تازه خبرونه
ولسمشر غني د ترکیې له ولسمشر سره وکتل
د ولسمشرۍ له دفتره په خپره شوې خبرپاڼه کې راغلي، چې د افغانستان د اسلامي جمهوریت ولسمشر محمداشرف غني قزاقستان ته د خپل سفر په دوه یمه ورځ نن سهار پلازمېنه استانه کې د ترکیې له ولسمشر رجب طیب اردوغان سره وکتل.
د خبرپاڼې له مخې؛ په دې کتنه کې دواړو لوریو د افغانستان او ترکیې تر منځ پر تلپتې اړیکو او د همکاریو پر پراختیا ټینګار وکړ.
ولسمشرۍ دا هم په ډاګه کړې، چې د ترکیې ولسمشر په دې کتنه کې وویل، هېواد یې له افغانستان سره تاریخي او اوږدمهاله اړیکي لرې.
نوموړي د افغانستان په اړه د امریکا متحده ایالاتو له نوې ستراتیژۍ هرکلی کړی او زیاتوي، چې ترکیه له افغانستان سره په بېلابېلو برخو کې همکاریو ته چمتو ده.
د ترکیې جمهوررئیس د افغانستان او پاکستان تر منځ د اړیکو د ښه والي لپاره خپل تیاری وښود او زیاته یې کړه، هېواد یې د افغانانو په مشرۍ د سولې پروسې ملاتړ کوي.
دغه راز ولسمشر اشرف غني له افغانستان سره په بېلابېلو برخو کې د همکارۍ د چمتووالي او په ځانګړي ډول د سولې له بهیر څخه د ملاتړ له امله د ترکیې له ولسمشر څخه په مننه د دواړو هېوادونو پر ملګرتیا او ښو اړیکو ټینګار و کړ.
ولسمشر غني ویلي، چې د افغانستان په اړه د امریکا متحده ایالتو نوې ستراتیژي روښانه او جامع ده.
هغه څرګنده کړې، چې د دغې ستراتیژۍ له اعلان سره سم په سیمه کې فرصت رامنځته شوی او له دغه فرصت څخه باید سمه ګټه واخیستل شي.
ولسمشر غني دا هم په ډاګه کړې، چې افغانستان له خپلو ګاونډ هېوادونو سره د ښو اړیکو غوښتونکی او له پاکستان سره هراړخیزو مذاکراتو ته چمتو دی.
هغه د اوسنی حالت پر بدلون ټینګار کړی او ویلي یې دي، چې د سیمې شرایط دې په افغانستان کې د سولې او ثبات لپاره وکارول شي.
دغه راز د افغانستان ولسمشر تروریزم د سیمې او نړۍ هېوادونو ته ستر ګواښ وباله او پر وړاندې یې پر ګډه او جدي مبارزه ټینګار څرګند کړ.
ولسمشر اشرف غني تېره ورځ له غرمې وروسته د یو لوړ پوړي پلاوي په مشرۍ د ساینس او ټکنالوژۍ په اړه د اسلامي همکاریو سازمان د غړیو هېوادونو د مشرانو په ناسته کې د ګډون په موخه د قزاقستان پلازمېنې استانې ته سفر کړی دی.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
تازه خبرونه5 hours ago
ترکمنستان د ټاپي پروژې بشپړولو ته ژمن دی – امانوف
-
تازه خبرونه3 days ago
د ازبکستان بشري مرستې بلخ ته راورسېدې