تازه خبرونه
تر دوه اوونیو به د حکومت او طالبانو خبرې پیل شي-افغانستان
د افغانستان د بهرنیو چارو وزارت ویلي، چې د وسلوالو طالبانو د استازیو او افغان حکومت د استازیو ترمنځ خبرې اترې به په راتلونکیو دوه اوونیو کې ترسره شي.
دوه ورځې کیږي، چې د طالبانو او امریکایې پلاوي ترمنځ د سولې خبرې د قطر په دوحه کې د تړلیو دروازو ترشاه روانې دي؛ خو پایله یې تر دې دمه روښانه نده.
په کابل کې بیا د افغانستان حکومت د اووم پړاو خبرو ته هیله من دی.
د بهرنیو چارو وزارت ویاند صبغت احمدي وایي، چې د دغې ناستې پایلې به د وسلوالو طالبانو او افغان حکومت ترمنځ په راتلونکیو دوو اوونیو کې د بین الافغاني خبرو پیل وي.
نوموړي دا هم ویلي، چې د وسلوالو طالبانو او امریکایي استازیو ترمنځ په دوحه کې د اووم پړاو خبرې برخلیک ټاکونکې دي او د آلمان هېواد په دې اړه بنسټیزې هڅې کوي.
له دې سره جوخت په قطر کې د امریکا او طالبانو ترمنځ خبرې اترې د تړلیو دروازو ترشاه د دوه یمې ورځې لپاره هم روانې وې.
قطر ته د آریانا نیوز لیږل شوي خبریال ویلي؛ تمه کیږي، چې د دې ناستې پایله ډېر ژر روښانه شي. له افغانستان څخه د بهرنیو ځواکونو وتل او د امریکا او متحدینو په وړاندې به یې د افغانستان د خاورې نه کارول یې د خبرو اصلې محور دی. په داسې حال کې، چې ښاغلی خلیلزاد په دوه نورو موضوعاتو هم ټینګار کوي؛ د اوربند پيل او د بین الافغانې خبرې هغه برخه، چې په تړاو یې طالبانو تراوسه غور ندی کړی.
طالبانو ته نږدې سرچینې وایي، د سولې خبرې پر پخوانۍ اجندا ښې او چټکې روانې دي.
پخوانی طالب سید اکبر آغا وایي؛ زه فکر کوم، چې خبرې پر پخوانۍ اجندا روانې دي. د دغه پړاو خبرې د طالب استازي عباس ستانکزي پر غاړه دی او داسې هیلې شسته، چې د دې پړاو خبرې به مثبته پایله ولري.
داسې ښکاري، چې د سولې په اړه پرمختګ پر ټاکنو سیوری غوړولی؛ ځکه په افغانستان کې د ملګرو متلونو استازي ویلي، چې په افغانستان کې سوله او ټاکنې د یو بل لپاره باید خطر پېښ نکړي.
په افغانستان کې د ملګرو متلونو ځانګړی استازی تادامچي یاماماتو وایي، چې دغه دوه لړۍ نباید یو بل په خطر کې واچوې او یا یو د بل د ځنډیدو لامل شي؛ سوله او ټاکنې باید په پوره ژمنې ترسره شي.
په قطر کې د آریانا نیوز لیږل شوی خبریال وایي د تړلیو دروازو ترشاه بحثونه او خبرې روانې دي او ډېر ژر به یې له ۳۰ میلیون ډېرو افغانانو ته پایلې په ډاګه شي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه21 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه22 hours ago
په عراق کې به همجنسبازان پر۱۵ کاله بند شي –پارلمان
-
لوبی19 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل