تازه خبرونه
په قطر کې د خپلمنځي خبرو په اړه د ملابرادر او خلیلزاد لیدنه
د افغانستان د سولې لپاره د امریکا ځانګړي استازي زلمی خلیلزاد، د امریکایي ځواکونو عمومي قومندان جنرال سکاټ میلر او ورسره پلاوي یې تېره ورځ په قطر کې د طالب مشرتابه د مرستیال ملا عبدالغني برادر او اړوند پلاوي سره د بندیانو د خلاصون او د خپلمنځي خبرو د پیل په اړه هر اړخیزې خبرې تر سره کړي دي.
د طالبانود سیاسي دفتر غړي او ویاند سهیل شاهین په یوه ټویټ کې څرګنده کړې، چې دواړو خواوو د بندیانو پر چټک خلاصون او خپلمنځي خبرو پر پیل خبرې اترې کړي دي.
د پاکستان عرب نیوز رسنۍ د یو لوړ پوړي طالب مشر د څرګندونو له مخې په ډاګه کړې، چې طالب مشرتابه د خپلمنځي خبرو پر پیلولو مثبته رایه ورکړې ده.
دغه طالب مشر، ګې نه دي غوښتي نوم یې یاد شي؛ عرب نیوز ته څرګنده کړې، چې ډېریو طالب مشرانو
د روژې مبارکې میاشتې په لیدنه کې له امریکایانو سره د هوکړې له مخې د بندیانو نه خلاصون د خپلمنځي خبرو لپاره لوی خڼد یاد کړی دی.
یادې طالب سرچینې زیاته کړې؛ د طالب مشرتابه بله ناسته به د خپلمنځي خبرو پر اجنډا وي او دېر ژر به تر سره شي.
همدارنګه د افغانستان د سولې استازي تېره ورځ په اسلام آباد کې د پاکستان له لوی درستیز جنرال جاوید باجوه سره هم لیدلي دي.
په اسلام آباد کې د امریکا سفارت ویلي، چې خلیلزاد له جنرال باجوه سره په لیدنه کې د افغانانو د خپلمنخي خبرو په اړه د اړینو ګامونو پر پورته کولو هم خبرې کړې دي.
دغه راز ویل شوي، چې دواړو خواوو په دې اړه پر وروستیو پرمختګونو؛ اختریز اوربند، د بندیانو د خلاصون پر بیا پیل او د خپلمنځي خبرو لپاره پر اورکم ډاډمنې خبرې اترې کړې دي.
د یاد سفارت د څرګندونو له مخې؛ خلیلزاد د پاکستان له لومړي وزیر عمران خان او جنرال باجوه څخه د سولې بهیر له ملاتړه مننه کړې او دواړو خواوو هوکړه کړې، چې سوله د سیمې د نښلیدو لپاره یو ښه فرصت دی، چې اړیکې ور سره پراخیږي.
د یادونې ده، چې زلمی خلیلزاد له دوحې وروسته اسلام آباد ته تلی او ټاکل شوې، چې له اسلام آباد وروسته به کابل ته هم سفر ولري او تمه ده، چې دا ځل له طالبانو او حکومت سره د هوکړې او ګډې اعلامیې له مخې د بندیانو پر خوشې کولو او د افغانانو د خپلمنځي خبرو د ځای او وخت پر معلومولو خبرې وشي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې