Connect with us

نړۍ

په یمن کې د مالي مرستو د وېش پر وخت ۷۸ کسان مړه شول

خپور شوی

د

(Last Updated On: وری ۳۱, ۱۴۰۲)

عیني شاهدانو او حوثي رسنیو د پنجشنبې پر ورځ په ډاګه کړې؛ د یمن د پلازمېنې صنعا په یوه ښوونځي کې سلګونه کسان د مرستو د ترلاسه کولو لپاره راټول ول، چې د ګڼه ګوڼې پر وخت لږ تر لږه ۷۸ کسان مړه شول.

د المسیره تلویزیون، چې د ایران پر ملاتړ د حوثي غورځنګ لخوا خپرزونې لري؛ په صنعا کې د روغتیایي چارواکو د څرګندونو له مخې ۱۳ کسانو له ټپي کېدو خبر ورکوي، چې روغتیایي حالت یې د اندېښنې وړ دی.

د حوثي یاغیانو تر څارنې لاندې د کورنیو چارو وزارت ویاند څرګنده کړې، چې د روژې د مبارکې میاشتې په وروستیو ورځو کې د سوداګرو لخوا د خیریه مرستو د وېش پر مهال ګڼه ګوڼه رامنځته شوه.

دوه عیني شاهدانو رویترز ته ویلي، چې د ژغورنې په هڅو کې ښکېلو دوه عیني شاهدانو رویترز ته ویلي، چې په سلګونه خلک د مرستې د ترلاسه کولو لپاره یوه ښوونځي ته ورغلي وه، چې پېنځه زره یمني ریال یا د هر کس شاوخوا نهه دالره وېشل کېدل.

د کورنیو چارو وزارت ویلي، دوه سوداګر، چې د بسپنې د غونډې د تنظیمولو مسوول ول، نیول شوي او پلټنې ترې روانې دي.

یمن په اته کلنه کورنۍ جګړه کې ښکېل هېواد دی، چې لسګونه زره خلک یې وژل شوي، اقتصاد یې ویجاړ کړی او میلیونونه یې د لوږې تر کرښې اړ کړی دی.

د سعودي پر مشرۍ ائتلاف په ۲۰۱۵ کال کې وروسته له هغې په یمن کې مداخله وکړه، چې حوثي یاغیانو په ۲۰۱۴ کال کې له پلازمېنې صنعا څخه حکومت ړنګ کړ. دغې جګړې ته په پراخه کچه د سعودي عربستان او ایران ترمنځ د نیابتي جګړې په سترګه کتل کېږي.

د حوثي یاغیانو د انقلابي کمیټې مشر محمد علي الحوثي ویلي، چې د اضطراب پېښې د یمن خلک له اته کلنې جګړې وروسته د «تر ټولو بد نړیوال بشري بحران» سره مخ دي.

ریاض او تهران د مارچ په میاشت کې موافقه وکړه چې په ۲۰۱۶ کې د دیپلوماتیکو اړیکو بیا رغونه وکړي او پدې میاشت کې د دواړو خواوو ترمنځ د بندیانو تبادلې د شخړې د اواري لپاره هیلې زیاتې کړې.

د یمن د حوثي غورځنګ لوړپوړي مذاکره کوونکي ویلي، له سعودي عربستان سره د سولې په وروستیو خبرو کې پرمختګ شوی او د پاتې اختلافاتو د حل لپاره به نورې خبرې هم وشي.

نړۍ

د فلسطین پر رفح ښار اسرائیلي ځواکونو د ځمکنيو بریدونو ګواښ وکړ

Published

on

(Last Updated On: غویی ۶, ۱۴۰۳)

د چارشنبې پر ورځ (د غویی پېنځمه) د غزې د شمالي سیمو بمبارډ څو اوونیزه نسبي چوپتیا پای ته ورسوله او اسرائیلي حکومت اعلان وکړ، چې د رفح پر اړوند سیمه به پراخ ځمکنی برید ترسره کړي.

د اسرائیلو د لومړي وزیر بنیامین نتانیاهو یوه ویاند ویلي؛ اسرائیل په رفح کې د ځمکنیو عملیاتو لپاره د خپل پلان د پلي کولو پړاوونه وهي، خو د برید ټڼاکلی مهالوېش یې وړاندې نکړ.

د امريکا په ګډون لویديځو هېوادونو، چې د اسرائيلو تر ټولو نږدې متحدین دي له دغه هېواده پر رفح، چې د غزې له نيمايي د ډېرو وګړيو دوه ميليون او درې سوه زره خلکوته یې پناه ورګړې؛ له بريده ډډه وکړي.

د سپینې ماڼۍ د ملي امنیت سلاکار جیک سالیوان ویلي، واشنګټن اوس هم د رفح په اړه له اسرائیلو سره پر خبرو بوخت دی او تمه ده، چې د دواړو هېوادونو چارواکي به ډېر ژر پر دې موضوع یو ځل بیا مخامخ خبرې وکړي.

د اسرائیلو یوه لوپوړي دفاعي چارواکي د نوم نه ښودلو پر شرط رویټرز خبري آژانس ته ویلي، چې اسرائیل د رفح له حملې مخکې د ملکي وګړو د ایستلو لپاره چمتووالی نیولی دی.

هغه زیاته کړې: یوازې یو شی پاتې دی، چې نتانیاهو د برید امر وکړي.

د غزې په تړانګه کې، چې د حماس تر کنټرول لاندې ده؛ د روغتیايي چارواکو ویلي؛ تر اوسه په دې جګړه کې، چې اوومه میاشت یې روانه ده له ۳۴ زرو ډېر فلسطینیان وژل شوي دي.

د غزې روغتیا وزارت هم ویلي، چې د تېرو ۲۴ ساعتونو په بریدونو کې لږ تر لږه ۷۹ فلسطینیان وژل شوي او ۸۶ نور دي.

Continue Reading

نړۍ

د مالیزیا بحري ځواکونو د چورلکو په ټکر کې ۱۰ کسان مړه شول

Published

on

(Last Updated On: غویی ۴, ۱۴۰۳)

د مالزیا بحري ځواکونو د خبرپاڼې له مخې؛ د سې شنبې پر ورځ ( د غویی څلورمه ) د مالیزیا د بحري ځواکونو دوه چورلکې د روزنیزو هڅو پر مهال په هوا کې ټکر شوي، چې په کې سپاره ټول ۱۰ کارکوونکي مړه شوي دي.

د دغه هېواد بحري ځواکونو ویلي؛ پېښه د سې شنبې پر سهار ۹:۳۲ د لویدیځ ایالت پراک د لوموت په بحري اډه کې رامنځته شوې ده.

رویټرز د مالیزیا د بحري ځواکونو د څرګندونو له مخې راپور ورکړی، چې ټول زیانمن کسان د پېښې په ځای کې مړه شوي او د لوموت بحري اډې پوځي روغتون ته د پېژندلو لپاره لېږدول شوي دي.

په سیمه ییزو رسنیو کې خپره شوې ویډیو ښیي؛ ښکاري، چې څو چورلکې په هوا کې الوتنې کوي. مخکې له دې، چې دواړه چورلکې ځمکې ته راکښته شي؛ د چورلکې روټور بله هغه پرې کړه.

سیمه‌ییزو پولیسو تائید کړې، چې ویډیو رښتینې ده.

رویټرز راپور ورکړی، چې سمندري ځواکونو ویلي؛ دوی به د پېښې د علت په اړه څېړنې کړې دي.

د مالیزیا دفاع وزیر محمد خالد نوردین ویلي؛ دا چورلکې یوه بحري عملیاتو او یوه فینیک پوځي چورلکې دي، چې د مالیزیا د شاهي بحري ځواکونو د نوي‌یمې کلیزې د لمانځلو لپاره یې روزنیزې هڅې کولې، چې ټاکل شوې د شنبې پر ورځ ترسره شي.

محمد خالد خبریالانو ته ویلي؛ د چورلکو مړه شویو کارکوونکیو د پېژندنې د تائید لپاره هڅې روانې دي، چې عمرونه یې له ۴۰ کلونو ټيت ول.

Continue Reading

نړۍ

د جاپان دوه پوځي چورلکې بحر ته وغورځېدې

Published

on

(Last Updated On: غویی ۲, ۱۴۰۳)

د جاپان دفاع وزیر څرګنده کړی، چې د دې هېواد د بحري ځواکونو دوه چورلکې د روزنیزو هڅو پر مهال په بحر کې لوېدلي او د ۸ سپرو کارکوونکیو څخه یې لږ تر لږه یو کس مړ شوی دی.

رویټرز راپور ورکړ، چې د شنبې پر شپه د جاپان توریشیما ته نږدې سویلي ساحل ته څیرمه په لرې پرتو ایزو ټاپوګانو کې د جاپان دوه اس اچ – ۶۰ ډوله چورلکې، چې اوبتل ضد جنګي روزنیزې هڅې یې تر سره کولې؛ راوغورځېدې.

د جاپان دفاع وزیر مینورو کیهارا د یکشنبې پر ورځ ( د غویی دوه‌یمه ) په یوه خبري کنفرانس کې وویل، چې د الوتکې د غورځیدو د علت په اړه یې څېړنې پیل کړي دي.

 هغه زیاته کړې؛ د الوتنې دوه ریکارډرونه یو بل ته نږدې موندل شوي، چې د دواړو چورلکو ترمنځ د ټکر شونتیاوې ډېره ده.

د جاپان ذاتي دفاع ځواک او ساحل ساتونکي د چورلکو د پاتې اووه کارکوونکیو په لټه کې دي.

د شنبې پر ورځ د جاپان د ذاتي دفاع ځواکونو لوی درستیز یوشیتاکا ساکای ویلي؛ هغه باور نلري، چې بل کوم هېواد په دې پېښه کې لاس ولري.

په جاپان کې د امریکا سفیر رام امانویل په ایکس پاڼه کې لیکلي؛ هېواد یې چمتو دی، چې د لټون او ژغورنې په عملیاتو کې مرسته وکړي.

 

Continue Reading

Trending

Copyright © 2022 Ariana News. All rights reserved!