تازه خبرونه
په ترکیه کې پر حکومت د کودتا هڅه شنډه شوه
![](https://www.ariananews.af/wp-content/uploads/2016/07/160524194258_turkey_president_erdogan_624x351_epa.jpg)
تېره شپه د ترکي ځواکونو د لوی درستیز په مشرۍ د ترکیې پر حکومت د کودتا هڅه وشوه، چې شنډه شوې ده. کوداتاچیانو په انقره، استانبول او یو شمېر نورو لویو ښارونو کې پر پولیسو، دولتي تاسیساتو او پارلمان بریدونه وکړل او په څو ساعتونو کې یې د ترکیې دولتي تلویزیون ونیوه.
دوی پر دولتي تلویزیون اعلان وکړ، چې اوسني حکومت دیموکراتیکو ارزښتونو ته شا کړې او دوی واکمنان دي.
په دغه هېواد کې د وسلوالو نښتو، بمي چاودنو، چورلکو د بریدونو او راغورځوریدو خبرونه هم ورکړ شوي دي.
د ترکیې ولسمشر رجب طیب اردوغان د کودتا هڅه غندلې او وایي، چې کودتا کوونکي به خپله سزا وویني.
داسې رپوتونه هم شته، چې له جوماتونو اعلانونه شوي، چې که له خپل هېواد سره مینه کوئ، سړکونو ته راووځئ.
ولسمشر اردوغان ویلي،د کودتا هڅه د پوځ یوه کوچنۍ ډله کوي، چې وايي بریالۍ به نه شي’. د نوموړي په خبره دغه چاره به له سخت غبرګون سرمخ شي.
په کودتا کې د اوښتو تلفاتو په اړه کره څه نه دي ویل شوي؛ خو د ترکیې صدراعظم یلدریم اعلان کړی، چې په انقره کې وضعیت عادی شوی او د کودتا پلویان ځپل شوي دي.
د راپورونو له مخې د ترکیې په ګڼو ښارونو کې خلک لارو کوڅو ته راوتلي دي د ترکیې بیرغونه ورسره دي.
د ترکیې د حکومت اپوزسیون ډلو هم د کودتا کوونکیو پر ضد څرګندونې خپرې کړې دي.
د کودتا هڅه داسې مهال شوې، چې د ترکیې ولسمشر رجب طیب اردګان په رخصتۍ تللی و. نوموړي په تلویزیوني وینا کې ویلي، چې استانبول ته پر لاره دی. هغه له خلکو غوښتي، چې د دیموکراسۍ ملاتړ له پاره سړکونو ته ووځي.
څو شېبې وړاندې د ترکیې لومړي وزیر وویل، په ترکیه کې حالت په کنټرول دی او د کودتا دغه هڅه د فتح الله ګولن ملاتړو لخوا تر سره شوې وه؛ خو فتیح الله ګولن په ترکیه کې د کودتا هڅه غندلي ده .
نوموړي اوسمهال په امریکا کې د تبعید ژوند تېروي.
د رپوتونو له مخې، د ترکیې پوځ د استانبول مرکزي هوایي ډګر په لاس کې لري او په پام کې ده، چې ډېر ژر الوتنې پیل شي.
ترکي سرچینې وایي، چې د تېرې شپې په شخړو کې تر دې دمه ۶۰ تنه وژل شوي، چې ۱۷ یې پولیس دي.
۱۳ سرتېري، چې ولسمشرۍ ته یې د ننوتو هڅه کوله نیول شوي دي؛خو د پوځ لوی درستیز تر دې دمه پټه دی او د نیولو هڅې یې روانې ساتل شوې دي.
ترکي چارواکي وایي، چې تر دې دمه د تېرې شپې د کودتا ۷۵۴ پیل کوونکي نیول شوي دي.
د ترکیې (اناتولي) خبري آژانس ویلي، د ترکي پوځ ۷۵۴ غړي د کودتا په تور نیول شوي دي.
د ترکیې استخباراتو ادارې ویاند وايلي، چې د کودتا هڅه ناکامه شوې؛ خو ځینو برخو کې لا مقاومت لیدل کېږي.
په یوه تلویزوني وینا کې په ډاګه شوې، چې د سولې یوه شورا اوس د حکومت چارې رهبري کوي او په ګرزیدو راګرځیدو بندیږ لګیدلی دی.
د کودتا پر مهال د امریکا ولسمشر بارک اوباما او د امریکا د بهرنیو چارو وزیر جان کري د اردوغان په مشرۍ د منتخب حکومت د پلوي اعلان وکړ.
لږ وروسته بیا جرمني، بلغاریا او په اسلامي هېوادو کې قطر کودتا وغندله.
ملګرو ملتو هم په ترکیې کې کودتا غندلې ده.
د افغانستان اسلامي دولت، پارلمان او حکومت هم د ترکیې له منتخب حکومت څخه په بېلابېلو بڼو د ملاتړ څرګندونې کړي دي.
ترکیه د ناتو مهم غړی هېواد دی، چې له امریکا وروسته د ناتو په غړیو هېوادو کې ډېر زیات پوځیان لري.
![](https://www.ariananews.af/wp-content/uploads/2020/09/ATNNewsNewLogo2020.png)
تازه خبرونه
له ټولې نړۍ سره سیاسي او اقتصادي اړیکې غواړو- د اسلامي امارت رهبر
![](https://www.ariananews.af/wp-content/uploads/2023/06/IEA-leader-1.jpg)
د لوی اختر په درشل کې د افغانستان اسلامي امارت رهبر شیخ هبة الله اخوندزاده په خپل اختریز پیغام ویلي، چې لنډمهالي حکومت د اسلامي شریعت په چوکاټ کې د نړۍ له ټولو هېوادونو سره د سیاسي او اقتصادي اړیکو ټینګولو غوښتونکی دی.
نوموړي په دې اړه ویلی: اسلامي امارت له ټولې نړۍ او په ځانګړي توګه له اسلامي هېوادونو سره د شریعت په چوکاټ کې سیاسي او اقتصادي اړیکې غواړي او په دې برخه کې یې خپل مسوولیت ترسره کړی دی.
د اسلامي امارت مشر له ټولو هېوادوالو وغوښتل، چې د اسلامي نظام ساتنه او خدمت وکړي.
د پیغام په یوه برخه کې راغلي، چې واک ته له رسېدو وروسته اسلامي امارت د ټولو افغانانو امنیت او حقوق خوندي مړي، اسلامي شریعت پلی دی او د هېواد له خاورې ساتنه کیږي.
نوموړي په دې اختریز پیغام کې د نجونو لپاره له شپږم ټولګي پورته د ښوونځیو، لیسو او پوهنتونونو د پرانستې په اړه څه ندي ویلي؛ خو د ديني مدرسو د پراختيا په برخه کې د لازمو تدابير له نيولو ډاډ څرګند کړې دی.
دغه راز نوموړي د افغانستان په بېلابېلو ولایتونو او سیمو کې د سیلابونو له کبله د اوښتو زیانونو په اړه خواخوږي څرګنده کړې ده.
همدا راز د اسلامي امارت رهبري پلاوي د هېواد له سوداګرو وغوښتل، چې له زیانمنو شویو سره له هر ډول همکارۍ او مرستې څخه ډډه ونکړي.
تازه خبرونه
په کابل کې د یړک غاړې خوړو په اړه ځانګړی راپور
تازه خبرونه
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
![](https://www.ariananews.af/wp-content/uploads/2024/06/Afghan-girls-education.jpg)
د ملګرو ملتونو د ماشومانو ملاتړ ادارې یا یونیسف ويلي؛ نن پنجشنبه د غبرکولي څلیریشتمه په افغانستان کې له لومړنۍ دورې څخه د پورته دورو د نجونو د زدهکړو د ځنډ زر ورځې بشپړې او درې میلیارډ درسي ساعتونه ضایع شوي دي.
د یونیسف اجرائیوي رییسې کاټرین روسیل په دې اړه ویلي: د یو نیم میلیون نجونو لپاره دغه سیټماتیک محرومیت نه یوازې د هغوی د زدهکړو له حق څخه ښکاره سرغړونه ده، بلکې د فرصتونو د کمېدو او د هغوی پر رواني روغتیا یې هم ناسمه اغېزه کړې ده. د ماشوماشونو په ځانګړي توګه نجونو د زدهکړو حق، ژوند، راتلوونکی، هیلې او خوبونه باید باید د سیاسي پرېکړو یرغمل نشي.
د ملګرو ملتونو د ماشومانو ملاتړ ادارې اجرائیوي رییسې ویلي، چې پر نجونو د زدهکړو بندیز یوازې نجونې نه زیانمنوي، بلکې روان بشري بحران نور هم سختوي او د افغانستان اقتصاد او د پرمختګ لار له جدي انشعاباتو سره مخ کوي.
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
نوموړې وایي؛ په افغانستان کې د دې ادارې کارکوونکي افغان ماشومانو ته د ملاتړ لپاره ډېرې هڅې کوي او د خپلو شریکانو پر ملتیا د لومړنیو ښوونځیو د ۷ اعشاریه ۲ میلیون ماشومانو او کلیوالي ټولګیو ۶۰۰ زره ماشومانو ته، چې له درې څخه دوه برخې یې نجونې دي د زدهکړو امکانات برابروي او هم ښوونکیو ته روزنه ورکوي او په دې هېواد کې د زدهکړو د بېخبناوو د بهیر د دوام لپاره خپلې هڅې نه سپموي.
میرمن روسیل ویلي: لکه څنګه، چې مونږ د دې تریخ او سخت پړاو یادونه کوو؛ زه د حاکمو چارواکو [طالبانو] څخه غوښتنه کوم، چې اړوند نجونو ته دې سمدستي د زدهکړو د بېرته پیلېدو اجازه ورکړي. زه له نړیوالې ټولنې څخه هم غواړم، چې د دغو نجونو د ملاتړ لپاره دې له بل هروخت څخه ډېر بوخت پاتې شي. هیڅ کوم هېواد کله، چې نیمايي نفوس یې شاته پریښی وي پرمخ نشي تللی.
د ښوونځیو د پرانیستلو انلاین کمپاین
یونیسف ادارې په افغانستان کې د طالبانو د حکومت لهخوا د نجونو پر زدهکړو د بندیز د زرو ورځو پوره کیدو پر مهال دغه اعلامیه په داسې حال کې خپره کړې، چې د بشري حقونو او د نجونو او ښځو د زدهکړو د ملاتړ دوه بنسټونو “اقراء ” نومی انلاین کمپاین پیل کړی دی.
د زغم بنسټ مشرې شهرزاد اکبر په ایکس پاڼه کې د دغه کمپاین د پیل په اړه ویلي، چې د جون پر څوارلسمه زر ورځې پوره کېږي، چې افغان نجونې له خپل انساني او شرعي حق زدهکړو څخه بې برخې دي. مونږ د نجونو د ښوونځیو د بیا پرانیستو لپاره یو غږ پورته کوو او د ‘اقراء’ کمپاین ستاسې پر ډاډ پیلوو.
شهرزاد اکبر له افغانانو غوښتي، چې د ښوونځیو د بېرته پرانیستلو لپاره دې دا غږ ورسره بدرګه کړي.
ټاکل شوې، چې په دې انلاین کمپاین کې به دغه دوه بنسټونه د هغو نجونو نظریات شریک کړي، چې د افغانستان په ۳۴ ولایتونو کې یې پرهغوی د زدهکړو د اغېزو په اړه ورسره خبرې کړې دي.
د نجونو د زدهکړو او د ښځو د حقونو یوه فعاله شفیقه خپلواک ددغه کمپاین د پیل پرمهال په یو ویډیوي پیغام کې ویلي، چې دغو نجونو په خبرو کې یو ګډ خبره دا وه، چې له دغه وضعیت څخه د وتلو لپاره نجونې د خپلو هغو افغانانو په تمه دي چې ددغه بندیز پر وړاندې خپل غږ اوچتولی شي او د هغوی پر وړاندې د بندو ښوونځیو دروازې په پرانیستلو کې مرسته کولی شي.
دغو بنسټونو له افغانانو غوښتي چې د نجونو د تعلیم مسله دې په خپلو حجرو، جوماتونو او د کوردننه مطرح کړي او له زدهکړو د بېبرخو نجونو د غږ په اوچتولو کې دې همکاري وکړي.
اسلامي امارت د ۲۰۲۱ کال د اګست پر ۱۵ په کابل کې له بیا واکمنېدو وروسته د نجونو د منځیو ښوونځیو او لیسو دروازې وتړلې او زدهکړې یې تر بلې سپارښتنې وځنډولې.
دغه راز د ۲۰۲۲ کال د ډسمبر په میاشت کې د نجونو پر مخ د پوهنتونونو او لوړو زدهکړو دروازې هم وتړل شوې او زدهکړې یې له خنډ او ځنډ سره مخ شوې.
د اسلامي امارت چارواکو ویلي؛ د نجونو د منځنیو ښوونځیو او لیسو پر زدهکړو بندیز دایمي ندی او لنډمهالې بڼه لري، چې د اړوند ستونزو له حل وروسته به د مساوي زده کړو زمینه برابره شي.
-
تازه خبرونه5 days ago
بریکس د افغانستان د کړکیچ پر سمدستي حل ټینګار څرګند کړ
-
سوداگري4 days ago
له یوه ایراني شرکت سره د تېلو پر معیاري چاڼخونې خبرې وشوې
-
تازه خبرونه5 days ago
له ۸۰ ډېر افغانان پاکستان ته د ناقانونه اوښتو پر تور ونیول شول
-
سیمه ییز خبرونه3 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی2 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
نړۍ5 days ago
د ملګرو ملتونو امنیت شورا په غزه کې د اوربند له طرحې ملاتړ وکړ
-
تازه خبرونه5 days ago
د پوهنې وزارت چارسمبالي د پوهنې وزيرانو دوهیم نړيوال فورم ته وينا وکړه