تازه خبرونه
په تورخم کې به دروازه او نور تاسیسات ضرور جوړیږي-د پاکستان پوځ
د پاکستان پوځ ویاند وایي، چې تورخم کې به دروازه او نور تاسیسات ضرور جوړیږي؛ خو په پاکستان کې د افغانستان سفیرټینګار کړی، چې د پوځي تاسیساتو د کار د درولو هوکړه له پاکستان سره شوې ده.
په تورخم کې وروستیو ورځو کې د افغان سرحدي ځواکونو او پاکستانيو پوځیانو تر منځ سختې نښتې وشوې چې په ټولنیزو شبکو کې یې هم تاوده بحثونه را پورته کړل. نښتې د یکشنبې په شپه(د غبرګولي ۲۳) د پاکستانيو ځواکونو لخوا د تاسیساتو د جوړولو پر سر پیل شوې.
پاکستان د پوځ ویاند عاصم باجوا وایي، له خپل دغه کار څخه نه په شا کیږي، مونږ دغه کار پخپله خاوره کې کوو.
په پاکستان کې د افغانستان سفیر عمر زاخېلوال په خپل فیسبوک کې لیکلي، چې که د پاکستان لخوا د تاسیساتو جوړولو کار دوام وکړي، د سفیر په توګه به خپله دنده پریږدي.
افغان دولت بیا وایي، چې د دغې شخړې د حل له پاره باید خبرې وشي.
د ولسمشر مرستیالویاند شاه حسین مرتضوي وایي، د افغانستان حکومت د تورخم له پېښې وروسته د بهرنیوچارو وزارت له لارې په یوه اعلامیه کې د خبرو اترو له لارې د ستونزې د حل غوښتونکی شو او تېره ورځ هم په ارګ کې د ولسمشر په ګډون د سیاسي او جهادي رهبرانوناسته تر سره شوه، چې د ځمکني بشپړتیا ساتنه د افغانستان حق ونومول شو.
د ملي دفاع وزارت ویانددولت وزیری وایي، ملي امنیتي ځوړاکونه به هیچا ته د افغانستان پر خاوره د یرغل اجازه ورنه کړي؛ خلک اننر او ښځه، زوړ او ځوان د خپلې خاورې ساتنې ته تیار دي.
د ملي امنیت د شورا ویاندتواب غورځنګ وایي، افغان ځواکونه د خپلې خاورې د هرې برخې ساتنه کوي او هر راز مبارزې ته تیار دي؛ خو زمونږ ټینګار دادی، چې جنګ د حل لار نه ده، د پاکستان دولت باید د خبرو اترو له لارې دغه ستونزه حل کړي.
د پاکستاني ځواکونو او افغان پوله ساتو ځواکونو تر منځ نښتې د یکشنبې په شپه وروسته له دې پیل شوې، چې پاکستانيو ځواکونو صفرې ټکي ته نږدې د دروازې جوړولوهڅه وکړه او د افغان ځواکونو لخوا یې مخه ونیول شوه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه