روغتيا
افغان ولسمشرحامد كرزي ومنله، چې اداري او امنيتي چارې نيمگړې دي
افغان ولسمشر حامد كرزي د بي بي سي ټلويزيون له نړيوالې شكبې سره په ځانگړې مركه كې ويلي، چې:
د استاد برهان الدين رباني له ترور وروسته له وسله والو طالبانو سره د سولې خبرې ستونزمنې شوي.
ولسمشرټينگاركړى، چې:
كه د وسله والو طالبانو ادرس مشخص شي؛ نو دوى به ور سر خبرې وكړي.
هغه د امنيت نشتوالى په افغانستان كې يوه لويه ستونزه بللې او وايي، چې:
د لس كلونو په تېرېدو افغان دولت او نړيواله ټولنه د امنيت په تينگښت كې پاتې راغلي دي.
هغه زياته كړې، چې:
نړيوالې ټولنې د افغان پوځ د پياوړتيا او روزنې په برخه كې، چې د افغانستان د ثبات لپاره اړين ول، په وخت د پام وړ گامونه پورته نكړل.
د افغانستان ولسمشرحامد كرزي ټينگار كړى، چې:
مونږ د روزنې په برخه كې ښه كارونه وكړل، په روغتيايي برخه كې ډېر پرمختگونه شوي، اقتصادي برخه له ستونزو سره – سره ښه ده، خو د امنيت په ټينگښت كې پاتې راغلو، چې دا زمونږ او زمونږ د ملگرو كمزوري ښيي.
افغان ولسمشر وايي، چې:
په افغانستان كې د ناامنيو ريښې په بهركې دي او پر بهرنيو ځواكونو بريدونه هم له افغانستان څخه بهر پلان كيږي.
نوموړى وايي:
په ټوليزه توگه پاكستان بايد خپل تگلورى بدل كړي. پاكستان د افغانستان او طالبانو په وړاندې ځانگړى سياست لري او طالبان د پاكستان له ملاتړ پرته هيڅ كار هم نه شي كولى.
حامد كرزي په بشپړ ټينگار څرگنده كړې، چې:
طالبان افغانان دي- يو افغان او يو ورور. زه غواړم، چې د دغه افغان ورور ادرس معلوم كړم. د استاد رباني له وژنې وروسته ثابته شوه، چې ثابت ادرس نشته. هر وخت، چې ادرس پيدا شو او طالبانو باوري سړى راوليږه ؛ نو كولى شو، چې له يوه افغان څخه بل افغان ته پيغام وليږدوو او خبرې ور سر پيل كړو.
دحامد كرزي په باوردوى په تېرو لس كلونو كې د فساد په مخنيوي كې هم پاتې راغلي، چې اصلي لامل يې بهرني هېوادونه دي.
هغه د لومړي ځل لپاره منلې، چې په دوه زره څوارلسم كال كې به له قدرت څخه گوښه كيږي او د ځاى ناستې لپاره يې هم ځيني گامونه اخيستي دي.
افغان كارپوهان د ولسمشر د څرگندونو په اړه بېلابېل نظرونه لري:
د سياسي چارو كارپوه سيد مسعود د امنيت په راوستو كې د افغان دولت او نړيوالو ځواكونو د پاتې راتلو لامل د دواړو خواوو ترمنځ د همغږى نه شتون بولي.
د سياسي چارو كارپوه احمد سعيدي بيا د پاكستان په اړه د افغانستان پرسياست نيوكه كوي او وايي، چې:
افغانستان تل د پاكستان په باب له تكتيكې سياست كار اخيستى دى.
دا څرگندونې په داسې حال كې راپورته كيږي، چې روان كال د افغانستان لپاره مهم او برخليك جوړونكى كال نومول شوى دى.
په دغه كال كې به د بن دوه يم كنفرانس او د امنيتې مسووليتونو دوه يم پړاو تر سره شي.
د چارو څارونكي په دې باور دي، چې افغان ولسمشر هڅه كوي نړيوالې ټولنې ته يقين وركړي، چې د گاونډ هېوادونو او په خاص ډول د پاكستان لپاره يې ځانگړى سياست خپل كړى دى.
روغتيا
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
عامې روغتیا وزارت له خلکو غوښتي، چې د ګوزڼ پر وړاندې خپل ماشومان واکسین کړی او په دې توګه له ګوزڼ څخه د خوندي افغانستان په جوړولو کې مرسته وکړي.
دا کمپاین به د غویی تر دیارلسمې / د می تر دوهیمې نېټې روان وي.
عامي روغتیا وزارت په پام کې لري، چې په دې پړاو کې له ۱۰ اعشاریه ۷ میلیون ډېرو ماشومانو ته، چې عمرونه یې له ۵ کلونو لږ وي؛ لاسرسي ومومي.
پولیو يا ګوزڼ يوه سارې نااعلاج ناروغي ده، چې په ماشومان کې د دايمي فلج سبب ګرځي؛ خو د روغتیا د برخې پوهان وايي، چې د دغې ناروغي مخنیوی یوازې پر واکسین کولو شونی دی.
د یادونې ده، چې تېر کال په ننګرهار کې د ۶ مثبتو پېښو په اړه راپور ورکړ شوی و.
روغتيا
قلندرعباد له آذربایجان څخه د کارکوونکیو د وړتیا لوړولو په اړه د مرستې غوښتنه وکړه
د عامې روغتیا وزارت چارسمبالي د هېواد د روغتیايي سکتور د کارکوونکیو د وړتیا لوړولو په برخه کې له آذربایجان څخه د مرستې غوښتنه وکړه.
قلندر عباد دغه غوښتنه په کابل کې د آذربایجان له سفیر الهام محمدوف سره په کتنه کې وکړه.
په دې کتنه کې دواړو لوریو د روغتیا په برخه کې د همکارۍ، د افغان روغتیايي کارکوونکیو د وړتیا لوړولو او نورو اړوند مسایلو په اړه خبرې وکړې.
دغه راز د آذربایجان سفیر په دې کتنه کې ویلي، چې هېواد یې هڅه کوي له افغانستان سره د روغتیا په برخه کې خپله مرسته او همکاري روانه وساتي.
د يو بل خبر له مخې؛ د اندراګاندي د ماشومانو په روغتون کې د اکسيجن د توليد د څانګې د ودانۍ د بنسټ ډبره کېښودل شوه.
د عامې روغتیا وزارت چارواکي وايي، دغه څانګه به د روغتیا نړیوالې ټولنې پر مالي او تخنیکي همکارۍ جوړه شي او په یوه ورځ کې د ۲۰۰ اکسیجن بالونونو د ډکولو پر وړتیا سربېره به دغه روغتون ته د اکسيجن د رسولو تر څنګ د روغتیا وزارت نورو روغتونونو ته هم اړین اکسیجن چمتو کړي.
روغتيا
قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې
د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.
په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځانبسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.
نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.
د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.
همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.
د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.
-
تازه خبرونه1 day ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه1 day ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
نړۍ15 hours ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري1 day ago
د ترکمنستان د سوداګرو او صنایعو اتحادیې مشر هرات ته سفر وګړ
-
تازه خبرونه14 hours ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ