تازه خبرونه
د کابل د لومړي مکروریان په سیمه کې دوه چاودنو ۳۹ کسانو ته مرګ و ژوبله اړولې
کورنیو چارو وزارت څرګنده کړې، چې د کابل د لومړي مکروریان په سیمه کې د کانونو وزارت د کارکوونکیو د لیږد پر موتر ځانمرګي برید اته کسان ووژل او یودېرش نور یې ټپیان کړل.
کورنیو چارو وزارت ویاند نصرت رحیمي ویلي، چې د پنجشنبې پر سهار یو ځانمرګی برید ګر پر موټرسایکل سپور و او د کانونو وزارت د کارکوونکیو د لیږد کاستر موتر یې پر نښه کړ. له هغې وروسته، چې امنیتې مسوولین ساحې ته د ټپیانو د لیږد لپاره ورغلل؛ بله چاودنه هم وشوه.
د پېښې لیدونکی سید شاه ویلي دي، چې زه د دې سیمې د هوتل کارکوونکی یم. یو غږ مې واوریده، چې ورسره د کاستر موتر ښیښې ماتې او ډېرو خلکو ته مرګ و ژوبله واوښته؛ خو نور پوه نشوم.
د پېښې یو بل لیدونکی فرهاد نومی وایي، د یو کس سر نه و؛ ټول له سیمې راټول شول او څو دقیقې وروسته یو بل ځانمرګی برید رامنځته شو، چې دلته مې ډېره مرګ و ژوبله ولیدله.
د پېښې زیاتره ټپیان او وژل شوي د وزیر محمد اکبرخان روغتون ته لیږدول شوي دي او خلک خپل دوستان لټوي.
د پېښې له ځایه آریانا نیوز خبریال وایي؛ ښځې او ماشومان هم په ټپیانو کې دي، تابوتونه یې د لیږد لپاره تیاریږي او یو پلار د خپل کوچني زوی مړي ته ولاړ دی او ژاړي او بل ځای یې میرمن عالیه ټپي شوې او په بد حالت کې ده.
د پېښې ټپي بختیار نومی وایي؛ ما ټپیان او وژل شوي کسان لیږدول، چې په دوه یمه چاودنه کې خپله ټپي شوم.
د کانونو وزارت مرستیال محبوب رباني وایي، چې د لومړنیو معلوماتو له مخې؛ په دې پېښه کې د دې وزارت اته کارکوونکي وژل شوي او له لس ډېر نور ژوبل دي.
تر اوسه د کانونو وزارت د کارکوونکیو د لیږد پر موتر د برید مسوولیت کومې ډلې په غاړه ندی اخیستی او طالبانو هم په دې دواړو چاودنو کې خپل لاس لرل رد کړي؛ خو کورنیو چارو وزارت ویاند وایي، دا د طالبانو کار دی، چې په کې اته کسان وژل شوي او ۳۱ نور ژوبل دي.
دا په داسې حال کې ده، چې نن سهار د نهمې ناحیې په اړوند دیسپیچري سیمه کې هم یو موتر بم چاودنه شوې، چې په کې د کورنیو چارو وزارت د څرګندونو له مخې درې کسان وژل شوي او ۱۳ نورټپیان دي. په هر حال د دغو پېښو نښې له څو ساعتونو وروسته له منځه ځي، په وینو ککړ سړکونه بېرته پاکیږي او ژوند بېرته عادي حالت ته راګرځي!
خبریال: خالد نیکزاد
تازه خبرونه
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
د افغانستان په اړه د نړیوال بانک د نوي راپور له مخې؛ په دغه هېواد کې د کوکنارو پر کښت له بندیز سره کروندګرو یو اعشاریه ۳ میلیارډ ډالر عاید له لاسه ورکړي، چې د ناخالصو تولیداتو نږدې ۸ سلنه جوړوي.
دغه بنسټ ویلي، چې په تېرو دوه کلونو کې د افغانستان ناخالص کورنی تولید ۲۶ سلنه کم شوی، چې ورسره د دغه هېواد اقتصادي راتلونکې ناڅرګند شوی دی.
په راپور کې راغلي، چې په خصوصي سکټور کې جوړښتي نیمګړتیاوو او د نړیوالو مرستو کموالي په افغانستان کې د اقتصادي پرمختګ مخه نیولې ده.
نړیوال بانک ویلي، چې د افغانستان نیمايي نفوس په بېوزلۍ کې ژوند کوي او ۱۵ میلیون وګړي د خوړو له نه خوندیتوب سره مخ دي.
د نړیوال بانک د افغانستان څانګې مشرې میلنډا ګوډ ویلي؛ د یوه باثباته راتلونکي افغانستان لپاره باید پر جنسیتي ناوړه پالیسۍ، په روغتیایي او تعلیمي برخو کې پانګونې او د کرنې او کانونو په سکټورونو کې د فرصتونو رامنځته کولو راوڅرخیږي.
نړیوال بانک وایي؛ د افغانستان د سوداګرۍ د کسر زیاتوالی د دغه هېواد د اقتصاد لپاره بله ننګونه ده. د دغه بانک د راپور له مخې؛ په ۲۰۲۳ کال کې د افغانستان واردات ۲۳ سلنه یا ۷ اعشاریه ۸ میلیارډ ډالرو ته رسېدلي دي.
تازه خبرونه
اسلامي امارت د اسلامي همکاریو ټولنې په غونډه کې د خپل پلاوي له ګډون خبر ورکړ
د بهرنیو چارو وزارت نن یکشنبه د غویي شپالسمه څرګنده کړې، چې د اسلامي امارت یوه پلاوي د ګمبیا هېواد د پلازمېنې بانجول پر کوربتوب د اسلامي همکاریو ټولنې په نننۍ ناسته کې ګډون کړی دی.
د اسلامي هېوادونو د همکاریو ټولنې د مشرانو پېنځلسمه دوه ورځنۍ غونډه پرون (شنبه د غویی پېنځلسمه) پیل شوې ده.
د بهرنیو چارو وزارت څرګنده کړې، چې د اسلامي همکاریو ټولنې په غونډه کې د دې وزارت د نړیوالو ټولنو د څانګې ویاند او رییس د اسلامي امارت پر استازیتوب ګډون کړی دی.
د بهرنیو چارو وزارت په خبرپاڼه کې راغلي، چې د اسلامي امارت پلاوی به په عمومي غونډه کې د ګډون ترڅنګ د اسلامي همکاریو ټولنې له لوړ پوړیو چارواکو او د دې ټولنې د غړیو هېوادونو له استازو سره هم وګوري او په بېلابېلو موضوعاتو به ورسره خبرې وکړي.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه14 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا