تازه خبرونه
هېواد د دوه لویو ځواکونو له خطر سره مخ دی
مشرانو جرګه د افغانستان د راتلونکي برخلیک په اړه اندېښنه لري او وايي، چې هېواد د دوه لویو ځواکونو له خطر سره مخ دی.
د مشرانو جرګې غړي وايي؛ روسیه او امریکا په افغانستان کې خپل سیاست امتحانوي، چې ناوړه اغېز یې پر افغان ولس پریوځي او ناامنۍ ورځ تر بلې په ډېریدو دي.
د مشرانو جرګې غړی محمد حسن هوتک وايي، چې افغانستان باید په دغو شرایطو کې ځان بې طرفه کړي، چې د دوه لویو قدرتونو د سیاستونو قرباني نه شي.
د نوموړي په وینا؛ حکومت باید د روانو ناامنیو او لاسوهنو مخه ونیسي.
د مشرانو جرګې غړي حسیب الله کلیمزي په ډاګه کړې، چې روسیه د دې پر ځای، چې له افغان حکومت سره همکاري وکړي؛ ناتو او افغان پوځیان د مخدره توکو په وړاندې په مبارزه کې پر ناغېړۍ تورنوي.
نوموړی له روسیې غواړي، چې یو ښه ګاونډ شي او د افغان حکومت تر څنګ د وسلوالو مخالفینو په وړاندې مبارزه کې د افغانستان له خلکو سره ودریږي.
د مشرانو جرګې غړي زلمي زابلي په ډاګه کړه، چې له مخدره توکو څخه میلیونونه دالر د افغانستان ملاتړیو ته رسیږي او د خپلو ګټو له مخې خپل سیاستونه روان ساتي؛ خو د افغانستان د ثبات او ړهمکارۍ لپاره کار نه کوي.
د مشرانو جرګې لومړی مرستیال هم د امریکا په مشرۍ د نړیوال ائتلاف پر صداقت شکمن دی او خبرداری ورکوي؛ دغه ائتلاف نه غواړي، چې ترهګر له منځه یوړل شي.
د مشرانو جرګې لومړی مرستیال محمد علم ایزد یار هم په دې باور دی، چې په افغانستان کې د امریکا په مشرۍ نړیوال ائتلاف هم له ترهګرۍ سره په مبارزه کې صادق نه دی.
هغه له نړیوالو غواړي، چې د افغانستان په اړه خپله تکلاره بدله کړي او افغانستان د سوریې له برخلیک سره مخ نه کړي.
زیاتره سناتوران په دې باور دي، چې افغان ځواکونه د نړۍ په استازیتوب له ترهګرو سره په جګړه بوخت دي او که نړیوال افغان ځواکونه سمبال کړي، د افغانستان پر امنیتي حالت به مثبت اغېز وکړي.
خبریال: رفیع صدیقي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه2 days ago
امریکا دې د بشري حقونو په اړه دوه ګوني سیاست ودروي – ترکیه