Connect with us

تازه خبرونه

په کابل کې د طبیعي پېښو له قربانیانو سره د مرستو راټولولو کنفرانس جوړ شو

خپور شوی

د

د افغانستان اسلامي امارت د بهرنیو چارو وزارت د پنجشنبې پر ورځ په کابل کې د وروستیو طبیعي پېښو له زیانمنو سره د مرستې په موخه نړیواله غونډه جوړه شوه.

د بهرنیو چارو وزارت وزیر وايي؛ افغانستان د طبیعي پېښو له قربانیانو سره کافي امکانات نلري. له اړمنو سره د مرستې لپاره ۳۲۲ میلیون دالرو ته اړتیا ده.

نوموړي څرګنده کړې؛ په هېواد کې د وروستیو طبیعي پېښو انساني او مالي زیانونه ډېر دي او زیانمن شوي کسان تر بل هر وخت د هېوادونو او نړیوالو مرستندویه بنسټونو مرستو او ملاتړ ته اړتیا لري.

امیر خان متقي ټینګار کړی، چې اسلامي امارت د وروستیو طبیعي پېښو له قربانیانو سره د مرستې توان نلري او له نړۍ څخه د همکارۍ غوښتنه کوي.

مقتي په دې غونډه کې د افغانستان د کنګل شوې شتمنۍ د آزادېدو غوښتنه وکړه او ترڅنګ یې د پانګونې پر جلبولو هم ټینګار وکړ.

له کړکېچ څخه د افغانستان د وتلو لپاره د پراختیايي مرستو بیا پیلول د دې غونډې یوه بله غوښتنه ده.

د اسلامي امارت یو شمېر چارواکي وايي، بشري مرستې کافي ندي او دا مرستې باید له سیاسي مسئلو اغېزمنې نشي.

په دې غونډه کې د خپاره شوي راپور پر بنسټ، د افغانستان دولتي ادارې د سړکونو د جوړولو، د اوبو رسولو د پروژو، د دایمي او موقتي سرپناه، د کورونو د بیارغونې، د برښنا رسولو پروژې، د کروندګرو لپاره د اصلاح شویو تخمونو د وېش، د میوه لرونکیو او غیر میوه لرونکیو نیالګیو، د بندونو جوړولو، د روغتیايي کلینیکونو د جوړولو، د ناروغیو د مخنیوي، د خوراکي او غیر خوراکي مرستو او داسې نورو په برخه کې ۳۲۲  میلیون دالرو ته بیړنۍ اړتیا لري.

د عامې روغتیا وزارت سرپرست قلندر عباد وایي: مونږ دا شیان له خپلو نړیوالو شریکانو څخه د مرستې په توګه غواړو، د اغېزمنو ډلو لپاره لومړنۍ او مؤثره مرستې، زمونږ نړیوال شریکان باید د روغتیا وزارت سره په تخنیکي او لوژستیکي برخو کې همکاري وکړي. همدارنګه د لومړنیو او بېړنیو مرستو، روغتیا وزارت. دا د امبولانس شبکې ته اړتیا لري، چې د اړتیا په صورت کې وکارول شي.

په دې غونډه کې د نړیوالو مرستندویه مؤسسو لخوا د افغانستان له خلکو سره د بشري مرستو پر دوام ټینګار وشو.

د ملګرو ملتونو د معلوماتو له مخې؛ په افغانستان کې سېلابونو ۱۲۰ زره کسان زیانمن کړي او د یادونې وړ ده، چې ۵۶ سلنه طبیعي پېښې د افغانستان په ختیځ کې رامنځته شوې دي.

په افغانستان کې د ملګرو ملتونو د بشري مرستو د همغږۍ دفتر وايي، په افغانستان کې د وروستیو سېلابونو له کبله له ۱۱۰ زرو ډېر کسان اغېزمن شوي دي.

د اوچا د څرګندونو له مخې؛ د سېلابونو ۵۶ سلنه پېښې او له درې یوه برخه اغېزمنه کورنۍ د افغانستان په ختیځ کې ثبت شوې دي.

د افغانستان لپاره د ملګرو ملتونو د سرمنشي د ځانګړي استازي مرستیال رامیز الاکبروف وایي: مونږ د کال په لومړیو شپږ میاشتو کې له نږدې دوه میلیون زیانمنو کسانو سره مرسته کړې. دارنګه د خواړو نړیوالې ادارې د کال له پیله تر اوسه څه د پاسه له شل میلیون خلکو سره مرسته شوي او د روغتیا نړیوال سازمان له اووه میلیون کسانو سره روغتیايي مرستې کړې دي. ترڅنګ یې درې اعشاریه شپږ میلیون ماشومان، چې عمرونه یې له پېنځه کلونو کم دي هم له لومړنیو مرستو څخه برخمن شوي.

په افغانستان کې د یونیسف استازي ویلي؛ مونږ په افغانستان کې ښځو ته د بشري مرستو رسول روان ساتو. مونږ دغه راز د سرپرست حکومت له چارواکو غواړو، چې د دې بهیر د دوام لپاره د مرستندویه موسسو له کارکوونکیو سره همکاري وکړي.

د افغانستان د یو شمېر ګاونډ هېوادونو استازیو هم په دې غونډه کې له افغانانوسره  د خپلو هېوادونو پر ملاتړ ټینګار وکړ. په تېر یوه کال کې افغانستان د نورو ستونزو ترڅنګ طبیعي پېښو ځپلی  او د دې ستونزې په پایله کې سلګونه کسان مړه او ژوبل شول، زرګونه کورونه ویجاړ شول، سلګونه څاروي له منځه ولاړل او زرګونه جریبه کرنیزه ځمکه ویجاړه شوه او همداراز ټولګټو تأسیساتو ته هم زیان واوښت.

تازه خبرونه

سویډن د افغانستان د پخواني سفیر د پناه غوښتنه رد کړه؛ امریکا ته یې د لېږلو هڅه کوي

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

Published

on

 

د فرانسې« لومونډ» ورځپاڼې راپور ورکړی، چې سویډن په دې هېواد کې د افغانستان د پخواني سفیر عباس نویان د پناه غوښتنه رد کړې او غواړي هغه امریکا ته ولېږدوي.

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

د« لومونډ» د راپور له مخې، نویان اوس له معتبر اقامتي اسنادو پرته له خپلې مېرمنې سره د سویډن په جنوبي ښار هلسینګبورګ کې ژوند کوي او د ایستلو له ګواښ سره مخ دی.

نویان په سویډن کې د افغانستان د سفیر له ټاکل کېدا مخکې له ۲۰۰۵ز.کال څخه تر ۲۰۱۰ ز.کال پورې په کابل کې د افغانستان د پارلمان د غړي دنده ترسره کړې وه.

نوموړی له پارلماني دندې مخکې په امریکا کې هم اوسېدلی دی.

#آریانا‌نیوز #افغانستان #سویډن #عباس‌نویان #پناه‌غوښتنه #امریکا

Continue Reading

تازه خبرونه

افغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

Published

on

 

افغانان نن( پنجشنبه د لړم اته‌ویشتمه / د نومبر نولسمه) په ملګرو ملتونو کې د خپل رسمي غړیتوب اتیایمه کلیزه نمانځي. افغانستان په ۱۹۴۶ز. کال کې د ملګرو ملتونو غړی شوی دی.

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

په تېرو اتیا کلونو کې افغانستان له پراخو سیاسي بدلونونو سره-سره خپل غړیتوب ساتلی؛ خو په ملګرو ملتونو کې د افغانستان د استازولۍ د څوکۍ پر سر اوس هم اختلاف روان پاتې دی.

په دې اته لسیزو کې افغانستان له پراخو سیاسي بدلونونو سره ـ سره په ملګرو ملتونو کې له شاهي نظام له پای ته رسېدا او د شوروي اتحاد له یرغل څخه نیولې تر کورنیو جګړو، د اسلامي امارت د دوه پېره واکمنۍ او د ۲۰۲۱ز.کال د اګست پر مهال د جمهوري نظام تر سقوط پورې خپل غړیتوب ساتلی دی.

په دې موده کې افغان ډیپلوماټانو د سولې، امنیت، پراختیا او بشري حقونو په اړه په نړیوالو ناستو او خبرو کې ونډه اخیستې ده. په دې لړ کې عبدالرحمن پژواک له ۱۹۵۸ز.کال څخه تر ۱۹۷۹ز.کال پورې په ملګرو ملتونو کې د افغانستان دایمي استازی و او په ۱۹۶۶ز. کال کې د دې ټولنې د عمومي غونډې د یوویشتمې غونډې د مشر په توګه وټاکل شو. همدارنګه عادله راز په ۲۰۱۹ز.کال کې د افغانستان لومړنۍ ښځینه دایمي استازې شوه. ثریا دلیل هم له ۲۰۱۵ څخه تر ۲۰۱۹ز. کال پورې په ژنیو کې د افغانستان دایمي استازې وه.

د ۲۰۲۱ز.کال د اګست له سیاسي بدلونونو وروسته په ملګرو ملتونو کې د افغانستان د استازولۍ موضوع نوي پړاو ته دننه شوه؛ غلام‌محمد اسحاق‌زي، چې هغه مهال د افغانستان دایمي استازی و د جمهوري نظام له سقوط وروسته په لومړیو میاشتو کې پر خپله دنده پاتې و او وروسته نصیراحمد فایق د ۲۰۲۱ز.کال په ډسمبر کې د افغانستان د استازولۍ چارسمبالي شو. په ژنیو کې هم نصیراحمد اندیشه د افغانستان پر استازیتوب خپلې هڅې روانې ساتلې دي.

اسلامي امارت په ملګرو ملتونو کې د افغانستان څوکۍ خپل استازي ته د سپارلو غوښتنه وکړه؛ خو د ملګرو ملتونو د عمومي غونډې د اعتبارلیکونو کمیټې تر اوسه د سیالو اعتبارلیکونو په اړه وروستۍ پرېکړه نه‌ده کړې او د تېر حکومت له‌خوا معرفي شوي استازي اوس هم د افغانستان د استازولۍ په څوکۍ کې پاتې دي.

دغه راز په ملګرو ملتونو کې د افغانستان د رایې حق له ۲۰۲۴ز.کال راپدېخوا د کلني غړیتوب د فیس د نه‌ورکړې له کبله ځنډول شوی دی. د افغانستان اوسنۍ استازولۍ د اسلامي امارت مالي سرچینو ته لاسرسی نه‌لري او د دغه هېواد د غړیتوب د پاتې پورونو ورکړه هم نه‌ده حل شوې.

ملګري ملتونه او د هغوی اړوند بنسټونه هم د افغانستان په بېلابېلو برخو کې فعالیت کوي.

دغه بنسټونه د بشري مرستو، روغتیا، زده‌کړو، پراختیا، بشري حقونو او د نړیوالو مرستو د همغږۍ په برخو کې کار کوي. په افغانستان کې د ملګرو ملتونو د مرستندویه پلاوي( یوناما) ماموریت په ۲۰۰۲ز.کال کې رامنځته شو او اوس هم د سیاسي تعامل، د بشري حقونو د وضعیت د څارنې او له نړیوالو شریکانو سره د همغږۍ په برخو کې فعالیت کوي.

په ملګرو ملتونو کې د افغانستان د غړیتوب له ۸۰ کلونو تېرېدا سره – سره اوس هم افغانستان د دې ټولنې غړی دی؛ خو د اوسني حکومت د استازولۍ او په عمومي غونډه کې د افغانستان د رایې حق موضوعات له هغو ناحل شویو ننګونو څخه دي، چې د افغانستان او دې نړیوال بنسټ ترمنځ په اړیکو کې پاتې دي.

#آریانا‌نیوز #افغانستان #ملګري‌ملتونه #غړیتوب #یوناما #اسلامي‌امارت #استازولي #بشري‌حقونه

Continue Reading

تازه خبرونه

اسلامي امارت په افغانستان کې د داعش خراسان د پیاوړتیا په اړه د ملګرو ملتونو اندېښنه رد کړه

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

Published

on

 

د اسلامي امارت ویاند ذبیح‌الله مجاهد په افغانستان کې د داعش خراسان د وړتیاوو د زیاتېدا په اړه د ملګرو ملتونو د چارواکو اندېښنه رد کړې او دغه اندېښنې یې پر ناسمو معلوماتو ولاړې بللې دي.

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

د اسلامي امارت دغه غبرګون له هغې وروسته څرګند شوی، چې د ترهګرۍ پر وړاندې د مبارزې په چارو کې د ملګرو ملتونو د سرمنشي مرستیال الکساندر زویوف د داعش خراسان د وړتیاوو د زیاتېدا او پرمختللو تجهیزاتو ته، چې بې‌پیلوټه الوتکې هم په کې دي؛ د داعش د لاسرسي په اړه اندېښنه څرګنده کړې وه.

Continue Reading
Advertisement

Trending

Copyright © 2026 Ariana News. All rights reserved!