تازه خبرونه
که له اداري فساد سره جدي مبارزه ونه شي، حکومت به وشړیږي- جان سپکو
د افغانستان په بیارغاونه کې د امریکا پر مرستو د څار ځانګړې ادارې رییس خبرداری ورکړ، چې که له اداري فساد سره جدي مبارزه ونه شي، حکومت به له دننه وشړیږي او په روانه جګړه کې به بریا هم له ننګونو سره مخ شي.
د اروپایي ټولنې څلورمه ناسته له فساد سره د ګټورې مبارزې د تګلارې د موندنې تر سرلیک لاندې جوړه او استازي یې په کې د کابل د وروستۍ پېښې قربانیانو ته د درناوي لپاره څو شیبې چوپ پاتې شول.
د افغانستان په بیا رغاونه کې د امریکا د مرستو د څار ځانګړې اداره که څه هم له فساد سره په مبارزه کې نړیواله ټولنه د افغان دولت نږدې همکار ګڼي؛ خو د دې پدېدې شتون د ترهګرۍ په وړاندې د مبارزې د ناکامۍ یو علت هم بولي.
د افغانستان په بیارغاونه کې د امریکا پر مرستو د څار ځانګړې ادارې رییس جان سپکو وایي؛ له پوځي پلوه له ترهګرۍ سره مبارزه مهم لومړیتوب ګڼل ګیږي؛ خو که فساد وي، حکومت له دننه شړیږي، نو له دې کبله له دې پدیدې سره مبارزه نه شي کیدای دوه یم لومړیتوب وي، فساد په جګړه کې بریالیتوب له ستونزو سره مخ کوي.
په افغانستان کې د اروپایي ټولنې سفیر پیري مایدون وایي؛ اداري فساد د دولت پر ضد دریدليو کسانو ته فرصت ورکوي، چې ترې د دولت پر ضد ګټه واخلي، باید د اداري فساد په وړاندې څو پورې، چې نتیجه ورکوي، مبارزه روانه وساتل شي.
په دې ناسته کې د اداري فساد شته والی د سولې بهیر د له منځه وړلو یو عامل هم ګڼل کیږي.
د افغانستان په بیا رغاونه کې د امریکا پر مرستو د څار ادارې رییس له عدلي او قضایي مرکزونو غواړي، چې پر فساد ککړ ټول چارواکي په سزا ورسوي.
افغانان باید ډاډ حاصل کړي، چې راتلونکې ټاکنې رڼې دي او رایې یې بې ځایه نه ځي.
دغه راز کومې مرستې، چې له ټاکنو سره کیږي، باید د روڼتیا په برخه کې ولګول شي، نه دا، چې پر ټاکنیزو کمپاینونو ولګول شي.
جان سپکو وایي، باید له فساد سره مبارزه دوه یم لومړیتوب نه وي او له ټاکنو سره شوې مرستې باید ټاکنیزو کمپاینونو کې ونه لګول شي.
ولسمشر غني تر ډېره په دې ناسته کې د مرستندویه هېوادونو تر پوښتنو لاندې دی، که څه هم نوموړی په دولتي بنسټونو کې فساد مني؛ خو وایي: ژمن دی، چې په دې لار کې جدي مبارزه وکړي.
ولسمشر اشرف غني وایي؛ خلک له مونږ پوښتي، چې د نړیوالې ټولنې میلیاردونه دالر څه شول، مونږ باید له فساد سره د مبارزې لپاره راڼه میکانیزمونه ولرو؛ سمونونه پیل شوي دي، په امنیتي سکتور کې کار روان دی، بودجه رڼه شوې، په تړونونو کې هم روڼتیا راغلې؛ خو اوس هم له فساد سره مبارزه له ګواښونو او مقاومتونو سره مخ ده.
ولسمشر غني وایي، د افغانستان کورني عواید به تر ۲۰۲۴ کال پورې اته میلیارد دالرو ته ورسیږي او سوداګریز بلانس هم د ده په خبره باید بدلون وکړي.
هغه زیاتوي، د اداري فساد کموالی د افغانستان د پرمختګ یوازنی راز دی.
ولسمشر څرګندوي؛ دغه پدیده هغه مهال کمیدای شي، چې نړیواله ټولنه له حکومت سره همکاري وکړي.
د نوموړي د څرګندونو له مخې؛ پر فساد د تورنو دوه وزیرانو دوسیې له ما سره شریکې شوې دي او ژر به ځانګړې محکمې ته وړاندې شي. دغه راز مو په ګمرکونو کې فساد شتون لري او اړتیا ده، چې په ګمرکونو کې د ګمارلو بهیر غیرسیاسي شي.
ټاکل شوې، چې په جولای میاشت کې افغان دولت د ژنیف د مرستندویه هېوادونو ناستې ته له فساد سره د مبارزې بهیر وړاندې کړي؛ خو ولسمشر د فساد په وړاندې مبارزه کې د نړیوالو همکارۍ ته ځان اړ بولي.
خبریال: فواد ناصري
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه