تازه خبرونه
نړیوال بنسټونه دې نیمګړې پاتې پروژې بشپړې کړي – برښنا شرکت
د افغانستان برښنا شرکت مسوولینو له هغو نړیوالو بنسټونو، چې یو شمېر اړوند پروژې یې تمویلولې غوښتنه کړې، چې د خپلو نیمګړیو پروژو د کارونو د پیلولو لپاره دې بېرته راستانه شي.
د برښنا شرکت مسوولینو ويلي؛ یوشمېر هغه مهمې او لويې پروژې، چې د نړیوالو مالي بنسټونو لخوا تمویل کیدې تراوسه یې کارونه په ټپه ولاړ دي.
دوی له نړیوالو تمویلوونکیوغوښتنه کوي، چې د دې پروژو د کارعملي چارې بېرته پیل کړي، چې د تخریب مخنیوی یې وشي.
د افغانستان برښنا شرکت تر اوسه د کومې پروژې نوم ندی اخستي.
د افغانستان د برښنا شرکت ویاند حکمت الله میوندي وایي: مونږ د نړۍ له تمویلوونکیو سره خبرې پیل کړي، چې بېرته راشي او خپلې پروژې تکمیل کړي؛ له دې سره به يې د تخریب مخنیوی هم وشي هیله لرو، چې نړیوال مالي بنسټونه بېرته دا کارونه پیل کړي.
د خصوصي سکتورغړيو هم ويلي، چې د هېواد ټولو برخو ته د برښنا رسول کولی شي په افغانستان کې مثبت اقتصادي خوځښتونه رامنځته کړي.
هغه هیله څرګندوي؛ هغه پروژې، چې کارونه يې تر یوه بریده ترسره شوې د تکمیل کیدو په طرف حرکت وکړي.
د خصوصي سکتور غړی عبد النصیر رشتیا وایي: زمونږ په اقتصاد کې د انرژۍ پراختیا د هېواد ټولو برخو ته زیاته مهمه ده او هغه پروژې، چې په تېر کې ډیزاین شوي او کارونه يي مخکې تللی؛ حکومت يي باید د پلي کولو او فعال ساتلو ته تدابیر ونیسي، چې له ویجاړېدو يي مخنیوی وشي.
د اقتصادي چارو کار پوهان هم د انرژۍ د نیمه کاره پروژو بشپړول د افغانستان اقتصاد لپاره اړین بولي. د اقتصادي ستونزو د حل لپاره د دې نیمه کاره پروژوعملي کول مهم دي.
اقتصادي شنونکی کمال الدین کاکړ وایي: زمونږ هېواد انرژۍ ته پوره اړتیا لري او د انرژۍ هغه پروژې، چې کارونه يي نیمګړي پاتې دي؛ باید د بشپړولو لپاره جدي کار وشي، چې دهېواد اقتصادي بحران تر یوه بریده مدیریت شي.
د اقتصادي چارو کارپوهان وايي، په هېواد کې د اسلامي امارت له واکمنېدو سره سم د هېواد په اقتصادي سکتور کې د نړیوالو تمویلوونکیو لخوا په سلګونه لويې او کوچنۍ اقتصادي پروژې بندې شوي او اوس يې هم برخلیک معلوم ندی، چې باید له اسلامي امارته د دې پروژو د عملي کیدو غوښتنه کوي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ