تازه خبرونه
پیر سید احمد ګیلاني سبا دوشنبه په ننګرهار کې خاورو ته سپارل کیږي
ټاکل شوې، چې سبا دوشنبه(د سلواغې ۴ کال ۱۳۹۵ل) د افغانستان د سولې عالي شورا رییس پخوانی جهادي مشر پیر سید احمد ګیلاني د جنازې مراسم په ارګ کې ترسره او بیا د دغه ولایت د سرهرود ولسوالۍ په پلرنۍ ادیره کې خاورو ته وسپارل شي.
جهادي مشر او د سولې عالي شوا رييس پير سيد احمد گيلاني د ۱۳۹۵ ل کال د سلواغې پر دوه یمه د شنبې پر ماسخوتن (۷:۴۵) د غازي امان الله خان په روغتون کې د مغزي سکتۍ پر لامل د ۸۴ کلونو په عمر ومړ.
د افغانستان د سولې عالي شورا مرستیال مولوي عطالرحمن سلیم رسنیو ته ویلي، چې، د ارواښاد ګیلاني د جنازې او خاورو ته سپارلو مراسم سبا ترسره کیږي.
پیر سید احمد گیلانی د سید حضرت گیلانی مشهور به نقیب صاحب زوی دی، چې پر ۱۳۱۱ل کال زېږدلی، لومړنۍ او منځنۍ زدکړې د کابل په ابو حنيفه او لوړې زدکړې کابل پوهنتون کې تر سره کړې وې.
ارواښاد د امیر حبیب الله خان له مشرې نمسۍ سره واده کړی او اوس ترې دوه زامن او درې لوڼې پاتې شوې دي.
په ۱۳۵۸ل کال کې کله، چې پخواني شوروي اتحاد پر افغانستان یرغل وکړ، پیر سید احمد گیلاني پېښور ته کډوال شو او هلته یې د «افغانستان ملي اسلامي محاذ» جهادي تنظیم جوړ کړ.
د۲۰۰۱م کال په ډسمبر کې، پیر سید احمد گیلاني د بون کانفرانس ته خپل پلاوی واستاوه او له وروستیو بدلونونو یې ملاتړ وکړ.
ارواښاد په وروستیو کلونو کې حکومت ته نژدې سیاسي مشر وگڼل شو.
د ۱۳۹۳ل کال په ولسمشریزو ټاکنو کې يې د ولسمشر محمد اشرف غني د تحول او تداوم له ډلې ملاتړ وکړ او د سولې عالي شورا مشر وټاک شو.
گیلاني د سولې عالي شورا درېیم او وروستی مشر و.
پير سید احمد ګیلاني تېرکال د افغانستان د سولې عالي شورا درېیم مشر وټاکل شو.
د ملي وحدت حکومت مشرانو د ښاغلي ګیلاني پر مړینه ژوره خواشیني ښودلې او د هغه مړینه یې د افغانستان لپاره ستره ضایعه ګڼلې او د ارواښاد ګیلاني د مړینې له کبله یې د هغه کورنۍ او د افغانستان ولس ته د خواخوږۍ مراتب وړاندې کړي دي.
د ارګ په خبرپاڼه کې راغلي؛ افغانستان په اوسني پړاو کې د سولې او ثبات د تامین او نورو ملي مسایلو په اړه د پرېکړو په برخه کې د پیرصاحب پوهې، لارښوونو او ګټورو نظریاتو ته تر بل هر وخت زیات ضرورت لري. درېغه افغانان په دغسې حساسو شېبو کې خپل یو ملي مشر او جهادي رهبر له لاسه ورکوي.
اجرائیه ریاست د سولې عالي شورا د رییس د مړینې په مناسبت د هغه له کورنۍ، د ملي محاذ ګوند او د سولې عالي شورا له غړیو سره د خواشینۍ څرګندونه کړې او د افغانستان په اوسنیو حالاتو کې یې د ښاغلي ګیلاني مړینه نه جبرانیدونکې ضایعه ګڼلې ده.
په کابل کې د پاکستان سفارت د یوې اعلامیې له لارې د ښاغلي ګیلاني د مړینې له کبله د خپل حکومت او ولس په استازیتوب د افغانستان له حکومت او خلکو سره خواخوږي څرګنده کړې ده.
سید حامد ګیلاني د پیر سید احمد ګیلاني مشر زوی رسنیو سره په خبرو کې ویلي، چې پلار یې په تېرو څلور لسیزو کې د افغانستان په سیاست کې اغېزمن رول درلود او د هغه مړینه د دغه هېواد لپاره یوه لویه ضایعه ده.
د یادونې وړ ده، چې پیر ګیلاني په تېر یو کال کې وکولی شول، چې د حزب اسلامي استازي د سولې بهیر ته رادننه، د سولې خبرې رهبري او د دغه حزب د امیر احتمالي راتګ زمینه برابره کړي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه