تازه خبرونه
هېواد مو د کړکیچ پر لوري روان دی- حامد کرزی
د افغانستان پخوانی ولسمشر حامد کرزی اوسني روان حالات ډېر کړکیچن ګڼي او له ولسمشرغني یې غوښتي، چې د راوان کړکیچ او بحران د مخنیوي لپاره بېړنی ګام پورته کړي.
پخوانی ولسمشر حامد کرزي د دوشنبې پر ورځ( د لیندۍ ۴) په یوه خبري ناسته کې د هغه څه له کبله نیوکه کوي، چې د بیان د آزادۍ پر وړاندې یې ګواښونه ګڼي؛ خو نوموړي دا ونه ویل، چې څوک د بیان آزادۍ پر وړاندې د ګواښونو سبب کیږي.
ښاغلي کرزي دا خبرداری هم وړاندې کړ، چې زیاتره ځوانان د هېواد راتلوونکې ته هیله نلري؛ نو، ځکه له هېواد وځي.
نوموړي ټینګار کړی، د بیان آزادي له ګواښ سره مخ ده. که چا د مخالفت غږ اوچت کړی؛ ګواښل شوی، ټپي شوی، بندي شوی او یا ان وژل شوي دي.
هغه د بیا پاملرنې غږکړی او وایي، چې حالات له خرابیدو وژغورئ او مه پریږدئ، چې هېواد مو تر پښو لاندې او ویجاړ شي.
حامد کرزي د ټاکنو بهیر او را منځته شویو ناندریو ته په نغوته او اشاره کې څرګنده کړه، چې باید امنیتي ځواکونه په شخصي او سیاسي موخو کې ونه کارول شي.
ده ویلي، چې امنیتي ځواکونه باید بشپړ بې پرې او د ملت د لوړو ګټو د ساتنې لپاره وکارول شي. د ملت لوړې ګټې؛ د ژوندانه، کور، کورنۍ، اوسیدنې او د خلکو سولې ته درناوی دی.
حامد کرزی په بیجنګ کې د هغې تر سره کیدونکې ناستې برخه وال هم و، چې اوس لغو شوې؛ خو دی وایي، چې ولسمشرغني په دې ناسته کې د ده او نورو سیاستوالو له حضور سره مخالفت درلود.
دا مهال ټاکنې او سوله دواړه له بندون سره مخ دي او اوس هم روښانه نده، چې که ټاکنیز کړکیچ وغزیږي؛ حالات به څوک اداره کوي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
تازه خبرونه
روسي او هندي چارواکو د افغانستان پر حالاتو خبرې وکړې
د افغانستان لپاره د روسيې ځانګړي استازي هند ته د سفر پر مهال د دغه هېواد د بهرنيو چارو وزارت له چارواکو سره د افغانستان د مسايلو په اړه خبرې کړې دي.
د افغانستان لپاره د روسیې د ولسمشر ځانګړي استازي ضمیر کابلوف هند ته په سفر کې د هند د بهرنیو چارو وزارت له ګډ سکرټر سره د افغانستان د مسئلې په اړه غږیدلی دی.
د هند د بهرنیو چارو وزارت ویلي دواړو لوریو د افغانانو د هوساینې لپاره د پراختيايي مرستو پر اړتيا ټينګار کړى دى.
د هند د بهرنیو چارو وزارت په خبرپاڼه کې راغلي، چې ضمیر کابلوف او جې پي سنګ د افغانستان پر روان وضعیت خبرې کړي او د افغانانو د هوساینې د ملاتړ لپاره یې د پراختیايي مرستو پر دوام او اړتیا ټینګار وکړ.
همدارنګه د افغانستان لپاره د چین ځانګړي استازي هم له خپل ازبک سیال عصمت الله ارګاشیف سره د افغانستان په اړه کتلي او خبرې اترې کړې یې دي.
يوو شياویونګ په ایکس پاڼه کې لیکلي، چې د افغانستان د سولې او بيارغونې لپاره د همکاريو زياتول د دواړو خواوو د غونډې مهم ټکي دي.
د اسلامي امارت ویاند ذبیح الل مجاهد ویلي؛ د اسلامي امارت د ډیپلوماټیکو هڅو په پایله کې د افغانستان په اړه په سیمه کې د همکارۍ ښه روحیه رامنځته شوې او هېوادونه په دې پوه شوي، چې په افغانستان کې ثبات او امنیت د ټولو هېوادونو پر ګټه دی.
له دې مخکې د افغانستان لپاره د ملګرو ملتونو د عموي منشي ځانګړې استازې روزا اتونبایوا هم تهران ته په خپل سفر کې د افغانستان په اړه له ایراني چارواکو سره خبرې کړې وې.
ویل کیږي، چې په نږدې راتلونکي کې د ملګرو ملتونو د عمومي منشي پر مشرۍ د قطر درېیمه نړیواله ناسته جوړیږي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه