تازه خبرونه
پر دیورند کرښې غزېدلی اغزن تار بشپړېدو ته نږدی شوی – پاکستان
د پاکستان پوځ په ډاګه کړې، چې له افغانستان سره د پولې په اوږدو کې ۲۶۰۰ کیلو متره اغزن تار غزېدلی او په راتلونکیو دوه میاشتو کې به پاتې نور هم بشپړ شي.
د پاکستان پوځي سرچینو (آی ایس پی آر) د جمعې پر ورځ امریکا غږ ته څرګنده کړې، چې د پولې په اوږدو کې لږ تر لږه ۸۳ سلنه اغزن تار غزېدلی او په سلګونه نوې پوستې او کلاګانې د کرښې په اوږدو کې جوړې شوې دي.
دا پروګرام په ۲۰۱۷ زېږدیز کال کې د وسلوالو د نفوذ، قاچاق او ناقانونه تېریدو د مخنیوي لپاره پیل شوی دی.
د پاکستان پوځ په ښکاره دا کار د افغانستان د حکومت له مخالفت سره سره په یو اړخیزه توګه روان ساتلی ، چې څه نا څه ۵۰۰ میلیون امریکایي ډالر لګښت پرې راځي.
آی ایس پی آر په ډاګه کړې، چې دغه اغزن تار پر دوه درې متره لوړوالي او څو متره د سور په واټن غزېدلی، چې ان له ټيټو او ۴۰۰۰ مترو په لوړوالي له غرنیو سیمو تېر شوی دی.
سرچینې ویلي؛ دې کار په پاکستان کې د ترهګریزو بریدونو شمېر کم کړی، خو د غزولو په بهیر کې د افغانانو او پاکستانیو ځواکونو تر منځ وسلوالې نښتې هم رامنځته شوې دي.
دیورند کرښه لکه څنګه، چې په عام ډول په افغانستان کې ورته اشاره کیږي؛ په تاریخي توګه دا جنجال د بریتانیا له استعماري دورې راپورته شوی دی.
له نن څخه یو ۱۲۷ کاله مخکې د ۱۸۹۳میلادي کال د نوومبر پر دولسمه نېټه د دیورند د فرضي کرښې هوکړه د امیرعبدالرحمان د واکمنۍ پرمهال لاسلیک شوې ده.
دا کرښه د حمید مبارز د څرګندونو له مخې؛ د واحد ملت پر ځمکه ۲۶۴۰ کیلو متره جبري راکښل شوې، چې د بد خشان ولایت د واخان ولسوالۍ له نوښاخ سیمې څخه شروع د نیمروز ولایت د چاربرجک ولسوالۍ تر ملک سیاه غره پورې رسیږي.
پاکستان دا اعتراضونه ردوي او وایي، چې دا په ۱۹۴۷ کال کې له انګلستان څخه د خپلواکۍ له ترلاسه کولو وروسته دا نړیوال میراث ور په برخه شوی دی.
د امریکا غږ څرګنده کړې، چې دغه راز د پاکستان اردو له ایران سره خپله سویل لویدیځه پوله هم، چې ۹۰۰ کیلو متره اوږدوالی لري؛ د امنیتي اندېښنو له مخې پر ۳۰ سلنه اغزن تار غزول شوی دی.
د پاکستانیو سرچینو د څرګندونو له مخې؛ تمه ده، چې دا پروژې په ۲۰۲۱ کال کې بشپړې شي.
تازه خبرونه
اسلامي امارت آلمان ته خپل څلور نوي ډیپلوماټان لېږي
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوهیم منشي ټاکل شوي دي. په داسې حال کې چې هدایتالله پکتین او محمدحکیم حکیمي به په بن کې د افغانستان د قونسلګرۍ د دوهیمو منشیانو دندې ترسره کړي.
سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نهدي ویلي.
د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناهغوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نهلري.
د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.
آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نهدی پېژندلی؛ خو د پناهغوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.
تازه خبرونه
افغانستان په ملګرو ملتونو کې د غړیتوب اتیایمه کلیزه نمانځي
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زدهکړې» تر سرلیک لاندې دغه غونډه د نومبر پر اتهلسمه د انلاین او ژوندۍ بڼې له لارې ترسره کېږي.
فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.
په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.
افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.
محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.
دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت لهخوا د معرفي شوي استازي د منلو په اړه وروستۍ پرېکړه نهده کړې او د افغانستان استازولي اوس هم د پخواني نظام د ډیپلوماټانو لهخوا اداره کېږي.
تازه خبرونه
د اسلامي امارت استخباراتو پر شرعي چوکاټ ټینګار وکړ
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.
دغه راز تاجمیر جواد ویلي: کله، چې امت د شرعي نظام د امامت له نعمت څخه بېبرخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.
هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.
-
لوبی2 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه2 days agoترکیې یونان ته د اوښتو په هڅه کې ۳۵ افغان کډوال ونیول
-
تازه خبرونه5 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
لوبی18 hours agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
تازه خبرونه5 days agoروسي شرکتونه دې د کانونو، صنعت او بېخبناوو په برخو کې پانګونه وکړي – ملا برادر
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
