تازه خبرونه
په افغانستان کې لوږه زیاته شوې؛ ښځې او ماشومان له ټولو ډېر زیان ویني – ملګري ملتونه
د ملګرو ملتونو د خوړو نړیوال پروګرام خبرداری ورکړی؛ د دغو بحرانونو دوام د هغو خوراکي زېرمو کچه راټیټه کړې، چې د ښځو او ماشومانو د خوارځواکۍ د درملنې لپاره ځانګړې شوې دي.
ملګرو ملتونو څرګنده کړې، چې افغانستان له هممهالو اقتصادي بحرانونو، پراخې بېکارۍ او اقلیمي بدلونونو سره مخ هېواد دی او دې وضعیت نه یوازې د خوراکي توکو بیې لوړې کړي، بلکې د خوړو د ناامنۍ ستونزه هم ورسره پراخه شوې ده.
د ملګرو ملتونو د خوړو نړیوال پروګرام خبرداری ورکړی؛ د دغو بحرانونو دوام د هغو خوراکي زېرمو کچه راټیټه کړې، چې د ښځو او ماشومانو د خوارځواکۍ د درملنې لپاره ځانګړې شوې دي.
د فیضآباد ښار یوې اوسېدونکې رقیبه احمدي ویلي: «هغه لږ خواړه، چې د اخیستلو وس یې لرو؛ خپلو ماشومانو ته یې ورکوو، خو بسنه نهکوي.»
د هغې د څرګندونو له مخې؛ کوچنۍ لور یې پر خوارځواکۍ اخته ده او مېړه یې هم بېکاره دی.
ملګرو ملتونو ټینګار کړی، چې په افغانستان کې ښځې او ماشومان تر نورو ډېر د لوږې او د خوراکي توکو د کمښت له بحران څخه اغېزمن شوي دي.