تازه خبرونه
یوناما په افغانستان کې د ولسي تلفاتو پر زیاتیدو اندېښنه ښودلې
د ملګرو ملتونو په راپور کې راغلي، چې په تېر میلادي کال کې له درې زره ډېر ولسي وګړي وژل شوي او اووه زره نور ټپیان دي.
د ملکي تلفاتو په اړه په افغانستان کې د ملګرو ملتونو د مرستندویه پلاوي دفتر(UNAMA) کلنی راپور ښيي، چې په افغانستان کې د ملکي تلفاتو کچه د ۲۰۱۷ کال په پرتله ۵ سلنه لوړه شوې ده.
یوناما د ۲۰۱۸ کال د ملکي تلفاتو په راپور کې، چې د یکشنبې پر ورځ ( د کب ۵) خپور شو ویلي، چې تېر کال د وسلوالو شخړو په پایله کې: ۱۰۹۹۳ ملکي افغانانو ته مرګ و ژوبله اوښتې، چې ۳۸۰۴ ملکي وګړي په جګړو او د ناامنیو په نورو پېښو کې وژل شوي او ۷۱۸۹ نور ټپيان دي.
یوناما د ملکي افغانانو د ۶۳ سلنې مرګ و ژوبلې مسوولیت د افغان دولت د وسلوالو مخالفانو پر غاړه اچولی او ویلي یې دي، چې ۳۷ په سلو کې یې طالبانو، ۲۰ په سلو کې یې داعش، شپږ په سلو کې یې نامعلومو دولت ضد عناصرو، څوارلس په سلو کې افغان ځواکونو، شپږ په سلو کې نړیوالو سرتېرو او څلور په سلو کې دولت پلوو وسلوالو ډلو ته منسوب شوي.
په کابل کې د ملګرو ملتونو د بشري مرستو رییس ریچارد بنیت وايي، چې د ځانمرګو بریدونو او هوايي بریدونو د زیاتوالي له کبله د ملکي تلفاتو په شمېر کې زیاتوالی راغلی دی.
نوموړي زیاته کړې، چې په افغانستان کې هوايي بریدونه او ځانمرګي بریدونه ډېر شوي او مونږ یې اندېښمن کړي یو.
د تېر کال په ملکي تلفاتو کې نهه سوه اووه ویشت ماشومان، درې سوه پنځوس میرمنې، وژل شوي او دوه زره یو سلو پېنځه دېرش ماشومان او اته سوه دوه میرمنې ټپیان دي.
یوناما د جګړې ښکېلو غاړیو ته سپارښتنه کړې، چې د ملکي تلفاتو د مخنیوي لپاره نړیوالو منل شویو اصولو او نافذه قوانینو ته درناوی وکړي او خپل پوځي عملیات داسې پلان کړي، چې په کې ملکي وګړیو ته زیان ونرسیږي.
طالبانو همهاله د ملګرو ملتونو د دغه راپور په اړه په خپل غبرګون کې څرګنده کړې، چې دغه راپور غرضي دی او طالبانو ته په کې د ۳۷ سلنه ملکي زیانونو نسبت شوی دی.
خبریال: روهید اندیشمند
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه