تازه خبرونه
آریانا افغان هوايي شرکت د یوه مسافر وړونکي الوتکه پېرودلې- نادرعمر
آریانا افغان هوايي شرکت د دوه اشاریه پېنځه څلوېښت میلیون دالرو پر ارزښت یوه مسافر وړونکي الوتکه پېرودلې ده.
د آریانا افغان هوايي شرکت دغې الوتکې په نورو هېوادونو کې هم له دې مخکې الوتنې کړي.
د یاد شرکت مسوولین وایي، د نوې الو تکي د پېرودلو لپاره مو پوره مالي امکانات نلرل؛ نو، ځکه د کاریدلې الوتکې پېرودلو ته اړ شو.
آریانا افغان شرکت زیاته کړې، چې د دغې نوې الوتکې سره به د دغې تصدۍ په خدمتونو کې د پام وړ ښه والي راشي.
د آریانا افغان هوايي شرکت عمو مي رییس محمد نادر عمر وایي، په هېواد کې مو د آزاد آسمان تر نامه لاندې قانون کورني هوايي شرکتونه له ګڼو ستونزو سره مخ کړي او د نړۍ د لویو شرکتونو الوتنې یوه ستره ننګونه ده.
د یادي اداري مسوولین وايي؛ په تخنیکي او بشري برخه کې هم باید په دې شرکت کې نوي بدلونونه رامنځته او چارې په ښه توګه تر سره شي.
د آریانا افغان هوايي شرکت عملیاتي رییس منیر احمد الیاد وایي، مونږه د ظرفیتونو په برخه کې تازه کارونه لرو؛ مسلکي کسانو او د تخنیکي برخي لوړول هم زمونږه د کار تازه برخې دي او په دې برخه کې مو کارونه سم روان دي.
د خصوصي سکتور ځنې غړي بیا وايي د آریانا د خدمتونو د لوړولو لپاره باید حکومت او خصوصي سکتور سره ګډه پانګونه تر سره کړي.
د افغانستان د سوداګرۍ نړیوالې خونې غړی قدیر بهمن وایي، چې آریانا د هېواد یو ملي شرکت دي؛ خو په دې شرکت کې د ظرفیت د نشتوالي له کبله خدمتونه معیاري ندي. که له خصوصي سکتور سره دولت پدې کې ګډه پانګونه وکړي دا به ښه کار وي.
د آریانا افغان هوايي شرکت مسوولین وايي، که د دې تصدۍ مشترکین ور سره همکاري زیاته کړي؛ نو دوی به په نږدي راتلونکي کې د نورو الوتکو د پېریدلو جوګه هم شي.
د یاد شرکت مسوولین وايي؛ هڅې کوو، چې دوه نورې الوتکي هم وپېرو.
خبریال: اسلم حجاب
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه17 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل