Connect with us

تازه خبرونه

ولسمشرغني د ولسمشرۍ ټاکنو نوماندان ټاکنیزې مذاکرې ته را وبلل

خپور شوی

د

(Last Updated On: لړم ۳, ۱۴۰۱)

ښاغلي ولسمشرغني ویلي؛ نوماندان باید له ده سره مذاکره وکړي او د ټاکنو په اړه د اخلاقي اصولو پر سر هوکړې ته ورسیږي، چې د ده په وینا د اغېزناکو او رڼو ټاکنو زمینه برابره شي.

د غبرګولي له لومړۍ راوروسته په ارګ کې د ولسمشر غني شتون د ولسمشرۍ ټاکنو د نورو نوماندانو بېلابېلې غوښتنې راپورته کړي. په ځانګړي توګه په دې ورځو کې، چې هغه د حکومتي لوړ پوړیو چارواکو په ادلون بدلون لاس پورې کړی دی.

نوماندان وايي، د ولسمشر وروستۍ ګومارنې د ټاکنیز ملاتړ د ترلاسه کولو په موخه کیږي؛ خو ولسمشر غني د ټاکنو نور نوماندان ټاکنیزې مذاکرې ته را بولي، چې د ده په وینا د ټاکنو د اخلاقي اصولو د تګلارې په اړه هوکړې ته ورسیږي.

د ولسمشرۍ د ټاکنو یو شمېر نوماندان له حکومت سره  د ټاکنو د ترسره کیدو د څرنګوالي او هغو قواعدو په اړه مذاکره یوه اړتیا ګڼي، چې له مخې یې حکومتي مشران ونشي کولی په ټاکنو کې له دولتي امکاناتو ګټه پورته کړي.

د ولسمشرۍ ټاکنو نوماند شیدا محمد ابدالي ویلي؛  مونږ باید ډاډمن ګامونه واخلو. په داسې حال کې، چې حکومت خپلسری روان او کمپایني بدلونونه او ګومارنې ترسره کوي. حکومت اوس هغه صلاحیتونه نلري، چې د غبرګولي له لومړۍ مخکې برخمن و؛ ځکه دا کار به بحران رامنځته کړي.    

اجرایی رییس په خپل اختریز پیغام کې ویلي؛ د ټاکنو په میدان کې فرصتونه باید ټولو نوماندانو ته یو شان وي او په ټاکنیزو مبارزو کې د دولتي امکاناتو د کارولو مخه باید ونیول شي.

د ځینو ټاکنیزو ډلو له نظره د حل یوازنۍ لار د لنډمهالې ادارې جوړیدل دي.

د مشارکت او بدلون د ټاکنیزې ډلې لومړی مرستیال بصیر سالنګي وایي، چې د غبرګولي له لومړۍ د حکومت کار ناقانونه دی. ولسمشر باید حکومت یو لنډمهاله حکومت ته وسپاري، چې ټاکنې تر سره شي. 

یو شمېر ټاکنیزو ډلو له اختر وروسته پراخو اعتراضونو ته چمتووالی نیولی، چې حکومت له ستونزو سره مخ او له سرپرستې ادارې سره یې هوکړې ته اړ کړي؛ خو دا هغه څه دي، چې ارګ یی د نظام پروړاندې کودتا ګڼي.

 خبریال: باعث حیات

تازه خبرونه

ایران او پاکستان د افغانستان په اړه ګډه اعلامیه خپره کړه

Published

on

(Last Updated On: غویی ۵, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

تازه خبرونه

له ۱۰۰۰ ډېر افغان مهاجرین له پاکستان څخه جبري وایستل شول

Published

on

(Last Updated On: غویی ۵, ۱۴۰۳)

د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.

د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.

د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.

دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.

ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.

Continue Reading

تازه خبرونه

د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ

Published

on

(Last Updated On: غویی ۵, ۱۴۰۳)

د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.

د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.

د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.

دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.

ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.

Continue Reading

Trending

Copyright © 2022 Ariana News. All rights reserved!