تازه خبرونه
کابل او اسلام آباد د دولتونو په سطحه خبرې کوي
ټاکل شوې، چې د افغانستان او پاکستان تر منځ د سولې پر څرنګوالي مخامخ خبرې تر دوه ورځو پورې په کابل کې پیل شي.
شاهد خاقان عباسي اته میاشتې مخکې د پاکستان د لومړي وزیر په توګه کار پیل کړ، کابل ته د لومړي ځل لپاره په سفر راځي او له افغان مشرانو سره د سولې او د ترهګرۍ خلاف د مبارزې پر څرنګوالي خبرې کوي.
اجرائیه ریاست وایي، دغه خبرې کابل ته د پاکستاني لومړي وزیر شاهدخاقان عباسي له سفر سره په یوه وخت پیلیږي.
د اجرائیه ریاست د ویاند مرستیال جاوید فیصل پاکستان له ترهګرو څخه پر ملاتړ تورنوي او وایي: په دې سفر کې د دولت په دولت خبرې له پاکستان سره پیلیږي. دې هېواد تر اوسه د ترهګرو ډلو د ځپلو لپاره ګام نه دی اخیستی او اسلام آباد دې د ترهګرۍ خلاف په مبارزه کې خپلې ژمنې پلې او زمونږ ډاډ دې تر لاسه کړي.
افغان دولت وایي، پاکستان هیڅکله د ترهګرو ډلو د کمزوره کولو او د افغانستان د سولې د تامین لپاره اقدام نه دی کړی او د دې هېواد له همکارۍ پرته به ستونزمنه شي، چې د ترهګرۍ ګواښ په سیمه او نړۍ کې له منځه ولاړ شي.
د ملي دفاع وزارت د ویاند د دفتر سرپرست محمد رادمنش وایي: پاکستان باید له شعاره تېر شي او د تروریزم په وړاندې په مبارزه کې دې عملي ګامونه پورته کړي. که همکاري وکړي، مونږ به د ترهګرۍ پر وړاندې په مبارزه کې بریالي شو. پرته له دې به مونږ له ترهګرۍ سره په مبارزه کې له ستونزو سره مخ وو.
کارپوهان هیله من دي، چې کابل ته به د پاکستان د لومړي وزیر له سفر سره د دواړو هېوادونو اړیکې ښې او پاکستان به د ترهګرۍ خلاف په مبارزه کې رښتینو هڅو ته چمتو شي.
په پاکستان کې پخوانی افغان دیپلومات احمد سعیدي وایي، چې د افغانستان حکومت له پاکستان څخه د معجزې تمه نلري؛ یوازې وایي، چې د تروریزم پالنه دې پریږدي او د سولې له بهیر سره دې مرسته وکړي.
ولسمشر تل له پاکستان سره د دولت په دولت خبرو غوښتنه کړې او له اسلام آباده یې هم غوښتي، چې د طالبانو او ترهګرو ملاتړ پای ته ورسوي.
خبریال: فواد ناصري
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
تازه خبرونه5 days ago
د اسلامي همکاریو ټولنې پلاوي د اروپايي ټولنې له استازې سره ولیدل