Connect with us

سوداگري

په هرات کې به بڼوال ۱۵۰ زره ټنه انګور راټول کړي

خپور شوی

د

 د هرات د کرنې او مالدارۍ ریاست ويلي؛ په هرات کې به بڼوال شاوخوا ۱۵۰ زره ټنه انګور راټول کړي، چې له ۶۰ سلنې ډېر یې پر ممیزو بدلېږي او بیا بهر ته صادرېږي.

د انګورو د حاصل فصل رارسېدلی او بڼوال هره ورځ لسګونه ټنه انګور بازار ته وړاندې کوي.

د هرات د کرنې ریاست څرګنده کړې، چې له ۶۰ سلنې ډېر انګور پر ممیزو بدلیږي.

د هرات د کرنې او مالدارۍ ریاست مشر حمیدالله ناصري ويلي، سږ کال د انګورو حاصلات د تېر کال په پرتله ۲۰ سلنه ډېر شوي دي.

بڼوال عصمت الله وایي: دا مهال په هرات کې بڼوال له ۷۰ ډېر ډوله انګور کري؛ خو ډېري يې په کورنيو بازارونو کې په ډېره ټيټه بيه پلورل کېږي او بهرنيو هېوادونو ته د انګورو د صادرولو زمينه نده برابره شوې.

د معیاري سړو خونو نشتوالی او د هوایي د هلیزونو بندیدل هغه څه دي، چې د هرات کروندګر یې اندېښمن کړي او وايي چې حاصل یې په مناسبه بیه نه پلورل کیږي.

د هریرود سیند په غاړو کې د ډېرو ولسوالیو بڼوال له دولس زره هکتاره زیات د انګورو بڼونه لري، چې سږ کال اټکل شوی، له دې باغونو به  ۱۵۰ زره ټنه انګور را ټول شي.

سوداگري

د افغانستان او ازبکستان ترمنځ د اوسپنې‌پټلۍ له لارې د مالونو پر لېږدولو هوکړه وشوه

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

Published

on

 

د ازبکستان د اوسپنې‌پټلۍ ادارې ویلي، چې افغانستان او ازبکستان د اوسپنې‌پټلۍ په برخه کې د همکاریو پر پراختیا او د اوسپنې‌پټلۍ له لارې د مالونو د لېږدولو د کچې پر زیاتولو هوکړه کړې ده.

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

په دې غونډه کې دواړو لوریو د اوسپنې‌پټلۍ اړیکو پر پراختیا، له شته ظرفیتونو څخه پر اغېزمنې ګټې اخیستنې او د دواړو هېوادونو ترمنځ د مالونو د لېږدولو د کچې پر زیاتولو خبرې کړې دي.

په دې لیدنه کې ویل شوي، چې سږ کال د افغانستان او ازبکستان ترمنځ د مالونو دوه‌اړخیز لېږد زیاتېدا د پاملرنې وړ ده.

د شوې هوکړې له مخې؛ ټاکل شوې، چې د نایب‌آباد تم‌ځای په ټاکلي وخت کې پراخ شي او له حیرتان څخه مزارشریف ته د مالونو رېلي لېږد منظم شي.

ویل کیږي، چې دواړو لوریو د رېل‌ګاډو د ورځني تګ راتګ د شمېر پر زیاتولو او د اوسپنې‌پټلۍ په برخه کې د افغان کارکوونکو د مسلکي زده‌کړو او وړتیا لوړولو لپاره د زمینې پر برابرولو هم هوکړه شوې ده.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

سوداگري

تاجکستان له افغانستان سره پر پوله د ګډ بازار جوړولو غوښتنه وکړه

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

Published

on

 

د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.

د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.

دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.

Continue Reading
Advertisement

Trending

Copyright © 2026 Ariana News. All rights reserved!