزارت ویاند نټ پرایس ویلي: مونږ دا مهال له طالبانو سره د امریکا د هوکړه لیک د ارزونې په حال کې یو، چې پر کومو مسایلو خبرې شوي دي. دا بیا کتنه هغه ارزونه را نغاړي، چې طالبانو له القاعده سره د اړیکو پرېکون تر کومه بریده پلی کړی، تاوتریخوالی باید کم کړي او له افغان دولت سره په (معنا لرونکیو خبرو) کې برخه واخلي.
د امریکا بهرنیو چارو وزیر بلینکن ټویټ کړی، چې په افغانستان کې یې د سولې د خبرو پر پرمختګ له خلیلزاد سره زړه راکښونکې ناسته تر سره کړې او د تروریزم له ګواښه د امریکا د ساتنې دوام، عادلانه او دوام لرونکی سیاسی جوړجاړی او تلپاتې هر اړخیز اوربند ټینګول یې د خبرو غټ غټ تکي دي.
د امریکا او طالبانو تر منځ د سولې هوکړه لیک له مخې، واشنګټن باید په درې میاشتو کې خپل ټول ځواکونه له افغانستان څخه وباسي؛ خو یو تازه راپور څرګنده کړې، چې که امریکایي ځواکونه په اوس وخت کې له افغانستان ووځي، کورنۍ جګړې به پیل، سیمه بې ثباته او القاعده به بیا فعاله شي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه17 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ15 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی16 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ