تازه خبرونه
پارلمان: ځینې ولسوالۍ د سقوط له خطر سره مخامخ دي
د ولسي جرګې ځینې غړي خبرداری ورکوي چې د هیواد په شمال کې ځینې ولسوالۍ د سقوط له خطر سره مخامخ دي.
دوی همدا راز وایي، که حکومت امنیتي وضعیت ته پاملرنه ونه کړي د جلریز، کندز او بدخشان پیښې به بیا تکرار شي.
بلخوا د کورنیو چارو وزیر د استیضاح مساله د ولسي جرګې له کاري اجنډا ووته ځکه یو شمېر وکیلانو چې د استیضاح لپاره لاسلیکونه کړي وو، خپل لاسلیکونه بېرته واخیستل.
یو شمېر وکیلان وایی، په ولایتونو کې یې زیاتره پوستې د دښمن په کلابندي کې دي.
محمد هاشم – ولسي جرګه- فاریاب:
“که خدای مه کړه یوه یا دوه ولسوالۍ سقوط وکړي، نو ټول شمال له ناامني سره مخ کولای شي.“
صفیه ایماق- ولسي جرګه – بادغیس:
“ د بالا مرغاب ولسوالۍ چې په بادغیس ولایت پورې اړوند ده، همدا اوس د دښمن تر محاصرې لاندې ده او یوه اوونۍ کيږي چې دغو کسانو ته نه اوبه او نه هم ډوډۍ رسیدلې.“
عبیدالله بارکزی – ولسي جرګه- ارزګان:
“د خاص ارزګان په ولسوالۍ کې د لسو په شاوخوا کې کسان په شهادت ورسیدل او تر اوسه هیڅ ډول مرسته نه ده ورسته رسیدلې.“
وکیلان له دې امله په حکومت نیوکه کوي چې د امنیت د ټینګښت لپاره پلان نه لري.
دوی خبرداری ورکوي چې ځینې کړۍ غواړي څو په قومي بڼه د وسلو د ویش پروسه پیل کړي.
بلخوا د ولسي جرګې ځینو غړو د کورنیو چارو د وزیر د استیضاح لپاره خپل کړي لاسلیکونه بېرته واخیستل او په دې توګه د هغه د استیضاح مساله د ولسي جرګې له کاري اجنډا ووته.
ولسي جرګې همدا راز د کورني امنیت او دفاعي چارو کمیسیونونو ته امر وکړ چې د جلریز د وروستۍ پیښې په اړه څیړنې وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه