سیمه ییز خبرونه
وسله والو طالبانو د ننگرهار پر هوايي ډگر بريد كړى
په ننگرهار كې امنيتي سرچينو څرگنده كړې، چې:
وسله والو طالبانو نن سهار پېنځه بجې د ننگرهار پر هوايي ډگر ډله ييز بريد كړى دى.
امنيتي سرچينې وايي:
دوه ځانمرگو بريد كوونكو ځان پورې تړلي چاوديدونكي توكي چولي؛ خو اته نورله كورنيو او بهرنيو ځواكونو سره په جگړه كې وژل شوي دي.
د امنيتي چارواكو په وينا:
په دې جگړه كې پېنځه افغان سرتېرى وژل شوى او يوشمېر نورټپيان دي.
د جگړې پرمهال دوه ملكي وگړي هم وژل شوي او يو شمېر نور ټپيان دي.
د هوايي ډگر مخې ته د موټر چلوونكي د وارخطايۍ له كبله يوه ترافيكي پېښه هم شوې، چې ويل كيږي په كې دوه تنه ټپيان شوي دي.
په بگرام كې د آيساف ځواكونو مطبوعاتي دفتر وايي، چې:
په پېښه كې بهرنيو ځواكونو ته د سرزيان نه دى اوښتى؛ خو د نهو بريد گرو مړي ترلاسه شوي، چې دوه تنو يې د موټر بم چاودنه كړې ده.
طالب وياند ذبيح الله مجاهد وايي:
گڼ شمېر ځانمرگو پرهوايي ډگر بريد كړى او يو شمېر يې هوايي ډگر ته ننوتي دي، خو امنيتي چارواكي د نوموړي دا ادعا نه مني.