سوداگري
په هېواد کې اقتصادي ځانبسیاینې لپاره صنعتي انقلاب اړین دی – عزیزي
د صنعت اوسوداګرۍ وزارت چارواکي وايي؛ د هېواد پر کرنه اوصنعت بشپړ راڅرخېدل پیل شوي او تر هغې به افغانستان ځانبساینې ته ونهرسیږي، چې صنعتي انقلاب پيل نهشي.
د صنایعو او کانونو خونې مسوولینو ويلي، که د حکومت لخوا يي ملاتړ پراخ شي؛ خصوصي سکتور چمتو دی، چې د هېواد د صنعتي کولو لپاره نوره پانګونه هم وکړي.
د صنعت او سوداګرۍ وزارت مسوولینو په دې غونډه کې د صنعتي پراختیا لپاره له پوره پاملرنې خبر ورکړ.
د صنعت او سوداګرۍ وزارت چارسمبالي ويلي؛ ترهغې، چې په هېواد کې صنعتي او اقتصادي انقلاب رامنځته نهشي هېواد به اقتصادي ځانبسیاینې ته ونهرسیږي.
د صنعت او سوداګرۍ وزارت چارسمبالی نورالدین عزیزي وایي: اسلامي امارت ژمن دی، چې د خپل هېواد له اقتصادي سنګروالو او کورنیو تولیداتو څخه کلک ملاتړ وکړي. باوري اوسئ، چې مونږ خپلې تولیدي پراختیا ته ژمن یوو.
هغه له ټولوهغو پانګوالو غوښتنه وکړه، چې په افغانستان کې پانګونه وکړي او د هېواد په اقتصادي کچه کې خپل رول ادا کړي.
نورالدین عزیزي له خصوصي سکتور بشپړ ملاتړ په ډاګه کړ او په دې اړه وایي: مونږ په ډاګه دا خبره کوو، چې د خپل خصوصي سکتور هرډول ملاتړ ته ژمن یوو او دا لړۍ به همداسې پراخه ساتو.
دغه راز د اقتصاد وزارت مرستیال هم وايي، چې په هېواد کې ورځ تر بلي مثبت اقتصادي تعاملات مخ پر زیا تېدو دي او له خصوصي سکتور سره هرډول همکارۍ ته پوره چمتوالي لري.
د اقتصاد وزارت مرستیال عبدالطیف نظري وایي: مونږ خصوصي سکتور ته د هېواد په اقتصاد کې د یوه قوي همکار پر سترګو ګورو او چمتو یوو، چې د هېواد په اقتصادي ځانبسیاینه کې د خصوصي سکتور ونډه زیاته کړو.
د صنایعو او کانونو خونې مسوولینو هم ويلي؛ که د کورنیو تولیداتو او صنعتکارانو ملاتړ زیات شي، نو د هېواد د اقتصاد سنګروال نورې پانګونې ته هم چمتوالي لري.
د صنایعو او کانونو خونې مرستیال سخي احمد پیمان وایي: د اسلامي امارت لخوا د هېواد له تولیداتو څخه تر ډېره ملاتړ شوی؛ خو که دا بهیر نور هم پراخ شي، خصوصي سکتور به د هېواد د تولیدي کولو په برخه کې نوره پانګونه هم وکړي.
د سوداګرۍ او پانګونې خوني مسوولینو هم د کورنیو تولیداتو په پراختیا کې د حکومت، ملت او خصوصي سکتور پر همکارۍ او ګډ مسولیت ټینګار کوي.
د سوداګرۍ او پانګونې خونې غړی خان جان الکوزی وایي: حکومت، ملت او خصوصي سکتور باید له کورنیو تولیداتو پېر و پلور ولري او خصوصي سکتوريي پر لوړ کیفیت تولید کړي، شته ستونزي حل شي.
د اوسپنې د ویلي کولو فابریکو ټولني اجرائیه رییس عبدالنصیر رشتیا وایي: په هېواد کې د اوسپنې په سکتور کې نږدې ۴۰ کارخونې هڅې لري، چې د اومه توکو له کمښت سره مخ دي. هیله ده، چې حکومت د اوسپنې کانونو ځیني قراردادونه کورنیو تولیدونکیوته ورکړي.
دولتي او خصوصي سکتور غړیو دا څرکندونې په هېواد کې د اوسپنې ویلي کولو د یوې کارخونې د پرانیستلو د غونډې پرمهال وکړي. دا کارخونه د لس میلیو ن امریکايي دالرو پر ارزښت جوړه شوې او نږدې ۷۰۰ هېوادوالو ته يي د کار زمینه برابره کړې ده.
سوداگري
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
د ازبکستان او پاکستان د بهرنیو چارو وزیرانو د ازبکستان، افغانستان او پاکستان د اوسپنې پټلۍ پروژې پر ژر عملي کېدو ټینګار کړی دی.
د پاکستان د بهرنیو چارو وزیر له خپل ازبک سیال بختیار سیدوف سره په لیدنه کې د ازبکستان، افغانستان او پاکستان یا افغان ټرانس اوسپنې پټلۍ پروژې د چټکتیا غوښتنه کړې ده.
د دې وزارت خبرپاڼې له مخې؛ په دې ليدنو کې د دوه اړخيزو سوداګريزو اړيکو د پراختيا، د پانګونې او مخابراتي پروژو په اړه بحثونه وشول.
په خبرپاڼه کې راغلي، چې دواړو لوریو د “افغان ټرانس” پروژې عملي کېدل د سیمې د هېوادونو پر ګټه وګڼل او څرګندوي، چې دا پروژه به د جنوبي او مرکزي آسیا ترمنځ د سوداګرۍ پر لنډې او ډاډمنه لار بدله شي.
په دې کتنه کې د ازبکستان د بهرنیو چارو وزیر د افغان ټرانس اوسپنې پټلۍ پروژې د ژر تر ژره عملي کېدو لپاره د هڅو پر چټکتیا ټینګار څرګند کړ.
د پاکستان بهرنیو چارو وزارت اعلان کړی، چې د دغه هېواد د بهرنیو چارو وزیر په اسلامآباد کې له خپل ازبک سیال بختیار سیدوف سره په کتنه کې د ازبکستان، افغانستان او پاکستان د اوسپنې پټلۍ پروژې د چټکتیا غوښتنه وکړه. دواړو لوریو د “افغان ټرانس” پروژې پلي کېدل د سیمې د هېوادونو په ګټه وګڼل.
د دغې خبرپاڼې له مخې؛ د پاکستان بهرنیو چارو وزیر محمد اسحاق ډار د ازبکستان د بهرنیو چارو له وزیر بختیار سیدوف سره د پراخو دوه اړخیزو سوداګریزو اړیکو، پانګونې، امنیت، د خلکو تر منځ د اړیکو او ارتباطي پروژو پر ټولو اړخونو خبرې وکړې او د ازبکستان د ژر تر ژره تطبیق لپاره یې د افغانستان او پاکستان د اوسپنې پټلۍ پر پروژې ټینګار وکړ.
له دې مخکې د ازبکستان چارواکو داسې ټینګار کړی و: د افغانستان له لارې د اوسپنې پټلۍ، چې منځنۍ آسیا د افغانستان له لارې له پاکستان سره نښلوي، د ۲۰۲۷ کال تر پایه بشپړه شي.
تمه ده، چې دا ۷۶۰ کیلومټره د اوسپنې پټلۍ به د ازبکستان او پاکستان ترمنځ د کارګو د لېږد وخت هم راکم کړي. د “افغان ټرانس” پروژې یوه بله ګټه د توکو د لېږد رالېږد په لګښت کې ۴۰ سلنه کموالی دی.
اقتصادي شنونکي شبیر بشیري ویلي؛ د ازبکستان، افغانستان او پاکستان ترمنځ د اوسپنې پټلۍ جوړول د سیمې د هېوادونو ترمنځ د سوداګریزو او اقتصادي اړیکو په پراخولو او اسانتیا کې اغېزمن رول لري.
د يادونې وړ ده، چې د افغانستان، پاکستان او ازبکستان تر منځ د اوسپنې پټلۍ د جوړولو پلان په ۲۰۱۸ کال کې طرحه شو، چې څه باندې څلور نيم ميليارډ ډالر لګښت لري. په دې وروستیو کې اسلامي امارت ویلي، چې قطر هم د دې پروژې مالي ملاتړ اعلان کړی دی.
سوداگري
د تاتارستان سوداګر په افغانستان کې پر تېلو او ګازو پانګونې ته لیواله شول
د کانونو او پټرولیم وزارت ویلي، چې د دې وزارت چارسمبالي شهاب الدین دلاور په کابل کې د تاتارستان جمهوریت له یو شمېر سوداګرو، د تېلو او ګازو د پروسس کمپنیو له استازو سره وکتل.
د تاتارستان سوداګرو د کانونو او پټرولیم وزارت له رهبرۍ سره په لیدنه کې د تېلو او ګازو د استخراج او پروسس په برخه کې د خپلو کاري تجربو په اړه د معلوماتو وړاندې کولو ترڅنګ ویلي، چې افغانستان پر یو منظم سیسټم سربېره د بشپړ امنیت درلودونکی دی او د پانګونې لپاره په کې ښه زمینه برابره شوې ده. دوی وایي؛ زمونږ کمپنۍ لیواله ده، چې د افغانستان د تېلو او ګازو د سروې، اکتشاف او استخراج په برخه کې پانګونه وکړي.
د کانونو او پټرولیم وزارت چارسمبالي د دوی د پانګونې له لیوالتیا هر کلی کړی او وایي، چې له نېکه مرغه افغانستان په بېلابېلو برخو کې د تېلو او ګازو پراخې زېرمې لري، چې په ځانګړي توګه اوس د هرات ولایت د تېلو او ګازو بلاکونه هم اعلان ته سپارل د تاتارستان مسلمان هېواد سوداګر هم کولی شي د هېواد د تېلو او ګازو په زېرمو کې پانګونه وکړي او دا وزارت به د خپلو اړوند قوانینو له مخې پوره همکاري وکړي.
دا په داسې حال کې ده، چې نوموړي نن په کابل کې د ټاپي پروژې له اجرائیوي رییس او مل پلاوي سره د دې پروژې پر بېلابېلو خواوو هم بحث او خبرې کړې دي.
سوداگري
افغان – ترکمن شرکتونو د ودانیزو او خوراکي توکو تړونونه لاسلیک کړل
د افغانستان صنایعو او سوداګرۍ وزارت څرګنده کړې، چې د افغانستان او ترکمنستان شرکتونو د ودانیزو او خوراکي توکو په ګډون له ۱۰ ډېر تړونونه او دوه هوکړهلیکونه لاسلیک کړي دي.
دغه تړونونه هرات ولایت ته د ترکمنستان د سوداګرو پلاوي د سفر پر مهال د صنعت او سوداګرۍ وزارت د چارسمبالي نورالدین عزیزي په حضور کې لاسلیک شوي دي.
د صنایعو او سوداګرۍ وزارت د خبرپاڼې له مخې؛ نورلدین عزیزي د دغو تړونونو د لاسلیک په مراسمو کې څرګنده کړې: د افغانستان او ترکمنستان ترمنځ د سوداګریزو او اقتصادي اړیکو د پراختیا لپاره تر ټولو ښه فرصت برابر شوی، چې دواړه لوري باید پوره ګټه ترې پورته کړي.
د صنایعو او سوداګرۍ وزارت په خبرپاڼه کې راغلي؛ یاد تړونونه ترکمنستان ته د دغه وزارت د چارسمبالي د سفر او د ترکمنستان له ملي رهبر قربانقلي بردي محمدوف سره د کتنې په پایله کې لاسلیک شوي دي.
له دې مخکې د ترکمنستان دې پلاوي ویلي وه، چې د دوی موخه د دواړو هېوادونو د خصوصي سکټورونو ترمنځ د اقتصادي اړیکو پراخول دي؛ نو هڅه کوي هر کال له افغان صنعتکارانو څخه سلګونه ټنه ودانیز توکي لکه سیخ، رنګ او مرمر ډبرې واخلي.
-
تازه خبرونه3 days ago
د پاکستان خاوره د افغانستان پر ضد کارول کیږي
-
نړۍ3 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه3 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
نړۍ5 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی2 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه3 days ago
په بدخشان ولایت کې ماین چاودنې ۸ کسانو ته مرګ او ژوبله اړولې