تازه خبرونه
په سیمه کې به د ترهګرۍ د څارنې لپاره امریکا پوځي الوتنې او اډې ولري – راپور
اسوشیټیډ پریس خبري سرچینې څرګنده کړې؛ امریکا د افغانستان له ګاونډ هېوادونو سره په خبرو اخته ده، چې پر فضايي حریم یې د پوځي الوتکو د الوتنې او په ځينو هېودونو کې د پوځونو د ځای پر ځای کولو اجازه ترلاسه کړي.
امریکا غواړي د افغانستان د ګاونډ هېوادونو پر فضايي حریم د پوځي الوتکو د تېریدو او په دې هېوادونو کې د پوځونو د ځای ر ځاي کولو اجازه ترلاسه کړي، چې د افغانستان حالات وڅاري.
د امریکا د پوځ مرکزي قومندان جنرال مکینزی منځني ختیځ ته پر سفر وتلی او وایي؛ دا خبرې اوږدې دي، خو که هوکړې ته ورسيږي، له افغان پوځ سره د مرستو بڼه به هم بدله شي.
د امریکا په مرکزي قومندانې کې د منځني ختیځ قومندان جنرال مک کینزي ويلي، چې دا هڅې په افغانستان کې د ترهګرو د څارنې لپاره تر سره کیږي
نوموړي ویلي؛ که پدې اړه هوکړه وشي، له افغان پوځ سره د مرستو څرنګوالی به هم بدلون ومومي.
دا په داسې حال کې ده، چې روسیه غواړي له افغانستان سره پر پوله په تاجکستان کې پوځي اډه جوړه کړي. په دې اړه د روسیې د بهرنیو چارو وزیر د تاجکستان د بهرنیو چارو له وزیر سره هوکړه کړې، چې له افغانستان سره په پوله به لویه پوځي اډه جوړوي.
د روسیې د بهرنیو چارو وزیر سرګي لاروف ویلي: په نږدې راتلونکې کې به له تاجکستان سره داسې توافق لاسلیک کړو، چې له مخې به یې روسیه په تاجکستان کې د افغانستان پولې ته نږدې د پوځي اډې له جوړولو مالي ملاتړ وکړي.
د روسیې د بهرنیو چارو وزیر لاوروف زیاته کړ، چې له افغانستان څخه د نړیوالو پوځونو له وتلو سره د روسیې او ملګرو هېوادونو امنیت ته خطر پېښیدلی شي.
د تاجکستان د بهرنیو چارو وزیر سراج الدین مهرالدینویلي: له افغانستان څخه د نړیوالو سرتېرو له وتلو سره سم تاجکستان غواړي د شوني ګواښ د مخنیوي لپاره یوه پوځي اډه جوړه کړي.
د روسیې او امریکا د بهرنیو چارو وزیرانو په ایسلند کې هم د افغانستان د کړکېچ د اوارولو په اړه خبرې کړي دي.
د امریکا د بهرنیو چارو وزیر انټوني بلیک ویلي: دواړه هېوادونه کولی شي، چې د همکاریو له لارې له کرونا وبا، د چاپېریال له بدلون سره ښه مبارزه وکړو او د ایران، شمالي کوریا او افغانستان په مسایلو همغږي رامنځته کړو.
په افغانستان کې جګړې زور اخیستی او په کابل کې د امریکا سفارت چارسمبالي راس ویلسون پر وسلوالو طالبانو تور لګولی، چې د دوحې هوکړه یې ماته کړې او تاوتریخوالی یې ډېر کړی دی. ده ویلي، چې افغان پوځونه په طالبانو پیسې ندي تللي، بلکې طالبانو پر افغان پوځونو بریدونه ډېر کړي دي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه