تازه خبرونه
د حکومت مرکچي پلاوی له طالبانو سره د خبرو په موخه ابوظبۍ ته تلی
د وسلوالو طالبانو او امریکايي استازیو ترمنځ مخامخ خبرې دا ځل د پاکستان په منځګړیتوب په عربي متحدو اماراتو کې تر سره کیږي.
د طالب ویاند ذبیح الله مجاهد د څرګندونو له مخې؛ په دې ناسته کې به پر امریکایانو او طالبانو سربېره د سعودي عربستان، پاکستان او عربي متحده اماراتو استازي هم ګډون ولري.
طالبانو په دې ناسته کې له حکومتي استازیو سره ناسته رد کړې او وایي، چې امریکایان مو دخبرو بنسټیز اړخ دی.
د افغانستان حکومت ویلي، چې کابل هم په دغه غونډه کې د ګډون لپاره خپل پلاوی استولی دی.
د اجرائيه ریاست ویاند مجیب الرحمن رحیمي وایي : د حکومت یو پلاوی ابوظبۍ ته له وسلوالو طالبانو سره د سولې د خبرو لپاره استول شوی دی. نړیوالو ملګرو او د سیمې هېوادونو ژمنه کړې، چې د حکومتي پلاوي او طالبانو د خبرو لپاره به د آسانتیاوو په رامنځته کولو کې همکاري وکړي.
اجرائیه ریاست زیاتوي، چې د حکومت پراستازیتوب به دا پلاوي د امریکا، پاکستان، متحده اماراتو، سعودي عربستان او طالبانو سره د افغانستان د سولې په اړه خبرې وکړي.
دوی دا هم څرګندوي، چې د سولې د خبرو لپاره شرط نلري؛ خو ټينګار دا دی، چې د دوی په وینا د ښځو پر حقونو سربېره تر لاسه شوي پرمختګونه به ساتي.
انګیرنې داسې دي، چې وسلوال طالبان به د خلیلزاد په مشرۍ له امریکايي پلاوي، له افغانستان څخه د بهرنیو سرتېرو د ایستلو، له تور نوملړه د وسلوالو طالبانو د رهبرانو د لیرې کولو، د بندیانو د خوشې کولو او په اساسي قانون کې د بدلون راوستلو غوښتنې وکړي.
دا هغه غوښتنې دي، چې ویل کیږي وسلوال طالبان یې له افغان حکومت سره د خبرو لپاره د شرطونو په توګه وړاندې کړي.
د سولې عالي شورا مرستیال سردار محمد نادر نعیم وایي: یو ستر بدلون راغلی او ښکېل اړخونونه پوهیدلي، چې جګړه ګټونکی نلري؛ ځکه، نو سیاسي هوکړه د حل یوازنۍ لار ده.
زلمي خلیلزاد د یکشنبې پر ورځ د عربي متحده اماراتو د بهرنیو چارو له وزیر سره په لیدنه کې هغه د افغان سولې په اړه د زلمي خلیلزاد له هڅو ملاتړ څرګند کړی دی.
روسیې ویلي، چې په افغان سوله کې د سیمې د هېوادونو رول ته پام نه کول به ستونزې را ولاړې کړي.
په کابل کې د روسیې سفیر الکساندر مانتیتسکی بیا وايي: په افغانستان کې د سولې ټينګښت یوه جدي اړتیا ده او د سیمې د هېوادونو لپاره هم ډېره مهمه ده. که د سیمې د هېوادونو رول ته پام ونه شي، په افغانستان کې د سولې ټينګښت به نا ممکن وي.
امریکا ویلي وه، چې له وسلوالو طالبانو سره د سولې خبرو ته بیړه لري او په دې تمه ده، چې ښايي له ولسمشریزو ټاکنو مخکې د افغان حکومت او وسلوالو طالبانو تر منځ د سولې خبرې وشي.
دا په داسې حال کې ده، چې د ملي امنیت شورا ویاند طارق آرین هم تېره ورځ د سعودي عربستان، متحده اماراتو او امریکا په ګډون له څلور اړخیزې ناستې خبر ورکړی دی.
خبریال: شاهپور فرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه