سیمه ییز خبرونه
وكيلان دې خپلو موټرو ته عادي پليټ وكاروي
د مشرانو جرگې يو شمېرغړي د ملي شورا د غړيو له خوا خپلو موټرو ته د ځانگړيو پليتونو پركارولو نيوكه كوي.
د مشرانو جرگې مرستيال دا كار د ملي شورا د غړيو لپاره خطرناك گڼي او وايي:
وكيلان بايد له عادي پليټونو استفاده وكړي.
د كابل ترافيك چارواكي وايي:
يوازې مو د اداري پلاوي پېنځه تنو ته دا پليټونه وېشلي او نورو وكيلانو پخپله خپلو موټرو ته دا ډول پليټونه جوړكړي دي.
په دې وروستيو كې د ملي شورا د يو شمېرغړيو په موټرو كې يو ډول پليټونه ليدل كيږي، چې پر عددونو سربېره د ميم و يا جيم په شان يوشمېر توري كاريدلي، چې له ميم و جيم څخه يې موخه مشرانو جرگه او له واو و جيم څخه ولسي جرگه ده.
د مشرانو جرگې يو شمېرغړي د دې پليټونو پر كارولو نيوكه كوي او يو شمېرنوربيا وايي:
د ملي شورا د ټولو غړيو لپاره بايد دا ډول پليټونه ووېشل شي.
د مشرانو جرگې مرستيال محمد علم ايزديار هم د دا ډول نمبرپليټونو پر لگولو موافق نه دى.
د كابل ترافيكو عمومي مديراسدالله وايي:
موږ يوازې د اداري پلاوي ۵ تنو ته دا ډول پليټونه وركړي او نور پخپل سر له دا ډول پليټونو استفاده كوي.
يو شمېر كابل ښاريان وايي له ځانگړيو پليټونو استفاده په كابل ښاركې د ترافيكي گډوډۍ لامل كيږي.