تازه خبرونه
ټاکنیزو شکایاتو کمیسیون ۳۵ نوماندان له وروستي نوملړه حذف کړل
د ټاکنیزو شکایتونو کمیسیون د ضیاالحق امرخېل، فوزیه کوفي، مولوي ترخېل، مریم کوفي، زرداد فریادي، قیس حسن او اکبر ستانکزي په ګډون ۳۵ نوماندان له خپل وروستي نوملړه حذف کړي، چې په اړه يې د غصب، تښتونې او قانون ماتونې شکایتونه ثبت شوي دي.
د ټاکنیزو شکایتونو خپلواک کمیسیون د ولسي جرګې د نوماندانو په تړاو د شکایتونو او اعتراضونو د څېړلو په پایله کې ۳۵ تنه له وروستي نوملړ حذف کړل، چې بشپړ نومونه یې په لاندې ډول دي:
احمد شاه شمس، محب الله او امان هوتکي د روزگان، عبدالرحمان شیداني د بامیان، فوزیه کوفي، محمد نبي بیان، عبدالصمد عبدالحمید او مریم کوفي د بدخشان، سید جغفر نادري، اسدالله اسلامزوی او حیات الله وفا د بغلان، اسدالله شریفي د بلخ، غلام حید جیلاني او نور احمد سکندر د پروان، الله میر او نوید ابراهیم خېل د پکتیا، بشیر قانت او اسدالله ایوب د تخار، لیاقت الله بابکرخېل او جبار جبار خېل د خوست، معصومه خاوري، آصف عظیمي او رییس خیرالله د سمنگان، سخی نوید د فاریاب، قیس حسن، الحاج مولوی تره خېل محمدي، سید داوود نادري، صداقت زاهد، ضیاء الحق امرخېل، احسان الله عاطف د کابل، شېرعلی احمدزی او زرداد فریادي د کابل کوچیانو، شایسته باز ناصري د کندوز، اکبر ستانکزی د لوګر او جاوید زمان د ننگرهار له حوزو حذف شوي دي.
د ټاکنیزو شکایتونو د خپلواک کمیسیون د دارالانشا رییس علی رضا روحاني وایي، چې د اعتراضونو او شکایتونو له څېړلو وروسته ۳۵ نوماندان له وروستني نوملړه حذف شول، پېنځه څلویښت نورو ته یې د پاملرنې سپارښتنه شوې او د یو سلو دوه کسانو نوملړ د ټاکنو خپلواک کمیسیون ته لیږل شوی دی.
د ټاکنو خپلواک کمیسیون غړی حفیظ الله هاشمي وایي، پر نورو مونږ څه نیوکه نلرو؛ خو د ټاکنیزو شکایتونو د یوسلو دوه کسانو نوملړ به وکتل شي.
د ټاکنو څارونکي بنسټونه د اعتراضونو او شکایتونو په څېړلو کې پر روڼتیا ډېر باوري نه ښکاري.
د افغانستان د آزادو او عادلانه ټاکنو د بنسټ غړی شمس راسخ وایي؛ مونږ اندېښمن شوي یو، هغه زورواکان باید حذف شوي وای، چې نه دي شوي.
د ټاکنیزو شکایتونو خپلواک کمیسیون وروستی نوملړ د ټاکنو خپلواک کمیسیون ته رسیدلی دی او د ولسي جرګې ټاکنو ته شاوخوا دوه زره کسان نوماندان دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه3 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه2 days ago
په تېرو ۲ زره کلونو کې د تېر کال اوړی له ټولو تود و – څېړنه