تازه خبرونه
په کابل کې د کور پر کور عملیاتو پر مهال څه نا څه ۳۰۰ کسان نیول شوي
د خیرخانې د ۳۱۵ اړوند سیمې اوسیدونکیو ویلي؛ امنیتي ځواکونو د شنبې پر ورځ د کورونو د پلټنې په عملیاتو کې له ۲۸۰ ډېر کسان ونیول، چې ځینې یې د ترهګرو ډلو غړي او وسلوال غله دي.
د شنبې شپه نیمایي ته رسېدلې وه، چې یو ناڅاپه د کابل د یوولسمې حوزې د ۳۱۵ او خیرخانې د نوې پروژې اړوند سیمې کوڅې او کوڅه ګۍ د امنیتي ځواکونو لخوا محاصره شوې او بیا په کې د خلکو د تګ راتګ مخه هم ونیول شوه.
د دغې محاصرې موخه د چارواکو د څرګندونو له مخې د ترهګرو ډلو او وسلوالو غلو نیول یاد شول، چې په دې سیمه کې پټ شوي وه.
د اړوند سیمې اوسیدونکيو زیاته کړې، چې د امنیتی ځواکونو عملیات ۱۸ ګړۍ روان وساتل شول او د تروریستي ډلو د غړیو او وسلوالو غلو په ګډون یې ۲۸۰ کسان ونیول.
دوی وايي، چې له اوږدې مودې راپدیخوا د ترهګرو ډلو او وسلوالو غلو په ګډون یو شمېر خلک د خیرخانې د ۳۱۵ سیمې د شتل، پریان، شش دکان او سادات کوڅې په اړوند سیمو کې ځای پر ځای شوي وه، چې په ۱۸ ګړیزو عملیاتو کې ونیول شول.
که څه هم کورنیو چارو وزارت د نیول شویو کسانو د شمېر په اړه څه نه وایي؛ خو تائیدوي، چې د دې وزارت د یو نوي پروګرام له مخې د ترهګریزو بریدونو د مخنیوي لپاره کور پر کور پلټنه پیل شوې، چې پیل یې د خیرخانې د ۳۱۵ له اړوند سیمې وشو او په دې عملیاتو کې څو کسان له مهماتو او چاودیدونکیو توکو سره ونیول شول.
د ولسمشر لومړي مرستیال هم د یکشنبې پر ورځ د سهار د ۶:۳۰ په امنیتي ناسته کې ویلي، چې د خیرخانې په اړوند سیمه کې د کور پر کور لټون پر مهال هیڅ یو بهرنی وګړی ندی نیول شوی؛ خو نیول شوي کسان تر څېړنې لاندې دي، چې پر تښتونو او وژنو شک پرې شته.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه