تازه خبرونه
ټاکنڅاري بنسټونه ولسمشریزې ټاکنې له ننګونو ډکې بولي
د ټاکنیزو کمپاینونو په اړه د ټاکنڅارو بنسټونو د څارنې لومړنۍ موندنې ښیي، چې د امنیت نشتوالي؛ ځینو مرکزونو ته د اساسو توکو نه رسیدل او د رای ورکولو په ځینو مرکزونو کې د ټاکنو پر ورځ د ښځو لږوالی سترې ننګونو دي.
ټاکنڅاري بنسټونه د ټاکنیزو کمپاینونو په تړاو په خپل راپور کې وایي، امنیت ډاډمن ندی او ځینې مرکزونه د اساس توکو له لږوالي سره مخ دي او د ښځینه کارکوونکیو کمی بله ستونزه ده.
د افغانستان د آزادو او عادلانه ټاکنو د بنسټ اجرائیه رییس یوسف رشید وایي، چې که خلک د ټاکنو په اړه د ټاکنو په اړه سرغړونې ثبت کړي؛ د ټاکنیزو شکایتونو کمیسیون یې په خدمت کې دی. ټاکنڅاري او نړیوال کتونکي به وي او ټول باید په ګډه حق حق دار ته ورسوو
د افغانستان د رڼو ټاکنو بنسټ اجرائیه رییس نعیم ایوب زاده څرګنده کړې، چې په ټاکنیزو مرکزونو کې محلونو ته ځانګړتیا وربښل؛ منطقي بنسټ نلري. مونږ اندېښمن یو، چې دا کار به درغلیو ته زمینه برابره کړي؛ ځکه، چې د تېروتنو محاسبه درغلۍ ته زمینه برابروي.
دا بنسټونه وایي، څه ناڅه دوه سوه ولسوالیو ته په منظم ډول مواد ندي رسیدلي او په ځینو ناامنو ولایتونو کې مخابراتي شبکې هم غیر فعالې دي.
د افغانستان د څار بنسټ غړی حبیب شینواري ویلي؛ هیله من یو، چې د شکایتونو د ټاکنیز کمیسیون پرېکړې د هغو نوماندانو په اړه، چې دولتي او حکومتي امکانات یې ناوړه کارولي؛ رڼې او خپلواکې وي. دا پرېکړې نن یا سبا له ټاکنو مخکې باید ښکاره شي.
د افغانستان د مدني ټولنو د شبکې غړی خلیل رووفي وایي؛ څه نا څه دوه سوه ولسواليو ته اساس ټاکنیز توکي لیږل شوي او تر پرونه هم دا توکي د دغو ولسوالیو رای مرکزونو او محلونو ته ندي رسیدلي.
د ټاکنو خپلواک کمیسیون د دارالانشا رییس حبیب الرحمان ننګ وایي؛ د تلې پر شپږمه د ټاکنو تر سره کیدو ته سل په سلو کې چمتووالی نیول شوی.
امنیتي بنسټونه وایي، د چارشنبې له ورځې یې د ټاکنیز بهیر د امنیت ساتنې چاره پیل کړې؛ ټول هوایي او ځمکني ځواکونه په لومړۍ درجه احضاراتو کې دي او د تلې شپږمې ټاکنو د امنیت ساتنې لپاره تر وروستي بریده هلې ځلې روانې دي.
دا په داسې حال کې ده، چې طالبانو له خلکو غوښتي، چې د تلې پر پېنځمه او شپږمه ښارونو او ولایتونو ته خپل تګ راتګ ودروي او په ټاکنو کې برخه وانخلي؛ خو یوناما له طالبانو غوښتي، چې ټاکنې باید ګدوډې نکړي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ11 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول