تازه خبرونه
په کابل کې د المان سفیر وايي چې ټول غیر قانوني کډوال په المان کې نه منل کېږي
مارکوس پوستل وايي چې غيرقانوني کډوال به په زور وويستل شي.زياتوي چې دوی به له ترکيېسره د مخابراتي اطلاعاتو په شریکولو سره د غیر قانوني کډوالو مخه ونیسي چې د سمندر له لارې المان ته ځي. د المان سفیر دغه راز د افغان دولت او طالبانو تر منځ د سولې کېدونکو خبرو ته خوښ دی.
په کابل کې د المان سفیر مارکوس پوستل له اریانانیوز سره ځانګړې مرکه کې بهر ته په لوی شمېر کې د افغانانو مهاجرت پر حکومت بې باوري، اقتصادي او امنیتي ستونزې او د قاچاق وړونکو اوازې بولي.
د المان سفیر دغه راز وایي چې دوی نه شي کولای ټول افغان پناه غوښتونکي ومني. دی خبرداری ورکوي چې که افغان کډوال په خپله خوښه افغانستان ته را نه شي، دوی به یې په جبري توګه وباسي.
په افغانستان کې د المان سفیرمارکوس پوستل وايي: “هغه څوک چې په غیر قانوني توګه المان ته راځي موږ پیسي نه ورکوو هغه څوک دې المان ته راشي چې له تاوتریخوالي او خطرناکو پیښو سره مخامخ وي چې دا ډېر کم شمېر خلک دي چې ډېر شمېر کډوال د دې حق نه لري چې په المان کې پاتي شيښاغلی پوستل له ایران او ترکیي غواړي چي د غیرقانوني کډوالو په اړه خپلې پولې کنټرول کړي. هغه وايي چې دې برخه کې له ترکيې سره خپله همکاري پیل کړي.”
مارکوس پوستل زیاتوي:”مدیترانې سمندر ته د کښتیو لېږدول د اطلاعاتو د راټولو په موخه او بیا ترکیی ته معلومات ورکول او د دغو فعالتونو او معلوماتو له مخې د غیرقانونی کډوالو مخه نیسو.”
د المان سفیر مني چې په افغانستان کې د طالبانو تر څنګ پاکستانی،چینایي،تاجکستاني او نورې ترهګرې ډلې د افغان ځواکونو پر وړاندې جنګېږي خودې ته خوښ دی چې له طالبانو سره د سولي خبرې اترې به مثبته پایله ولري.
مارکوس پوستل وويل:”امریکا او چین پر پاکستان اغېز لري ترڅو طالبان د سولې خبرو اترو ته حاضر کړي د بحران د له منځه وړلو له پاره پوځي هڅې د حل لاره نه ده طالبان هم دغه ټکي ته رسېدلي چې خبرو اترو ته حاضر شي.”
دالمان دسفیر په وینا په تېر یو کال کې ۱۵۴ زره افغان کډوال په داسې حال کې المان ته تللي چې تر دې وړاندې یو میلیون افغان کډوال هلته اوسېدل.
خبريال: عبدالعزیز کریمي
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه