تازه خبرونه
ولسمشر به ډېر ژر د ټاکنيزو قوانينو د تعديل له پاره فرمان صادر کړي
ولسشمر اشرف غني به له یوې اونۍ په لږه موده کې د ټاکنیزو قوانینو د تعدیل د طرحې له پاره فرمان صادر کړي.
اجرایه ریاست وایي، دغه فرمان به د ملي شورا د رخصتیو له پای ته رسېدو مخکې صادر شي او ورسره په يوه وخت به د غوراوي کمېټه هم د ټاکنیزو کمیسیونونو د نویو غړو د ټاکلو کار پیل کړي.
په همدې حال کې ولسمشرۍ ماڼۍ وایي، د دې له پاره چې نوی فرمان د مخکیني فرمان له برخلیک سره مخ نه شي، ولسمشر به د ملي شورا لید لوري ته په پام سره فرمان صادر کړي.
حکومت دوه پښې په یوه موزه کې کړې او ټینګار یې دا دی، څو پورې ټاکنیز اصلاحات نه وي راغلي، ټاکنې نه کېږي. داسې اصلاحات چې په قدرت کې د دخیلو دواړو خواوو د منلو وي له دې پرته ناشونې ده چې اصلاحات راشي.
د ټاکنیزو اصلاحاتو په اړتیا ځکه اوس ډېر ټینګار کېږي چې د ولسمشرۍ کاندید عبدالله عبدالله تېرو ټاکنو کې خپله ماته ونه منله او ځان یې په قدرت کې له اشرف غني سره شریک کړ. د عبدالله یوه مهمه غوښتنه اصلاحاتو کې دا ده چې د ټاکنیزو کمیسیونونو اوسني کمیشنران له دندو لرې شی. خو شنونکي وایي چې عبدالله میدان بایللی دی.
د سیاسي چارو شنونکی احمد سعیدي وايي: “ډاکټر عبدالله چې څه غوښتل ترلاسه يې نه کړل، ځکه چې ولسمشر يې د عملي کولو له پاره تصميم نه لري او عبدالله دا ميدان بايللی دی.”
اجراییه ریاست د اصلاحاتو له پاره خوشبین دی، دغه بنسټ وایي، له یوې اونۍ څخه به په کمه موده کې د غوراوي کمېټې کار د ولسمشر له خوا د یوه فرمان په صادرولو سره پیل شي، او د ټاکنیزو قوانینو د تعدیل طرحه به په کار ولوېږي.
د اجراییه ریاست د ویاند مرستیالجاوید فیصل وايي: “ولسمشر د پارلمان د کار له پيل څخه مخکې فرمان ورکوي او د غوراوي کمېټه چې د ټاکنيزو اصلاحاتو کميسيون يې وړانديز کړی و په کار پيل کوي.”
د اجراییه ریاست سلاکار سیدآقا فاضل سانچارکي وايي: “د حکومت په دريو مهمو ارګانونو کې چنې وهل روان دي او ډېر ژر به دغه کمېټه کار پيل کړي.”
د دې له پاره چې د ولسمشر بل فرمان د تېر فرمان په برخلیک اخته نه شي، نوی فرمان به له ملي شورا سره په هوکړه کې صادر شي.
د ولسمشر د ویاند مرستیال سید ظفر هاشمي وايي: “د فرمان تر توشيح مخکې د ملي شورا له اداري ډلې سره همغږي او خبرې اترې پيل شوې دي څو له دوی سره په همغږۍ سره فرمان ورکړل شي.”
یوه سرچینه چې نه غواړي نوم یې واخیستل شي، د غوراوي کمېټه کې د بدلون خبره کوي، یعنې د ولسي جرګې او مشرانو جرګې دوه دوه استاري به په دې کمېټه کې ګډون ولري. یوه ورځ مخکې د ملي شورا اداري پلاوي خبرداری ورکړی و چې د ولسمشر د فرمان له مخې به چې ژر به صادر شي، د غوراوي اوسنۍ کمېټه لغوه او پخوانۍ کمېټه به یې ځای ونیسي، دا هغه څه دي چې اجراییه ریاست یې نه مني.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه