لوبی
په افغانستان اتلانو لیګ کې ابومسلم فراه ۴ – ۰ او عمر ځواک ۳ -۱ بریاوې ترلاسه کړې
په شپږمه لوبه کې ابومسلم فراه غوره لوبه وکړه او استقلال کابل ته یې ۴ – ۰ ماتې ورکړه.
ابومسلم فراه او عمر ځواک د دوشنبې پر ورځ په کابل کې د افغانستان اتلانو لیګ روشن د شپږم پړاو پر مهال پر ترتیب استقلال کابل او سرسبزیاشلر ته ماتې ورکړې.
په شپږمه لوبه کې ابومسلم فراه غوره لوبه وکړه او استقلال کابل ته یې ۴ – ۰ ماتې ورکړه.
محبوب حنیفي او امید پوپلزي په لومړۍ نیمایي کې د ابومسلم فراه لپاره ګولونه ووهل او دغه لوبډله له ۲ – ۰ بریا سره د دمې لپاره ووته. په دوهیمه نیمایي کې علیرضا پناهي او فرزاد تاجک هم دوه نور ګولونه ووهل او ابومسلم فراه پر آسانه بریا د لوبې درې واړه امتیازونه خپل کړل.
په اوومه لوبه کې عمر ځواک سرسبز یاشلر ته ۳- ۱ ماتې ورکړه او شاداب ملکزاده د دې لوبې غوره لوبغاړی شو.
ملکزاده د عمر ځواک درې واړه ګولونه ووهل او په هټریک سره یې د خپلې لوبډلې په بریا کې مهم رول ولوباوه. مهران د سرسبز یاشلر یوازنی ګول وواهه؛ خو د عمر ځواک د بریا مخه یې ونه نیوله.
راتلونکې لوبې
د افغانستان اتلانو لیګ روشن نورې لوبې به د چارشنبې پر ورځ له دوه لوبو سره دوام وکړي:
- طوفان هرات ــ آریانا خوست
- خراسان فاریاب ــ عینو مېنه
د فوټبال مینهوال کولی شي دغه لوبې پر ژوندۍ بڼه له آریانا ټلویزیون څخه وګوري.