تازه خبرونه
امریکا د وسلوالو طالبانو پر خلاف پر یرغلیز ماموریت بیا غور کوي
امریکايي رسنیو د پنتاګون د چارواکو له قوله ویلي، چې په افغانستان کې د امریکا نوې تګلاره به د کابل او اسلام آباد په اړیکو او له ترهګرۍ سره پر مبارزه راوڅرخیږي.
د امریکا ان بی سي تلویزیوني شبکې د خبر له مخې؛ ښايي امریکايي سرتېري یو ځل بیا په افغانستان کې یرغلیز حالت غوره کړي. دغې شبکې د پنتاګون د څلورو چارواکو له قوله ویلي، چې ښايي امریکايي سرتېري به پر وسلوالو طالبانو او حقاني شبکه بریدونه وکړي.
ویل کیږي چې امریکايي سرتېري به دا تګلاره د امریکا د ملي امنیت شورا د سلاکار مک ماستر له ارزونې وروسته عملي شي. نوموړی کوښښ کوي، چې په نوې تګلاره کې د کابل او اسلام آباد اړیکې او له ترهګرۍ سره مبارزه د لومړیتوبونو په توګه اعلان کړي.
د ملي دفاع وزارت ویاند دولت وزیري په ډاګه کړې، چې د ناتو د دفاع وزیرانو په غونډه پرېکړه شوې، چې امریکا او د ناتو غړي هېوادونه به په ځمکنۍ جګړه کې برخه نه اخلي او یوازې به خپله مشورتي دنده تر سره کوي.
سیاسي کارپوه صدیق پتمن بیا وایي، چې امریکا باید خپل شتون په افغانستان کې ځواکمن کړي او اړینه ده، چې دا شتون د یوې پالیسۍ له مخې ښکاره شي، چې په پایله کې یې باید له تلپاتې سولې برخمن شو.
پوځي کارپوه عتیق الله امرخېل وایي؛ تر هغې، چې یوه یا دواړه ښکېلې خواوې سولې ته غاړه کیندي؛ هر راز پوځي شتون به یې بې اغېزې وي. ان که امریکا سل کاله په دې هېواد کې پاتې شي.
دا په داسې حال کې ده، چې د امریکا د سنا د پوځي جرګه ګۍ رييس جان مک کین هم د پاکستان د ملي امنیت سلاکار سرتاج عزیز ته ویلي، چې په افغانستان کې د پاکستان له همکارۍ پرته سوله نه شي راتلای.
د نوموړي په وینا؛ په سیمه او نړۍ کې د ثبات د ټینګښت لپاره د امریکا او پاکستان ستراتژیکه ملګرتیا مهمه ده.
له دې مخکې هم یو شمېر امریکايي چارواکو ویلي وه، چې ښايي دونالد ترمپ په افغانستان کې تند دریځ تعقیب کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه